عبرانییل 8:4 - کتاب مقدس به زبان کردی جنوبی - گویش کلهوری

⁴ ئێرنگه ئەگەر ئەیو وەبان زەوی بی، بی خەڵاف کاهن نویاتیاد، چوینکه کاهنیل تر هەن که وه پێ شەریعەت پیشکەشییل دەنه تاویل.

عبرانییل 8:4 Referans Kwoze

عبرانییل 5:1

چوینکه هەر کاهن گەوراێگ که له بین ئایەمیل هەڵوژارێید، دەسنیشان کرێید تا وەناو کاروباریل خودا له جێ ئایەمیل کار بکێ تا پیشکەشییل و قروانیيل ئەڕا گونایل بێیده تاویل.

عبرانییل 11:4

وه ئیمان بی که هابیل قوروانی قەبوڵ‎کریاێگتر له قوروانیەگەی قائن وه خودا پیشکەش کرد و له ڕێ هەر ئی ئیمانه له باوەت هابیل شاێەتی دریاس که سالحانه، چوینکه خودا وەگەرد قەبوڵ کردن پیشکەشییلێ له لێ تاریف کرد. له ڕێ ئیمانێه، هەرچەن مردگه وەلێ هێمراێ قسیه کەید.

عبرانییل 7:27

جور ئەو باقی کاهنيل گەورا، هەوەجی نێرید هەر چی ڕوژه، یەکم جار ئەڕا گونایل خوەێ و لەشونی ئەڕا گونایل قەوم، قوروانی پیشکەش بکێ. ئەڕا ئیه که یەێ جار ئەڕا هەمویشه ئی کاره کرد، وەختێ که خوەێ قوروانی کرد.

عبرانییل 8:3

چوینکه هەر کاهن گەوراێگ ئەڕا تاویل داین پیشکەشییل و قوروانیيل دەسنیشان بود. وه ئی بونه، ئی کاهنیشه ئەڕاێ واجوه چشتێگ ئەڕا پیشکەش کردن بیاشتوید.

عبرانییل 9:9

ئیه ئەڕا ئی دەورانه نیشانەیگه، وه پێ ئی ڕیکپێکیه، پیشکەشییل و قوروانییلی دریەنه تاویل که نیەتویەنن وژدان کەسێگ که پەرەسش کەید، وه تەمامی پاکەو بکەن،

عبرانییل 10:11

هەر کاهنێگ، هەر چی ڕوژه ئەڕا خزمەتەگەی وسێده پاوه و هەر ئەو قروانیيله که هەراێهەر نیەتویەنن گونایل له بین بوەن، یەسەر پیشکەش کەن.