عبرانییل 2:10 - کتاب مقدس به زبان کردی جنوبی - گویش کلهوری

¹⁰ ئەڕا ئیه که شایسه بی خودا، که گشت چشتێگ ئەڕا ئەیو و له ڕێ ئەیو هەس، ئەڕا ئیەک کوڕيل فرەێگ وه جەڵاڵ برەسنێ، بنیادنەر نجاتیان له ڕێ رەنج، کامڵەو کەید.

عبرانییل 2:10 Referans Kwoze

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 6:20

شونێگ که عیسا هەر جور نواکیش ئیمه و له جێ ئیمه، چیەسه ناو؛ هەر ئەیو که بیەسه کاهن گەوراێ ئەبەدی، له جیگەێ ملکیسدق.

کاریل ڕەسولەیل 5:31

خودا ئەیو کرده گەورا و نجات دەر و بەرزێەو کرده دەس ڕاس خوەێ، تا قەوم ئێسرائیل ئی دەرفەته بیاشتون که توبه بکەن و گونایلێان بوەخشرێد.

لوقا 24:46

وەپێان وەت: «نویسریاس که مەسیح باێه رەنج بکیشێ و ڕوژ سێیەم وەناو مردگیل زنیەو بود،

لوقا 24:26

مەر نەبایه مەسیح ئی رەنجیله بوینی و وەشونێ بچوده ناو جەڵاڵ خوەێ؟»

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

یەکم قورنتییل 8:6

وەلێ ئیمه تەنیا یە خودا دێریم، یانێ باوگ ئاسمانی، که گشت چشت له ئەیوه و ئیمه هن ئەویمنه؛ تەنیا یە خوداوەند هەس، یانێ عیسا مەسیح، که گشت چشتێگ له ڕێ ئەیو وه دی هات و ئیمه له ڕێ ئەیو هیمن.

عبرانییل 7:28

چوینکه شەریعەت، ئایەمیل وەناو بی هازیان ئەڕا کاهنی گەورا دیاری کەی، وەلێ کەلیمەێ ئەو قەسەمه که وەشون شەریعەت هات، کوڕ که تا ئەبەد کامڵەو بیه، دیاری کەی.

ئەفسوسیێل 3:10

تا ئێرنگه له ڕێ کلیسا زانیاری جورواجور خودا وه مل فەرمانرەوایل و دەسڵاتداریل شونیل ئاسمان ئاشکرا بود،

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

نامه وه کولوسییل 3:4

وەختێ مەسیح که زنەیی ئیوەس، ئاشکرا بود، ئەو وەخته ئیوەیش وەگەرد ئەیو وەناو جەڵاڵ ئاشکرا بین.

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

رومیەگان 9:23

تا دەوڵەمەنی جەڵاڵ خوەێ وه دەفریل بەزەیی ئاشکرا بکێ، دەفریلی که وەرجەوە ئەڕا جەڵاڵ گورجەو کردێه؟

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

عبرانییل 7:26

ئەڕا ئیه که وه ڕاسی شایسه بی که ئیمه ئیجور کاهن گەوراێگ بیاشتویم، کاهنێگ قودوس، بێتاوان، بی لەک و پێس، جیا له گوناکاریل و له ئاسمانیل بەرزتر کریا.

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

دویم قورنتییل 6:18

«من بومه باوگدان و ئیوەیش بوینه کوڕ و دویەت من. خوداوەند هەر وه تویەنا ئیه فەرمایش کێ.»

دویم قورنتییل 5:18

ئیانه گشتێ له خوداس که له ڕێ مەسیحەو ئیمه وەگەرد خوێەو ئاشتی داس و خزمەت ئاشتی سپاردێەسه ئیمه.

دویم قورنتییل 4:17

چوینکه ورده بەرد و گوزەراێ ئیمه جەڵاڵێگ ئەبەدی ئەڕامان گورجەو کێ که نیود وەگەرد هویچ بەردێگ بەراوردێ بکی.

یەکم قورنتییل 2:7

بەڵکەم باس زانیاری خودا کەیمن که وەناو رازێگ شاریایەو و خودایش ئەوه له ئەزەڵ، ئەڕا جەڵاڵ ئیمه دیاری کردێه.

یوحەنا 19:30

وەختێ عیسا تام شراو ترشەگه کرد، وەت: «تەمام بی.» ئمجا سەر داگرد و گیان سپارد.

یوحەنا 11:52

نه تەنیا ئەڕا ملەت، بەڵکەم ئەڕاێ جەم کردن و یەکی کردن ڕوڵەیل خودا که تەفرتوینان.

لوقا 13:32

عیسا وەپێان وەت: «بچن وه ئەو ڕوییه بویشن: ”ئیمڕو و سو دێویل کەمه دەیشت و مەردمیش شەفا دەم، وه ڕوژ سێیەم کار خوەم تەمام کەم.

لوقا 2:14

«جەڵاڵ ئەڕا خودا وه ئاسمان بەرز و ئاشتی و سڵامەتی ئەڕا مەردمیلێگ که وەبان زەوی، خودا وه لێان خوەشنوده!»