عبرانییل 6:4 - کتاب مقدس به زبان کردی جنوبی - گویش کلهوری

⁴ چوینکه ئەوانەێ که یەێ جار وه نویر خودایی نویرانیەو بینه و تام ئەو خەڵاتی ئاسمانیه کردنه و وەناو روح‌القودوس بەشدارەو بینه

عبرانییل 6:4 Referans Kwoze

ئنجیل مەتا 5:13

«ئیوه نمەک زەوین. وەلێ ئەگەر نمەک تامێ له دەس بێی، چوی بو وه دواره سوڵەو بکرێ؟ دی وه کار هویچ نیەتێ بێجگه ئیه که فڕه بدرێده دەیشت و مەردم پاوڵای بکەن.

یوحەنا 15:6

ئەگەر کەسێگ وەناو مه نیشتەجێ نود، جور پەلێگ فڕەێ دەن و وشکەو بود. پەلیل وشک گردێانەو کەن و فڕەێان دەنه ناو ئاگر و سزننەێان.

ئەفسوسیێل 2:8

چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

یوحەنا 3:27

یەحیا جواو دا: «کەس نیەتویەنی چشتێ وه دەس بارێ، مەر ئیه که له ئاسمان دریاویده‎ پێ.

عبرانییل 10:32

وەلێ ئەو ڕوژیل جارانه بارنه هویردان، وەختێگ که تازه وەگەرد نویر خودایی نویرانیەو بوین؛ له ناو ئەو ڕوژیله، وه تاموڵ رەنجیل وەناو جەنگین سەختێگ بەردەوامی داینه خەرج.

ئنجیل مەتا 12:45

جا چود و هەفت روح شەڕئاشوتر له خوەێ تیەرێ و گشتێان چنه ناوێ نیشتەجێ بون. ئاخر ئەو ئایەمه خراوتر له ڕوژ یەکمێ بود. ئاخر ئی نەتەوەێ شەڕئاشوه ئیجوره بود.»

نامه وە غەلاتییل 3:2

بیلێن تەنیا ئیه لەلێدان بپرسم: ئێ وەگەرد وەجێ هاوردن کردەوەێ شەریعەته که روح خودا وه دەس هاوردین یا وه ئیمان وه ئەو چشته که شنەفتین؟

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

یەکم یوحەنا 5:16

ئەگەر کەسێگ بوینی براگەێ گوناێگ کەێد که بایس مردن نیود، دوعا بکێ و خودا ژیان بەخشیده پێ، ئیه له باوەت کەسیلێگ ئویشم که گونایلێگ کەن که بایس مردن نیود، گوناێگ هەس که بوده بایس مردن. له باوەت ئیجور گوناێگ نیویشم که باێه دوعا کرد.

عبرانییل 2:4

وه حاڵێگەو خودایش وه ئەوه شاێەتی دا، وەگەرد نیشانەیل و چشتیل ئەڵاجوی و موجزەیل جورواجور و خەڵاتییل روح‌القودوس، که ئەوانه وه پێ خاست خوەێ بەشەو کردیاد.

یەکم نامەێ تیموتاوس 4:14

ئەو خەڵاتی خودا که ها ناود‎ مەخه پشت گوش، خەڵاتی خودا که وه وەسلەێ نەبوەت پەێا کردی، ئەو وەخته که خێل شێخیل وه ملدەو دەس هیشتن.

کاریل ڕەسولەیل 11:17

جا ئەگەر خودا هەر ئەو خەڵاتیه بەخشیه پێان که وەشون ئیمان هاوردن وه عیسا مەسیح خوداوەند بەخشیەسه ئیمه، من کیم که بتوام نوای کار خودا بگرم؟»

ئەفسوسیێل 4:7

وەلێ وه هەر کاممان وه پێ پەێمانەی خەڵاتی مەسیح، فیز بەخشریا.

ئەفسوسیێل 3:7

مه وه پێ خەڵاتی فیز خودا بیمەسه خزمەتکار ئی ئینجیله که وه وەسلەێ هێز ئەیو که ها ناو کار، بەخشریاسە پێم.

کاریل ڕەسولەیل 10:45

قێرێ له ئیمانداریل جویلەکە که وەگەرد پتروس هاتوین، وەختێ دین روح‌القودوس تەنانەت وه ئەوانیش که جویلەکە نوین ڕشیاس، سەریان سڕ مەن.

کاریل ڕەسولەیل 8:20

وەلێ پتروس وەپێ وەت: «با خوەد وەگەرد پویل نقرەگەد نابود بود! چوینکه فکر کردی تویەنێ خەڵاتی خودا وه پویل بسێنێ!

یوحەنا 6:32

ئمجا عیسا وەپێان وەت: «وه ڕاسی، وه ڕاسی، وه ئیوه ئویشم، موسا نوی که ئەو نانه له ئاسمانەو دا پێدان، بەڵکەم باوگ ئاسمانی منه که له ئاسمانەو نان ڕاسەکانی دەیده پێدان.

نامه وە غەلاتییل 3:5

ئێ خوداێ که روح قودوسێ بەخشێده پێدان و موجزەیل وەناودان کەی، ئی کاریله وەبونەێ ئیه‎ کەی که کردەوەێ شەریعەت وه جێ تیەرێن، یا وەبونەێ ئیه که ئیمان وه ئەو چشته هاوردین که شنەفتین؟

کاریل ڕەسولەیل 15:8

خوداێگ که زانی چه ها ناو دڵ گشتیەکی، شاێەتی ئەڕاێان دا و روح‌القودوس بەخشیه پێان، هەر ئەوجورەکە وه ئیمەیش بەخشی.

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

دویم تیموتاوس 4:14

ئەسکەنەر مسگەر، وەگەردمەو فره خراوییل کرد. خوداوەند سزاێ کارەگانێ دێ.

رومیەگان 1:11

چوینکه ئەزرەت دێندان دێرم تا خەڵات روحانیگ برەسنمه پێدان که بوده بایس قەوەتدان؛

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

ئەفسوسیێل 1:18

تا چەویل دڵدان ڕوشنەو بود، تا بزانین ئمیدێگ که خودا، ئیوه ئەڕاێ دەنگ کردێه، چەس و بزانین دەوڵەمەنی میرات پڕ جەڵاڵ ئەیو وەناو ئیمانداریل وه مەسیح چەس،