عبرانییل 8:3 - کتاب مقدس به زبان کردی جنوبی - گویش کلهوری

³ چوینکه هەر کاهن گەوراێگ ئەڕا تاویل داین پیشکەشییل و قوروانیيل دەسنیشان بود. وه ئی بونه، ئی کاهنیشه ئەڕاێ واجوه چشتێگ ئەڕا پیشکەش کردن بیاشتوید.

عبرانییل 8:3 Referans Kwoze

عبرانییل 5:1

چوینکه هەر کاهن گەوراێگ که له بین ئایەمیل هەڵوژارێید، دەسنیشان کرێید تا وەناو کاروباریل خودا له جێ ئایەمیل کار بکێ تا پیشکەشییل و قروانیيل ئەڕا گونایل بێیده تاویل.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 7:27

جور ئەو باقی کاهنيل گەورا، هەوەجی نێرید هەر چی ڕوژه، یەکم جار ئەڕا گونایل خوەێ و لەشونی ئەڕا گونایل قەوم، قوروانی پیشکەش بکێ. ئەڕا ئیه که یەێ جار ئەڕا هەمویشه ئی کاره کرد، وەختێ که خوەێ قوروانی کرد.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

یوحەنا 6:51

منم ئەو نان زنەیی دەره، هەر ئەوه که له ئاسمانەو هاته خوار. ئەگەر کەسێ له ئی نانه بخوێ، تا ئەبەد زنی مینێ. نانی که من ئەڕا زنەیی جهان بەخشم، جەسەێ منه.»

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

رومیەگان 5:6

ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

عبرانییل 2:17

وه ئی بونه، واجو بی له هەر باوەتەو بوده جور برایل خوەێ تا بتویەنێ وه جیگەێ کاهن گەوراێگ که وه بەزەیێه و ئەمینە، وه خزمەت خودا بود و ئەڕا گونایل قەومەگه کەفارەت بکێد.

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

عبرانییل 8:4

ئێرنگه ئەگەر ئەیو وەبان زەوی بی، بی خەڵاف کاهن نویاتیاد، چوینکه کاهنیل تر هەن که وه پێ شەریعەت پیشکەشییل دەنه تاویل.