عبرانییل 4:2 - کتاب مقدس به زبان کردی جنوبی - گویش کلهوری

² چوینکه وه ئیمەیش هەر جور ئەوانه مزگانی دریاد. وەلێ پێخامێگ که شنەفتن، نەفیگ ئەڕاێان نیاشت، چوینکه وەگە‎رد ئەوانه که گوش کردن وه وەسلەێ ئیمان یەکی نوین.

عبرانییل 4:2 Referans Kwoze

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

عبرانییل 11:6

بی ئیمان مەحاڵ کەسێگ بتویەنێ خودا خوەشنودەو بکێ، چوینکه هەر کەسێگ وه خودا نزیکەو بود، باێه ئیمان بیاشتود که ئەیو هەس و ئیه که دەسخوەشانه دەێده کەسیلێگ که وەشونیەو گەردن.

عبرانییل 3:12

ئێ برایل، ئاگادار بون که نەخواێ کەسێگ له لێدان دڵ شەڕئاشو و بی ئیمان بێاشتود که ئیوه له ڕێ خوداێ زنی چەفتەو بکێ.

یەکم نامەێ تیموتاوس 4:8

چوینکه هەرچەن تەربیەت جەسه توزێگ فایده دێرێد، وەلێ خوداپەرەسی ئەڕا گشت چشتێگ فایده دێرێد و هەم زنەیی ئێرنگه واده دێ، هەم زنەیی وەرەڕویش.

رومیەگان 2:25

چوینکه خەتەنه وه ڕاسی ئەو وەخته تیەرزێ که شەریعەت وه جێ باری، وەلێ ئەگەر شەریعەت بنێدی ژێر پا، چماێ خەتەنه نەکریایده.

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

عبرانییل 4:6

جا، له ئەوره که هێمراێ ئەڕا بڕێگ دەرفەت مینێ که بچنه ناو ئەو شون ئاشاسێگەو وه ئەوانه که وەرجه ئیه ئەو مزگانیه وەپێان دریاد، وه سەوەو ملچەفتەو کردن وه ئەو شون ئاشاسێگه ڕێ پەێا نەکردن،

یەکم قورنتییل 13:3

ئەگەر گشت دارایی خوەم سەدەقه بێەم و ئەگەر جەسەم بیەمه دەسەو تا لەناو ئاگر بسزننێ، وەلێ مابەت نیاشتوم، هویچ سودێگ ئەڕام نێرید.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

نامه وە غەلاتییل 3:8

کتاو موقەدەس وەرجه ئەوه دی که خودا ناجویلەکەیل وه ڕوی ئیمان سالحان وه حساو تیەرێد، وه ئی بونه وەرجەوە مزگانی دا ئێبراهیم که: «گشت ملەتیل وه وەسلەێ تنەو بەەرکەتدارەو بون.»

نامه وە غەلاتییل 4:13

زانين که وه بونەێ نەخوەشی جەسەم بی که یەکم جار ئینجیل وەپێدان جار دام.

کاریل ڕەسولەیل 3:26

وەختێ خودا خزمەتکارەگەی خوەێ دەسنیشان کرد، یەکم جار کلی کرده ئەڕا لاێ ئیوه، ئەڕا ئیەک بەەرکەتداردان بکێ و هەر کامدان له شەڕئاشوی هەڵوگەردنێ.»

رومیەگان 3:3

ئەگەر بڕێگ لەلێان ئەمین نوین، چه باێه بویشیم؟ ئێ ئەمین نوینیان، ئەمانەت خودا پویچەو کەێ؟

نامه وە غەلاتییل 3:2

بیلێن تەنیا ئیه لەلێدان بپرسم: ئێ وەگەرد وەجێ هاوردن کردەوەێ شەریعەته که روح خودا وه دەس هاوردین یا وه ئیمان وه ئەو چشته که شنەفتین؟