عبرانییل 8:10 - کتاب مقدس به زبان کردی جنوبی - گویش کلهوری

¹⁰ خوداوەند فەرمایش کەی: چوینکه ئیەسه پەێمانێگ که وەشون ئەو ڕوژیله وەگەرد بنەماڵەێ ئێسرائیل بەسم. حوکمیل خوەم نەمه ناو زەین ئەوانه و وەبان دڵیان نویسمی. مه بومه خوداێ ئەوانه و ئەوانه بونه مەردم مه.

عبرانییل 8:10 Referans Kwoze

دویم قورنتییل 3:3

ئیوه نیشان داینه که نامەێ مەسیحین و بەر خزمەت ئیمه، نه وه مرەکەو، بەڵکەم وه روح خوداێ زنی نویسریاس، نه وه سەر تەخته کوچگیگ، بەڵکەم وه سەر تەخته دڵیل بەشەری.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

رومیەگان 11:27

ئیه پەێمان من وەگەرد ئەوانەسه وەختێ که گونایلێان لا بوەم.»

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

ئنجیل مەتا 22:32

خودا فەرمایش کردێه، ”منم خوداێ ئێبراهیم و خوداێ ئەسحاق و خوداێ یاقوب“. خودا نه خوداێ مردگیل، بەڵکەم خوداێ زنییله.»

عبرانییل 11:16

وەلێ هەرئەوجوره که دوینیم تاسەێ نیشتمانیگ خاستر داشتن، یانێ نیشتمانیگ ئاسمانی. وه ئی بونه، خودا عارێ نیەتێی خوداێ ئەوانه بخوەنرێید، چوینکه شارێگ ئەڕاێان گورجەو کردێه.

یەکم قورنتییل 6:16

ئێ نيەزانين کەسێگ که لچکێیده لەشفروشێگ، وەگەردیەو بوده یەێ جەسه؟ چوینکه وەناو کتاو موقەدەس نویسریاس: «ئەو دو نەفەره بونه یەێ جەسه.»