عبرانییل 3:1 - کتاب مقدس به زبان کردی جنوبی - گویش کلهوری

¹ جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

عبرانییل 3:1 Referans Kwoze

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

نامەێ فیلیپییل 3:14

ئەڕا وه ئامانج ڕەسین تەقالا کەم، تا خەڵاتێگ وه دەس بارم که خودا ئەڕا ئەوه مه وەناو مەسیح عیسا دەنگ کردێەسه بان.

عبرانییل 7:26

ئەڕا ئیه که وه ڕاسی شایسه بی که ئیمه ئیجور کاهن گەوراێگ بیاشتویم، کاهنێگ قودوس، بێتاوان، بی لەک و پێس، جیا له گوناکاریل و له ئاسمانیل بەرزتر کریا.

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

عبرانییل 2:17

وه ئی بونه، واجو بی له هەر باوەتەو بوده جور برایل خوەێ تا بتویەنێ وه جیگەێ کاهن گەوراێگ که وه بەزەیێه و ئەمینە، وه خزمەت خودا بود و ئەڕا گونایل قەومەگه کەفارەت بکێد.

عبرانییل 10:21

له ئەوره که کاهنێگ گەورا وه سەر ماڵ خودا دێریم،

ئەفسوسیێل 4:4

چوینکه یەێ جەسه و یەێ روح هەس، ئەوجورەکە ئەڕا یەێ ئمید که هن داوەتەگەدانە دەنگ کریاینه؛

یەکم تسالونیکییل 2:12

ئیمەیش هەر کام له لێدان هان دایمن و دڵنەوایی کردیمن و سپاردیمنه پێدان تا ڕێ رەوشتدان ئەوجورە بود که شایسەێ خوداس، خوداێگ که ئیوه وه پادشایی و جەڵاڵ خوەێ دەنگ کەێد.

یەکم قورنتییل 9:23

گشت ئی چشتیله وەبونەێ ئینجیل کەم، تا وەناو بەەرکەتەگەێ بەشدار بوم.

دویم تیموتاوس 2:7

وه ئەو چشته که ئویشم فکر بکه، که خوداوەند وه توی ئەڕا فام گشت ئیانه وەر چەود واز کەی.

یەکم نامەێ تیموتاوس 6:12

له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

رومیەگان 15:8

چوینکه وەپێدان ئویشم که مەسیح ئەڕا ئیه که ڕاسی خودا نیشان بێی، بیه خزمەتکار خەتەنه کریایل یانێ هەر ئەو جویلەکەیله تا وادەیلێ که وه باپیریلمان دریاوی، مور بکێ و

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

یوحەنا 20:21

عیسا وه دواره وەپێان وەت: «سڵام وه ئیوه! هەر ئەوجورە که باوگ مه کل کردێه، منیش ئیوه کل کەم.»

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

عبرانییل 3:14

ئەڕا ئیه که ئیمه وەناو مەسیح بەشدارەو بویمنه، ئەگەر وه ڕاسی ئەو دڵنیاییه که له سەرەتایی داشتیم تا وه ئاخر قورس بپارێزنیم.

یەکم نامەێ تیموتاوس 6:2

ئەوانه که ئەرواوەگانێان وه مەسیح ئیمان دێرن، نەبایه وه بونەێ ئیه که بینەسه براێ یەکان، کەمتر وه پێان حرمەت بیلن. بەڵکەم وه چەواشه، باێه تەنانەت خاستر خزمەت بکەن، چوینکه فایدەێ خزمەتێان وه کەسیلێگ رەسێد که ئیماندار و عەزیزن. ئیه تالیم بێه و ئەڕا وەجێ هاوردنێ هانێان بیه.

دویم تسالونیکییل 2:14

ئەیو له ڕێ ئینجیلێگ که ئیمه جار دایم، دەنگدان کرد تا وه جەڵاڵ خوداوەند ئیمه عیسا مەسیح دەس پەێا بکێن.

دویم تسالونیکییل 1:11

وه ئی بونه، یەێ‌سەر ئەڕا ئیوه دوعا کيمن تا خودامان، ئیوه شایسەی دەنگ کردن خوەێ بکێ و وه هێز خوەێ هەر ئاوەختیێل خاس و هەر کارێگ که له ئیمان ئیوه سەرچاوه گرید، وه ئەنجام برەسنێد،

یەکم تسالونیکییل 5:27

له لاێ خوداوەند، قەسەمدان دەم که ئی نامه ئەڕا گشت برایل بخوەنین.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

نامه وه کولوسییل 1:22

وەلێ ئێرنگه مەسیح ئیوه وەناو جەسەێ بەشەری خوەێ وەگەرد مردنێ ئاشتی داس، تا ئیوه موقەدەس و بی نەخس و دویر له هەر سەرزەنشتێگ بارێده ئەڕا لاێ خودا،

نامه وه کولوسییل 1:12

باوگ ئاسمانی شوکر بکێن که ئیوه شایسەێ بەشدار بوین وەناو میراتیێگ کردێه، که ئیمانداریل وه مەسیح وەناو نویر دێرن.

