عبرانییل 5:9 - کتاب مقدس به زبان کردی جنوبی - گویش کلهوری

⁹ وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

عبرانییل 5:9 Referans Kwoze

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

عبرانییل 2:10

ئەڕا ئیه که شایسه بی خودا، که گشت چشتێگ ئەڕا ئەیو و له ڕێ ئەیو هەس، ئەڕا ئیەک کوڕيل فرەێگ وه جەڵاڵ برەسنێ، بنیادنەر نجاتیان له ڕێ رەنج، کامڵەو کەید.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 9:12

ئەیو یەێ جار ئەڕا هەمویشه چیەسه ناو موقەدەسترین شون، نه وەگەرد خوین بزنیل و گوریل، بەڵکەم وه خوین خوەێ، ویجوره ڕزگاری ئەبەدی وه دی هاورد.

کاریل ڕەسولەیل 5:32

جا ئیمه شاێەتیل ئی چشتیلیمنه، هەر ئەوجورەکە روح‌القودوسیش هەس که خودا کردێەسەێ خەڵاتی ئەوانه که گوشە لێ تەکنن.»

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

عبرانییل 11:8

وه ئیمان بی که ئێبراهیم پەێخەمەر وەختێ دەنگ کریا، تا بچوده ئەڕا شونێگ که وەشونێ وه میراتی گردیاد، گوش تەکان؛ هەرچەن نیەزانست چوده ئەڕا چ شونێگ وەلێ کەفته ڕێ.

دویم تسالونیکییل 1:8

ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

دویم قورنتییل 10:5

ئیمه هەر باسێگ و هەر گومان قوڕات قویگ که وەنواێ ماریفەت خودا وسێد له بین بیمن و هەر فکرێگ ئەڕا گوش تەکانن له مەسیح وه بەن کیشیم و

رومیەگان 15:18

چوینکه جرئەت نیەکەم له باوەت چشتێگ قسیه بکەم بێجگه ئەو چشته که مەسیح له ڕێ منەو وه جێ هاوردێه تا ناجویلەکەیل ئەڕا گوش تەکانن له ئیمان بارم - وەگەرد قسیەیلم و وەگەرد کاریلم،

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

رومیەگان 10:16

وەلێ ئەوانه گشتێان گوش له ئینجیل نەتەکاننه، چوینکه ئەشعەیاێ ئویشێ: «چ کەسێگ ئێ خوداوەند ئی چشته که له ئیمه شنەفتێه، باوەڕ کردێه؟»

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

یوحەنا 19:30

وەختێ عیسا تام شراو ترشەگه کرد، وەت: «تەمام بی.» ئمجا سەر داگرد و گیان سپارد.

ئنجیل مەتا 17:5

هێمراێ پتروس داشت قسیه کردیا که لەناکاوا هەوریگ درەوشیاێ ساێەڕ خسته ملێان و دەنگێگ وەناو هەورگەوه هات که: «ئیەسه کوڕه عەزیزەگەم که له لێ فره خوەشنودم، گوش بێەنه لێ.»

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

عبرانییل 11:40

چوینکه خودا چشت خاسترێگ ئەڕا ئیمه گورجەو کردوی تا ئەوانه جیا له ئیمه کامڵ نەون.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

لوقا 13:32

عیسا وەپێان وەت: «بچن وه ئەو ڕوییه بویشن: ”ئیمڕو و سو دێویل کەمه دەیشت و مەردمیش شەفا دەم، وه ڕوژ سێیەم کار خوەم تەمام کەم.

کاریل ڕەسولەیل 4:12

وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

نامەێ فیلیپییل 2:12

جا ئێ عەزیزەیلم، هەر ئەوجورە که هەمویشه گوش تەکانینه، ئێرنگەیش نه تەنیا وەختێگ که هامه لادان، بەڵکەم فره فرەتر وەختێ له لادان نیم، نجات خوەدان وه ترس و لەرزەو بگرنه کار؛

عبرانییل 1:14

مەر ئەوانه گشتێان روحیل خزمەتکار نین که کل کریەن تا وه میراتی خوەریل نجات، خزمەت بکەن؟

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.