یاقوب 1:21 - کتاب مقدس به زبان کردی جنوبی - گویش کلهوری

²¹ جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

یاقوب 1:21 Referans Kwoze

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

یەکم پتروس 2:11

ئێ عەزیزەیل، وه ئیوه که وەناو ئی جهانه بێگانه و غەریوین لاڵکمه پێدانەو، له هەواوهەوەسیل جەسەیی که وەگەرد گیاندان شەڕ کەن، خوەدان بپارێزنن.

یوحەنا 6:63

روح خوداس که زنەیی بەخشی؛ جەسه وه هویچ دەردیگ نیەخوێ. قسیەیلی که مه وه گەردانەو کردمه، روح و زنەییه.

یەکم پتروس 2:1

جا هەر جور دڵپێسی و هەر جور فێڵ و دوڕویی و حەسویی و هەر جور بختێگ له خوەدان دویرەو بکەن.

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.

یاقوب 4:8

وه خودا نزیکەو بوین، که ئەیویش وەپێدان نزیکەو بود. ئێ ئیوه گوناکاریل، دەسيلدان پاکەو بکەن و ئێ ئیوه هوکی هوکییەل، دڵیلدان پاکەو بکەن.

تیتوس 2:11

چوینکه فیز خودا ئاشکرا بیه، فیزێگ که ئەڕا گشت مەردم نجات تیەرێ و

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

عبرانییل 4:2

چوینکه وه ئیمەیش هەر جور ئەوانه مزگانی دریاد. وەلێ پێخامێگ که شنەفتن، نەفیگ ئەڕاێان نیاشت، چوینکه وەگە‎رد ئەوانه که گوش کردن وه وەسلەێ ئیمان یەکی نوین.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

یەکم قورنتییل 15:2

له ڕێ ئەوه نجات پەێا کین، ئەگەر وه ئەو کەڵامه که ئەڕادان بانگەوازی کردم چنگ بێین. مەر ئیه که، وه هویچ پەتی ئیمان هاوردوین.

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

یوحەنا 6:68

شەمعون پتروس جواو دا: «گەورەم، بچیمنه ئەڕا لاێ کی؟ قسیەیل زنەیی ئەبەدی ها لاێ تو.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

یەکم پتروس 1:9

دەرئەنجام ئیماندان که نجات گیانیلدانه، وه دەس تیەرێن.

رومیەگان 11:17

وەلێ ئەگەر بڕێگ له پەلەگان بڕیان و تو، هەر چەن که پەلێگ له دار زیتون کویەیله بید، وەناو پەلیل تر دریایده قێ دار زیتونەگه و ئێرنگه له شیرەێ وه قەوەت ریشەێ دار زیتون هاوبەشی،

کاریل ڕەسولەیل 10:33

جا زویزی کل کردمه شوند، تنیش لوتف کردی هاتێ. ئێرنگه گشتمان لەلاێ خوداوه گورجیم تا گوش بیمنه هەر چی که خوداوەند فەرمایش کردێەسه پێد.»

ئنجیل مەتا 5:5

خوەش وه حاڵ ئەوانه که حەلیمن، چوینکه زەوی وه میراتی بەن.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

ئەفسوسیێل 5:4

با وتار خراو و قسیەێ گیلگەوجانه و شوخیەل گەن وەناودان نود که ئیانه خاس نین؛ وه جێ ئەوانه سپاس خودا بکێن.

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.

یاقوب 5:20

ئەو ئایەمه بزانێ که هەر کەس گوناکارێگ له چەفتیەگەێ باریدێەو، گیانێ له مەرگ نجات دەێ و گونایل فرەێگیش داپوشانێه.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.