دویم قورنتییل 1:7

ئمیدمان له باوەت ئیوه بەردەوامه، چوینکه زانیمن هەر ئەوجورە که وەناو عەزاویلمان هاوبەشین، وەناو دڵنەواییمانیش هاوبەشەو بوین.

یەکم قورنتییل 1:2

وه کلیساێ خودا له شار قورنتوس، که وەناو مەسیح عیسا تەقدیس کریانه و دەنگ کریانه تا بونه قەوم موقەدەس خودا، وەگەرد گشت ئەوانه که وه هەر شون ترێگە‎و ناو خوداوەندمان عیسا مەسیح خوەنن، که خوداوەند ئیمه و خوداوەند ئەوانەسه:

رومیەگان 15:27

چوینکه ئەوانه خوێان خوەشنود بین ئی کاره بکەن و وه ڕاسییش قەرددار جویلەکەیلن، چوینکه ئەگەر ناجویلەکەیل وەناو بەەرکەتیل روحانی جویلەکەیل بەشدارەو بوینه، ها ملێانەو که جویلەکەیل وەناو بەەرکەتیل پویلی خزمەت بکەن.

رومیەگان 11:17

وەلێ ئەگەر بڕێگ له پەلەگان بڕیان و تو، هەر چەن که پەلێگ له دار زیتون کویەیله بید، وەناو پەلیل تر دریایده قێ دار زیتونەگه و ئێرنگه له شیرەێ وه قەوەت ریشەێ دار زیتون هاوبەشی،

رومیەگان 9:24

ئیمیش که ئەیو دەنگمان کردێه، له ئی دەفریل بەزەیێمنه، که نه تەنیا له جویلەکەیل، بەڵکەم له ناجویلەکەیلیش هەن.

یوحەنا 20:27

ئمجا وه توما وەت: «کلکد بنه ئێرا و دەسیلم بوین و دەسد بار بیه قێ کەلەکەم. بی ئیمان مەو، بەڵکەم ئیمان بار.»

وەحی وه یوحەنا 18:20

ئێ ئاسمان وه ملێەو خوەشی بکه! خوەشی بکێن ئێ ئیوه موقەدەسیل و ڕەسولەیل و نەبوەتکەریل! ئەڕا ئیه که خودا ئنتقامدان له ئەوه سەندێه.»

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

یەکم یوحەنا 1:3

هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

یەکم پتروس 3:5

چوینکه ژنيل موقەدەس دورەێیل جاران که وه خودا ئمید داشتن، خوێان وەئیجوره ڕەژیانەو. ئەوانه له شوییل خوێان گوش تەکانیان،

عبرانییل 9:11

وەلێ وەختێگ مەسیح له جیگەێ کاهن گەوراێ ئەو چشتیل خاسه ئاشکرا بی که ئێرنگه هاتنەسه دی، چیەسه ناو دەوارێگ گەوراتر و کامڵتر که وه دەس ئایەم درس نەکریاس. یانێ هن ئی درسکریایه نیه.

عبرانییل 6:20

شونێگ که عیسا هەر جور نواکیش ئیمه و له جێ ئیمه، چیەسه ناو؛ هەر ئەیو که بیەسه کاهن گەوراێ ئەبەدی، له جیگەێ ملکیسدق.

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

یەکم قورنتییل 10:17

له ئەوره که نان یەکێگە، گشتمان که فرەیم، یە جەسەیم، چوینکه گشتمان له یە نان خویمن.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

کاریل ڕەسولەیل 1:15

یەکی له ئەو ڕوژیله، پتروس وەناو براگانێ که گشتێان نزیک سەد وه بیس نەفەر بین، وساد و

دویم قورنتییل 9:13

وه بونەێ مور ئی خزمەته وه زنەییدان، مەردم ستایش خودا کەن وەبونەێ گوش تەکانن و ئێقراردان وه ئینجیل مەسیح، هەر ئیجوره ئەڕا دەسدڵوازیدان له مەێەت وه ئەوانه و وه گشت نیشان دین.

عبرانییل 3:12

ئێ برایل، ئاگادار بون که نەخواێ کەسێگ له لێدان دڵ شەڕئاشو و بی ئیمان بێاشتود که ئیوه له ڕێ خوداێ زنی چەفتەو بکێ.

عبرانییل 7:28

چوینکه شەریعەت، ئایەمیل وەناو بی هازیان ئەڕا کاهنی گەورا دیاری کەی، وەلێ کەلیمەێ ئەو قەسەمه که وەشون شەریعەت هات، کوڕ که تا ئەبەد کامڵەو بیه، دیاری کەی.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

عبرانییل 10:19

جا ئێ برایل، له ئەوره که وه خوین عیسا تویەنيمن وه دڵنیاییەو بچیمنه ناو موقەدەسترین شون،

عبرانییل 10:23

باین تا بی ئەوه که شک بکێم، قورس بلچکیێمنه ئمیدێگ که ئێقراره پێ کیم، چوینکه وادەدەرەگه ئەمینە.

عبرانییل 13:22

ئێ برایل، لاڵکمه پێدان ئی کەڵام ئاموژیاری‎دەر منه تاموڵ بکێن، چوینکه کوڵ و کوڵبڕ ئەڕادان نویسامه.