عبرانییل 5:12 - کتاب مقدس به زبان کردی جنوبی - گویش کلهوری

¹² ئەڕا ئیه که وی حاڵەو که تا ئیسه باێه ماموستا بویاین وه ئیه هەوەجی دێرین کەسێگ بیروڕایل سەرەتایی کەڵام خودا یەێ جارتر نیشاندان بێید. ئیوه وه شیر هەوەجی دێرین، نه خواردمەنی وه قەوەت!

عبرانییل 5:12 Referans Kwoze

عبرانییل 6:1

جا باین دەرسیل سەرەتایی له باوەت مەسیح بنێمنە پشت سەر، وەرەو بازڵه بوین بچیمنه نوا و یەێ جارتر بنەما نەنێیمنه مل ئیانه، یانێ مل توبه له کاریل وەدەرد‎نەخوەر و ئیمان وه خودا

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

عبرانییل 5:13

هەر کەسێگ که شیرخوەره، ناو کەڵام سالح بوین تەجربه نێری، چوینکه ئەوه مناڵەکوڕپەس.

نامه وه کولوسییل 3:16

با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

ئنجیل مەتا 17:17

عیسا جواو دا: «ئێ نەتەوەێ بی ئیمان و له ڕێ دەرچی، تا کەی باێه وەگەرد ئیوه بمێنم؟ تا کەی باێه تاموڵدان بکەم؟ ئەو کوڕه بارنه ئێرا ئەڕا لام.»

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

یەکم قورنتییل 14:19

وەلێ وەناو کلیسا زانم خاسه پەنج کەلیمه وه عەقڵ خوەم ئەڕا تالیم مەردم قسیه بکەم، تا ئیه که هەزاران کەلیمه وه زوانێگ‎تر بویشم.

رومیەگان 3:2

له هەر باوەتەو فرەس. یەکم جار ئیه که کەڵام خودا وه ئەمانەت سپاریاسه جویلەکەیل.

کاریل ڕەسولەیل 7:38

جا هەر ئیجوره هەر ئی موسا بی که لەناو بیاوان لەناو جەماێەت بی، هەر ئیجوره وەگەرد فریشتەێگ بی که له کویەێ سینا وەگەردیەو قسیه کرد و ئی فریشته وەگەرد باپیریلمانیش قسیه کرد. موسا کەڵام زنی گردەوەر تا برەسنێده پێمان.

مەرقوس 9:19

عیسا وەپێان وەت: «ئێ نەتەوەێ بی ئیمان، تا کەی وەگەرد ئیوه بمێنم؟ تا کەی تاموڵدان بکەم؟ بارنێ ئەڕا لام.»

نامەێ فیلیپییل 3:1

دەس ئاخر ئێ برايلم، وەناو خوداوەند دڵشاد بوین! نویساین هەر ئەو چشتیله ئەڕادان، زامەتێگ ئەڕام نێری بەڵکەم ئەڕا ئەمن بین ئیوەس.

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

نامه وە غەلاتییل 4:3

ئیمەیش هەر و ئیجوره: تا وەختێ که ورد بیمن، خوڵام بیروڕایل سەرەتایی ئی جهانه بیمن.

عبرانییل 5:11

له ئی باوەته، چشتیل فرەێگ ئەڕا وەتن دێریم، وەلێ شیو کردنێان سەخته، ئەڕا ئیه که گوشيلدان سەنگینەو بیه.

عبرانییل 10:32

وەلێ ئەو ڕوژیل جارانه بارنه هویردان، وەختێگ که تازه وەگەرد نویر خودایی نویرانیەو بوین؛ له ناو ئەو ڕوژیله، وه تاموڵ رەنجیل وەناو جەنگین سەختێگ بەردەوامی داینه خەرج.