عبرانییل 5:7 - کتاب مقدس به زبان کردی جنوبی - گویش کلهوری

⁷ عیسا له ڕوژیل زنەیی خوەێ وه بان زەوی، وەگەرد هاواریل بەرز و ئەسریل وه دەرگاێ خودا که تویەناێ نجات داینێ له مردن داشت، دوعا کرد و لاڵکیاد و وەبونەێ گوش تەکانن تەمامی، دوعاگەی قەبوڵ کریا.

عبرانییل 5:7 Referans Kwoze

یوحەنا 17:1

وەختێ عیسا ئی قسیەیله کرد نوڕیه ئاسمان و وەت: «باوگه، وەختێ ڕەسیه. کوڕەگەد جەڵاڵ بیه تا کوڕەگەدیش جەڵاڵد بێید.

ئنجیل مەتا 27:46

نزیک سات سێ نیمەڕو عیسا وه دەنگ بەرز هاوار کرد: «ئیلی، ئیلی، لەما سەبەقتەنی؟» یانێ «ئێ خوداێ من، ئێ خوداێ من، ئەڕا مه هیشتیدە جێ؟»

مەرقوس 15:34

له سات سێ دویای نیمەڕو عیسا وه دەنگ بەرز هاوار کرد: «ئیلویی، ئیلویی، لەما سەبەقتەنی؟» یانێ «ئێ خوداێ من، ئێ خوداێ من، ئەڕا مه هیشتیدە جێ؟»

عبرانییل 12:28

جا باین وه خاتر وه دەس هاوردن پادشایێگ که نیەتویەنی بکەفیده ڕکه، شوکر بکێمن و ویجوره پەرەسشێگ پەسەن کریاێ وەگەرد ترس و حرمەت پیشکەش خودا بکێم،

یوحەنا 11:35

عیسا بیه گیرەوه.

ئنجیل مەتا 27:50

عیسا یەێ جارتر وه دەنگ بەرز هاوار کرد و هەناس ئاخرێ هەڵکیشا.

مەرقوس 15:37

جا عیسا وه دەنگ بەرز هاوار کرد و هەناس ئاخرێ هەڵکیشا.

عبرانییل 2:14

جا چوینکه مناڵیل وەناو خوین گوشت بەشدارن، هەر ئیجوره ئەیویش خوەێ وەناو ئی چشتیله بەشدارەو بی تا له ڕێ مەرگ، خاون هێز مەرگ یانێ ئبلیس له بین بوێد و

لوقا 23:46

ئمجا عیسا وه دەنگ بەرز هاوار کرد: «باوگه، روحم سپارمه دەسیل تو.» ئیه وەت و هەناس ئاخرێ هەڵکیشا.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.

یەکم یوحەنا 4:3

هەر روحێگیش وه زوان نارێ عیسا وەناو جەسەێ بەشەری هاتێه، له خودا نیه. ئیه هەر ئەو روح ”زد مەسیحەسه“ که شنەفتینه تێد و ئێرنگەیش ها ناو جهان.

نامه وە غەلاتییل 4:4

وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،

یوحەنا 11:42

زانستیام که هەمویشه مه شنەفێ. وەلێ ئیه وەبونەێ مەردمیگ وەتم که وه ئێرا وسانه، تا ئیمان بارن که تو کلم کردی.»

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

عبرانییل 10:5

وه ئی بونه، وەختێ که مەسیح هاته ناو ئی جهانه، فەرمایش کرد: «وه قوروانییل و پیشکەشییل مەیلیگ نیاشتی، وەلێ جەسەێگ ئەڕا مه گورجەو کردی؛

عبرانییل 10:10

وەگەرد هەر ئی خاسته، ئیمه له ڕێ قوروانی جەسەێ عیسا مەسیح یەێ جار ئەڕا هەمویشه تەقدیسەو بیمنه.

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.