عبرانییل 4:10 - کتاب مقدس به زبان کردی جنوبی - گویش کلهوری

¹⁰ چوینکه هەر کەسێگ که بچوده ناو شون ئاشاسێگ خودا، ئەوەیشه له کاریل خوەێ ئاشاسێگ گری، هەر ئەوجورە که خودا له کاریل خوەێ ئاشاسێگ گرد.

عبرانییل 4:10 Referans Kwoze

وەحی وه یوحەنا 14:13

ئمجا دەنگێگ له ئاسمانەو شنەفتم که وەتیا، «بنویس: خوەش وه حاڵ ئەوانه که له ئیەولا وەناو خوداوەند مرن.» جا روح خودا فەرمایش کرد: «وه ڕاسی خوەش وه حاڵ ئەوانه چوینکه له زامەتیل خوێان ئارام گرن، ئەڕا ئیه که کاریلێان وه شونێانەو تێد!»

عبرانییل 10:12

وەلێ مەسیح وەشون ئیه که ئەڕا هەمویشه یەێ قوروانی وەبونەێ گونایل پیشکەش کرد، دانیشته دەس ڕاس خودا.

یوحەنا 19:30

وەختێ عیسا تام شراو ترشەگه کرد، وەت: «تەمام بی.» ئمجا سەر داگرد و گیان سپارد.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 4:9

جا ویجوره ئەڕا قەوم خودا ئاشاسێگ شەبات که هەر ئەو شەمەێ موقەدەس جویلەکەیله، مینێد.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.