عبرانییل 4:1 - کتاب مقدس به زبان کردی جنوبی - گویش کلهوری

¹ جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

عبرانییل 4:1 Referans Kwoze

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

عبرانییل 4:11

جا باین تەقالا بکێم تا وه ئەو شون ئاشاسێگه ڕێ پەێا بکێم، تا هویچکەس وه ئەوجورە ملچەفتەو کردنێگ، نەکەفێد.

عبرانییل 4:9

جا ویجوره ئەڕا قەوم خودا ئاشاسێگ شەبات که هەر ئەو شەمەێ موقەدەس جویلەکەیله، مینێد.

عبرانییل 13:7

ڕابەريلدان که کەڵام خودا ئەڕادان ئویشن، وه هویردان بون. وردەو بونه بەرێگ که ڕێ رەوشت زنەییان دەێده دەس و له ئیمانێان نمونه بگرن.

دویم تیموتاوس 2:13

ئەگەر بی وەفا بویمن، ئەیو وەفادار مینێد، وەئەو بونه که نیەتویەنێد خوەێ حاشا بکێد.

یەکم قورنتییل 10:12

ئمجا ئەوه که گومان کێ ها سەرپاوه، هوشێ بود که نەکەفێ!

رومیەگان 11:20

ڕاس ئویشێ. ئەوانه وه بونەێ بی ئیمانیێان بڕیانه، وەلێ توی له ڕێ ئیمان بەردەوامی. جا لویتبەرز نەو بەڵکەم ڕخد بچود.

رومیەگان 3:23

چوینکه گشتیەکی گونا کردنه و له جەڵاڵ خودا کەم تیەرن.

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 3:11

جا وەناو توڕه بوین خوەم قەسەم خواردم که وه ئەو شون ئاشاسێگ مه ڕێ پەێا نیەکەن.»

ئنجیل مەتا 24:48

وەلێ ئەگەر ئەو خوڵام شەڕئاشوه وه خوەێ بویشی که ”ئەرواوەگەم وه هاتنێ دێر کردێه،“

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وە غەلاتییل 5:4

ئیوه که تەقالا کین وەگەرد وه جێ هاوردن شەریعەت سالحان وه حساو باین، له مەسیح جیاوه بینه و له فیز دویرەو کەفتینه.