عبرانییل 13:9 - کتاب مقدس به زبان کردی جنوبی - گویش کلهوری

⁹ وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

عبرانییل 13:9 Referans Kwoze

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

رومیەگان 14:6

ئەوه که ڕوژیگ وه تایبەتی گرنگ زانی، وه حرمەت خوداوەند گرنگ وه حساو تیەرێ. ئەوه که خوێد، وه حرمەت خوداوەند خوێد، چوینکه سپاس خودا کێ و ئەوه که له خواردن پارێز کێ، ئەوه وه حرمەت خوداوەند پارێز کێ و سپاس خودا کێ.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

کاریل ڕەسولەیل 20:30

تەنانەت وەناو خوەدان کەسیلێگ پەێا بون که ڕاسی چەواشه کەن، تا شاگردیل بکەنه پێرەو خوێان و له ڕێ وه دەر بکەن.

یەهودا 1:12

ئیانه وەناو مێوانییل پڕ مابەتدان هەر ئەوجورە که رخێان نیەچود و وەگەرددانەو خوەن و نوشن، جور تاش کەمەریلێگن که هانه ژێر ئاو که وه چەو نوینریەن؛ شوانیلێگن که تەنیا خوێان پەروار کەن؛ هەوریل بی وارانێگن که وا ڕانیەسێان و داریل بی بەر ئاخر پاێیزن که دو جار مردنه و له ریشه دەر هاتنه.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 24:4

عیسایش جواویان دا: «هوشدان بود تا کەسێ له ڕێ دەردان نەکێ.

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

دویم قورنتییل 1:21

جا ئیه خوداس که ئیمه وەگەرد ئیوه وه یەکەو بوین وەناو مەسیح بەردەوام کێ. ئەیو مەسح و دەسنیشانمان کردێه

یەکم قورنتییل 8:8

«خواردەمەنی، ئیمه وه خودا نزیکەو نیەکێ»؛ نه وەگەرد نەخواردن بەترەو بویمن و نه وەگەرد خواردن خاستر.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

رومیەگان 14:2

یەکیگ باوەڕ دێرێ که هەر چشتێگ تویەنێ بخوێ، وەلێ یەکیگتر که ئیمانێ بی هازه، تەنیا سەوزی خوەێ.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

دویم تسالونیکییل 2:2

زوی فکردان نەشیوێد یا پەشێو نوین، چ له ڕێ یەێ روح چ له ڕێ یەێ وتار یا نامەێگ که چماێ له لاێ ئیمەس، که ئویشێ ڕوژ هاتنەوێ خوداوەند عیسا رەسیه.

یەکم قورنتییل 6:13

ئویشین: «خواردەمەنی ئەڕاێ زگه و زگ ئەڕا خواردەمەنی» جا خودا، هەم ئیه و هەم ئەوه له بین بید. وەلێ جەسه ئەڕا خیزی نیه، بەڵکەم ئەڕا خوداوەنده و خوداوەندیش ئەڕا جەسه،

نامه وە غەلاتییل 6:1

ئێ برایل، ئەگەر کەسێگ تویش خەتاێگ هات، ئیوه که ئایەمیل روحانیگین باێه ئەوه وه یەێ روح ئارامێگەو وه ڕێ ڕاس هەڵوگەردنین. هوشدانه خوەدانەو بود نەخواێ ئیوەیش بخەلەتێین.

لوقا 5:38

شراو نو باێه بکێدێ ناو مەشکەیل نو.