عبرانییل 7:16 - کتاب مقدس به زبان کردی جنوبی - گویش کلهوری

¹⁶ ئەوه نه وه پێ حوکم شەریعەتێگ که وه نەتەوەێ دریاد، بەڵکەم له ڕێ هێز زنەیێگ که له بین نیەچود، بوده کاهن.

عبرانییل 7:16 Referans Kwoze

نامه وه کولوسییل 2:20

ئەگەر وەگەرد مەسیح له باوەت بیروڕایل سەرەتایی ئی جهانه مردینه، ئەڕا هەر جور کەسیلێ که چماێ هێمراێ هن ئی دنیان، گوش له دەستوریلێگ تەکنین، دەستوریلێگ که ئویشێ:

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

عبرانییل 10:1

له ئەوره که شەریعەت تەنیا ساێەڕکی چشتیل خاس وەره ڕویه، نه شێوەێ ڕاسەکانی ئەوانه. وه ئی بونه، هەراێهەر نیەتویەنێد وەگەرد قوروانییلێگ که ساڵ وه ساڵ یەێ‌سەر پیشکەش کرێید، ئەوانه که ئەڕا پەرەسش نزیکەو بون، کامڵەو بکێد.

عبرانییل 7:28

چوینکه شەریعەت، ئایەمیل وەناو بی هازیان ئەڕا کاهنی گەورا دیاری کەی، وەلێ کەلیمەێ ئەو قەسەمه که وەشون شەریعەت هات، کوڕ که تا ئەبەد کامڵەو بیه، دیاری کەی.

عبرانییل 7:3

ئی ملکیسدقه نه باوگ دێرێ و نه داڵگ و نه بنەچەک، ڕوژیل زنەیی نه سەرەتایی دێرێ و نه ئاخر، بەڵکەم وێنەێ کوڕ خوداس و تا ئەبەد کاهن مینێد.

نامه وه کولوسییل 2:14

جا ئەو سەنەد قەردیگ که وەگەرد یاسایلێ وه زد ئیمه نویسریاوی و وه نوای ئیمه وساویه پاوه، پاکەو کرد و له بان سەلیب بزمار کوتی کرد و له بین بردێ.

نامه وە غەلاتییل 4:9

وەلێ ئێرنگه که خودا ناسین، یا خاستر بویشم، خودا ئیوه ناسێد، ئێ چوی تویەنین یەێ جارتر هەڵوگەردینه وەرەو بیروڕایل سەرەتایی بی هاز ئی جهانه که هویچ نیەتیەرزی؟ ئێ یەێ جارتر تواین بوینه خوڵام ئیانه؟

نامه وە غەلاتییل 4:3

ئیمەیش هەر و ئیجوره: تا وەختێ که ورد بیمن، خوڵام بیروڕایل سەرەتایی ئی جهانه بیمن.

عبرانییل 7:21

وەلێ کاهنی ئیاکه وەگەرد قەسەمەو بی، وه وەسلەێ ئەوه که وەته پێ: «خوداوەند قەسەم خواردێه و فکریشێ نیەگوڕنێدەو که: ”تو تا ئەبەد کاهنید“.»

عبرانییل 7:17

چوینکه له باوەت ئەیو وەناو کتاو زەبور ئیجوره شاێەتی دریاس که: «تو تا ئەبەد کاهنید، یەێ کاهن له جیگەێ ملکیسدق.»

رومیەگان 7:14

چوینکه ئیمه زانیمن که شەریعەت روحانیه، وەلێ مه هامه ناو جەسه و جور خوڵامێگ فروشیامەسه گونا.

عبرانییل 7:15

له ئیەیشه ئاشکراتر ئیه که وەختێ کاهنێگ تر وێنەێ ملکیسدق تێد،

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!