عبرانییل 6:1 - کتاب مقدس به زبان کردی جنوبی - گویش کلهوری

¹ جا باین دەرسیل سەرەتایی له باوەت مەسیح بنێمنە پشت سەر، وەرەو بازڵه بوین بچیمنه نوا و یەێ جارتر بنەما نەنێیمنه مل ئیانه، یانێ مل توبه له کاریل وەدەرد‎نەخوەر و ئیمان وه خودا

عبرانییل 6:1 Referans Kwoze

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

کاریل ڕەسولەیل 26:20

بەڵکەم یەکم جار ئەڕا نیشتەجێیل دەمشق، وەشونێ ئورشەلیم و گشت ناوچەێ یەهودیه، هەر ئیجوره لەناو ناجویلەکەیل جار دامه که باێه توبه بکەن و هەڵوگەردیەنه ئەڕا لاێ خودا و کردەوێ شایسەێ توبه بیاشتون.

عبرانییل 12:13

ئەڕا پایلدان ڕێیل ڕاسەو بکەن، تا پاێ شەل له قولتخ دەر ناید، بەڵکەم شەفا پەێا بکێد.

ئنجیل مەتا 21:32

چوینکه یەحیا هات تا ڕێ ئیه که چوی سالحان بوین وەپێدان نیشان بێی، وەلێ ئیوه وەپێ ئیمان ناوردین. وەلێ باجگریل و ژنیل داوانپێس وەپێ ئیمان هاوردن. جا ئیوه تەنانەت وەشون ئیه که ئیه دین فکردان ئاڵشت نەکردین و وەپێ ئیمان ناوردین.

عبرانییل 7:11

ئێرنگه ئەگەر کەماڵ له ڕێ کاهنیل جیگەێ لاوی وه دەس باتیاد، چ هەوەجیگ داشت کاهنێگ تر وه جیگەێ ملکیسدق و نه وه جیگەێ هارون باێ؟ چوینکه شەریعەت له دەورەێ خزمەت کاهنیل لاوی دریاده قەوم جویلەکە.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

یوحەنا 12:44

ئمجا عیسا وه دەنگ بەرز وەت: «هەر کەس وه مه ئیمان بارێ، نه وه مه، بەڵکەم وه ئەیو که مه کل کرد ئیمان هاوردێه.

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

ئنجیل مەتا 3:2

وەتیا: «توبه بکەن چوینکه پادشایی ئاسمان نزیکه.»

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

دویم قورنتییل 7:10

چوینکه ئەو خەمباریه که ئەڕا خوداس، بوده بایس توبەێگ که وەرەو نجات چود و بەتاڵی وەناوێ نیه. وه حاڵی که خەمێگ که ئەڕا جهان بود، بوده بایس مردن.

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

یوحەنا 14:1

«دڵدان پەشێو نود. وه خودا ئیمان بیاشتون؛ وه منیش ئیمان بیاشتون.

مەرقوس 6:12

جا ئەوانه چين و ئەڕا مەردم بانگەوازی کردیان که باێه توبه بکەن.

مەرقوس 1:1

شرو ئینجیل عیسا مەسیح کوڕ خودا.

ئنجیل مەتا 4:17

وه ئەو وەختەو عیسا شرو کرده بانگەوازی و فەرمایش کرد: «توبه بکەن چوینکه پادشایی ئاسمان نزیکه.»

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یاقوب 1:4

بیلن بەردەوامی کار خوەێ کامڵەو بکێ تاگه بازڵه و کامڵەو بوین و چشتێ کەم نیاشتوین.

عبرانییل 11:6

بی ئیمان مەحاڵ کەسێگ بتویەنێ خودا خوەشنودەو بکێ، چوینکه هەر کەسێگ وه خودا نزیکەو بود، باێه ئیمان بیاشتود که ئەیو هەس و ئیه که دەسخوەشانه دەێده کەسیلێگ که وەشونیەو گەردن.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

ئەفسوسیێل 2:1

ئیوه وەناو خەتایل و گونایلدان مردوین و

یەکم قورنتییل 13:10

وەلێ وەختێ کامڵەگه باێ، قرتکەگه له بین چود.

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

ئنجیل مەتا 7:25

واران واری و لافاو هات و وا هەڵکرد و زور هاورده ئەو ماڵه، وەلێ ماڵەگه نەڕمیا چوینکه وەبان کوچگ درس کریاوی.

ئنجیل مەتا 5:48

جا ئیوه باێه کامڵ بوین هەر ئەوجورە که باوگ ئاسمانیدان کامڵه.

یەکم نامەێ تیموتاوس 6:19

و ئیجوره، گە‎نجیگ ئەڕا خوێان خەنه پشت دەس که بوده بنەواێ قورس ژیان وەرەڕوییان و لچکینه ئەو ژیانه که ژیان ڕاسەکانیه.

لوقا 6:48

ئەوه مینێده کەسێ که تواێ ماڵی بسازێ، زەویێگ هەڵکەنید و قویلێ کەی و بنەواێ ماڵەگه وەبان کوچگ درسی کەی. تا وەختێ سەیل باێد و لافاو باێده مل ئەو ماڵه، نەتویەنێ تەکانی بێید، چوینکه قایم درس کریاس.

ئنجیل مەتا 21:29

جواو دا: ”نیەچم.“ وەلێ وەشونێ فکرێ ئاڵشت کرد و چی.

یەکم قورنتییل 2:6

وه ئی حاڵەو، ئیمه ەوناو بازڵەێل، زانیاری جار دیمن، هەرچەن ئی زانیاریه هن ئی دەورانه یا فەرمانرەوایەێل ئی دەورانه نیه که ماکوم وه نابودین.

نامه وه کولوسییل 3:14

وه بان گشت ئیانه مابەتیش بکەنه وەردان که گشت چشتێگ وه یەکەو بوین کامڵ دەێده قێ یەکەو.