یاقوب 1:18 - کتاب مقدس به زبان کردی جنوبی - گویش کلهوری

¹⁸ ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یاقوب 1:18 Referans Kwoze

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یوحەنا 1:13

ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.

ئەفسوسیێل 1:12

تا ئیمه که یەکمین کەسیلێ بیمن که وه مەسیح ئمید بەسایم، بیمنه مایەێ ستایش جەڵاڵ ئەیو.

یەکم یوحەنا 3:9

هەر کەسێگ له خوداوه هاتیەسه دنیا، وەناو گونا زنەیی نیەکێ، چوینکه توخمتەرەکەێ خودا وەناوێ نیشتەجێه. جا ئەوه نیەتویەنی وەناو گونا بەردەوام بمینێ چوینکه له خوداوه هاتیەسه دنیا.

عبرانییل 12:23

هاتینەسه ناو جەماێەت یەکم زگێل که ناویلێان وەناو ئاسمان نویسریاس. هاتینەسه ئەڕا لاێ خوداێگ که وه گشتیەکی داوەری کەی، هاتینەسه ئەڕا لاێ روحیل سالحانیلێگ که کامڵەو بینه،

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

یەکم قورنتییل 4:15

چوینکه تەنانەت ئەگەر وەناو مەسیح بی ئەنازه ماموستا بیاشتوین، وەلێ باوگیل فرەێگ نێرین، ئەڕا ئیەک من له ڕێ ئینجیل وەناو مەسیح عیسا بیمەسه باوگدان.

رومیەگان 4:17

ئەوجورە که وەناو تەورات نویسریاس: «مه تو کردمەسه باوگ ملەتیل فرەێگ.» له وەر چەو خودایش ئیجورەسه، خوداێ که ئێبراهیم وەپێ ئیمان هاورد، خوداێ که مردگیل زنیەو کەێ و چشتیلی که نیەن، تیەرێده دی.

دویم قورنتییل 6:7

وه قسیەێ ڕاس و وه هێز خودا، وه چەکیل سالح بوین وه دەس ڕاس و چەپ؛

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

یاقوب 1:15

جا هەواوهەوەس که ئێمڵه بود، گونا تیەرێده دنیا و گونایش وەختێ حساوی گەورا بود، مەرگ وه بار تیەرێ.

یاقوب 3:14

وەلێ ئەگەر وەناو دڵ خوەدان حەسویی تیەڵ و جێخوازی دێرین، وه خوەدان شانازی مەکەن و وه پێچەوانەێ ڕاسی قسیه نەکێن.