عبرانییل 13:5 - کتاب مقدس به زبان کردی جنوبی - گویش کلهوری

⁵ زنەییدان دویر له پویلدوسی بود و وه ئەو چشته که دێرین قانێ بوین، چوینکه خودا فەرمایش کردێه: «هەراێهەر نه وێڵد کەم، و نه هیلمەدە جێ.»

عبرانییل 13:5 Referans Kwoze

ئنجیل مەتا 6:25

«جا وەپێدان ئویشم، نگران زنەییدان نەون چه بخوین یا چه بنوشین، هەر ئیجوره نگران جەسە‎دان نەون که چه بکێنه وەر. مەر زنەیی له خوراک و جەسه له دڵنگ گرنگتر نیه؟

ئنجیل مەتا 6:34

جا نگران بانان نەون، چوینکه بانان نگرانییل خوەێ دێرێ. دەردسەریل ئیمڕو ئەڕا ئیمڕو بەسه.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

لوقا 3:14

سەربازەگانیش له لێ پرسین: «ئێ ئیمه، ئیمه چه بکێم؟» وەت: «وه زور له کەسێ پویل نەسینن، بخت وه کەسێ نەکەن، وه حەق خوەدانیش قانێ بون.»

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

ئەفسوسیێل 5:5

چوینکه دڵنیا بون که هویچ خێزیگ یا ناپاکێگ یا تەماکارێگ، که تەماکاری بت پەرەسیه، وەناو پادشاێ مەسیح و خودا میراتێگ نێری.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

ئەفسوسیێل 5:3

وەلێ نەخواێ تەنانەت قسیەیگ له خیزی یا هەر جور ناپاکی یا تەماێگ له ناودان باێده دەیشت، چوینکه ئیانه ئەڕا ئیمانداریل وه مەسیح مناسو نیه.

یەکم قورنتییل 5:11

وەلێ ئێرنگه ئەڕادان نویسم که وەگەرد کەسێگ که خوەێ وه برا زانی، وەلێ خیز، یا تەماکار یا بتپەرەس یا خراودەر یا سەرخوەشکەر یا فێڵبازه، هاتبچو نەکێن و تەنانەت وەگەرد ئیجور کەسێگ هاوسفره نەون.

لوقا 8:14

تویەمیلی که کەفنه ناو دڕگیل، کەسیلێگن که کەڵام خودا شنەفن، وەلێ وەختێ ڕێ خوێان چن، نگرانییل و دەوڵەمەنی و خوەشییل زنەیی خنکنێدیان و بەر نیەتیەرن.

مەرقوس 7:22

تەما، بەێ خوازی، فێڵبازی، هەرزەیی، حەسویی، بخت کردن، لویتبەرزی و گیلگەوجی.

یەهودا 1:11

وای وه حاڵیان، چوینکه ئەوانه ڕێیگ چینه که قائن چی و ئەڕا وه دەس هاوردن نەف، خوێان خستنەسه ناو خەتای بەلعام و وەناو یاخی بین قورەح له بین چینه.

یەکم قورنتییل 6:10

دزیل، تەماکاریل، سەرخوەشیل، خراو‎دەریل و فێڵبازیل نیەونه میراتیخوەر پادشاێ خودا.

رومیەگان 1:29

ئیانه نیقەڵتوز بین له هەر لەون نادرسێ، شەڕئاشویی، تەما و دڵپێسی. ئەوانه پڕن له حەسویی، خوین کردن، مرافه، فریو و دڵپێسی. قسیه تیەرن و بەن،

ئنجیل مەتا 6:19

«وەبان زەوی گەنج ئەڕا خوەدان گردەو مەکەن، شونێگ که بید و ژەنگ دەێده لێ و دزیل تیەن و دەنه لێ.

دویم قورنتییل 4:9

عەزاو کیشیمن، وەلێ تەنیا نیمن؛ دریایمنەسه زەویا، وەلێ له پا نەکەفتیمنه.