عبرانییل 9:11 - کتاب مقدس به زبان کردی جنوبی - گویش کلهوری

¹¹ وەلێ وەختێگ مەسیح له جیگەێ کاهن گەوراێ ئەو چشتیل خاسه ئاشکرا بی که ئێرنگه هاتنەسه دی، چیەسه ناو دەوارێگ گەوراتر و کامڵتر که وه دەس ئایەم درس نەکریاس. یانێ هن ئی درسکریایه نیه.

عبرانییل 9:11 Referans Kwoze

دویم قورنتییل 5:1

ئێرنگه زانیمن هەر وەخت ئی دەواره که ها بان زەوی که وەناوێ نیشتەجێیمن بڕمێد، ماڵێگ له خودا دێریم که ئەبەدیه و ها ناو ئاسمان، ماڵی که دەس درسی نەکردیه.

عبرانییل 10:1

له ئەوره که شەریعەت تەنیا ساێەڕکی چشتیل خاس وەره ڕویه، نه شێوەێ ڕاسەکانی ئەوانه. وه ئی بونه، هەراێهەر نیەتویەنێد وەگەرد قوروانییلێگ که ساڵ وه ساڵ یەێ‌سەر پیشکەش کرێید، ئەوانه که ئەڕا پەرەسش نزیکەو بون، کامڵەو بکێد.

مەرقوس 14:58

«ئیمه خوەمان شنەفتیمنه که وەتیا، ”ئی مابەده که وه دەس بەشەر درس کریاس خراوی کەم و وەناو سێ ڕوژ، مابەدێگ تر درس کەم که وه دەس بەشەر درس نەکریاوی“»

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

عبرانییل 2:17

وه ئی بونه، واجو بی له هەر باوەتەو بوده جور برایل خوەێ تا بتویەنێ وه جیگەێ کاهن گەوراێگ که وه بەزەیێه و ئەمینە، وه خزمەت خودا بود و ئەڕا گونایل قەومەگه کەفارەت بکێد.

کاریل ڕەسولەیل 7:48

«وەلێ خوداێ هەربەرز وەناو ماڵيلی که وه دەس درس کریاس نیشتەجێ نیود، ئەوجورەکە ئەشعەیاێ پەێخەمەر وەتیه:

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

یوحەنا 4:25

ژنەگه وەته عیسا: «زانم ماشیەح تێی؛ وەختێ باێ، گشت چشتێ ئەڕامان ئویشێد.» ماشیەح یانێ مەسیح واده دریاێ.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

عبرانییل 7:1

ئی ملکیسدقه، پادشاێ شار سالیم و کاهن خوداێ هەربەرز بی. وەختێ ئێبراهیم پەێخەمەر له شکەس داین پادشایل هاتیادەو، ملکیسدق تەقیاده پێ و بەەرکەتی دا و

عبرانییل 4:15

چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.

نامه وه کولوسییل 2:11

وەناو مەسیح خەتەنەیش کریاین، خەتەنەێگ که وه دەس نەکریاس. ئی خەتەنه وەگەرد له وەر دەر هاوردن شەخسیەت جەسەیه، وەگەرد خەتەنەێگه که مەسیح کردێه.

ئنجیل مەتا 11:3

تا وه عیسا بپرسن: «توی هەر ئەویده که باێه باێد، یا چەوەڕێ یەکیگ تر بویمن؟»

ئنجیل مەتا 2:6

«”ئێ بەیت‌لحم، که هایده میلکان یەهودا، تو له ناو فەرمانرەوایل یەهودا هەراێهەر کەمتر نید، چوینکه له تنەو فەرمانرەواێگ ئاشکرا بود که شوانی قەومەگەم ئێسرائیل کەی.“»

دویم قورنتییل 4:18

جا ئیمه نیەنوڕیمنه چشتیلی که بود بوینیدیان، بەڵکەم نوڕێیمنه چشتیلی که نادیارن، چوینکه چشتیلی که بود بوینیدیان گوزەران، وەلێ چشتیل نادیاری، ئەبەدین.

عبرانییل 12:27

ئی قسیەێ ’یەێ جارتر‘ وه له بین بردن چشتیلی ئاماژه کەی که کەفنه ڕکه، یانێ چشتیل درس کریاێ، تا چشتیلی که نیەتویەنن بکەفنه ڕکه، باقی بمیند.

عبرانییل 13:14

چوینکه وه ئێره شارێگ که هەر بمینێد، نێریم بەڵکەم هایمنه شون ئەو شاره که باێه باێ.