عبرانییل 12:3 - کتاب مقدس به زبان کردی جنوبی - گویش کلهوری

³ وه ئەیو فکر بکێن که ئیجور دشمەنیێگ که له لاێ گوناکاریل وه زد خوەێ بوی تاموڵ کرد، تا ئیوه شەکەت یا دڵسەرد نوین.

عبرانییل 12:3 Referans Kwoze

نامه وە غەلاتییل 6:9

بان تا له خاسێ کردن شەکەت نویمن، چوینکه ئەگەر دەس له کار نەکیشیم، له وەرز خوەێ کشتکاڵەگه درەو کەیمن.

دویم قورنتییل 4:16

جا دڵسەرد نیویمن. هەر چەن شێوەێ جەسەێ ئیمه پویترکێید، ئنسان دەروینمان ڕوژ وه ڕوژ تازەترەو بود.

وەحی وه یوحەنا 2:3

زانم که سەور و بەردەوامی نیشان دایده و وه بونەێ ناو مه سەختییل تاموڵ کەێد و شەکەت نیەوێد.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

دویم قورنتییل 4:1

ئمجا وەگەرد داشتن ئیجور خزمەتێگ که وەبونەێ ئەو بەزەیی خودا دێریم، دڵسەرد نیویمن.

یوحەنا 5:16

وەبونەێ ئیه که عیسا ئی کاریله وه ڕوژ شەبات کردیا، جویلەکەیل ئەزیەتی کردیان.

عبرانییل 12:5

مەر ئەو قسیەێ هاندەره که ها ناو کتاو مەسلەتیل سلێمان له هویردان چیه که وه ئەوره ئیوه وه جیگەێ کوڕيل چڕێد، فەرمایش کەید: «ئێ کوڕەگەم، ئەدەو کردن خوداوەند سوک وه حساو نار و وەختێ گرێدەده گازتاوه، دڵسەرد نەو.

لوقا 14:1

یەێ ڕوژ شەبات که هەر ئەو شەمەێ موقەدەس جویلەکەیله عیسا ئەڕا نان خواردن چویه ئەڕا ماڵ یەکی وه ڕابەریل فرقەێ فەریسی، ئەوانه که وه ئەوره بینه خاس چەویانه عیسا بی.

دویم تسالونیکییل 3:13

وەلێ ئیوه ئێ برایل، له خاسێ کردن شەکەت نەون.

یوحەنا 18:22

وەختێ عیسا ئی قسیەیله کرد، یەکی له نگابانیلیگ که وه ئەوره وساوی، چەپاڵەی دا ناو گوشێ و وەت: «ئیجوره جواو کاهن گەورا دەێ؟»

یوحەنا 8:52

جویلەکەیل وەپێ وەتن: «ئێرنگه دی خاس زانستیم خوو دێرێ! ئێبراهیم مرد و ئەو باقی پەێخەمەریلیش مردن، ئێرنگه تو ئویشێ، ”ئەگەر کەسێ وه قەوڵم بکێ، هەراێهەر تام مردن نیەکێ!“

یوحەنا 8:59

جا کوچگ هەڵگردن تا کوچگوارانی بکەن، وەلێ عیسا خوەێ شاردەو و لەناو مابەدەگه چیه دەیشت.

یوحەنا 8:13

جا فەریسیەیل وەپێ وەتن: «تو ئەڕا خوەد شاێەتی دەی، شاێەتیەگەد درس نیه.»

یوحەنا 7:12

جا وەناو مەردمەگه له باوەت عیسا قسیەو باس فره بی. بڕێگیان وەتیان: «ئەوه پیاێ خاسێگه.» بڕێگتر وەتیان: «نەخیر! مەردمەگه له ڕێ وه دەر کەێ.»

لوقا 16:14

زانایل فرقەێ فەریسی پویل دوس وەختێ ئی قسیەیله شنەفتن، وه عیسا تویلەکی کردن.

لوقا 15:2

وەلێ زانایل فرقەێ فەریسی و ماموستایل تەورات وه خوتەخوت کردن وەتیان: «ئی پیا گوناکاریل قەبوڵ کەید و وەگەردێانەو هاوسفره بود.»

لوقا 5:21

وەلێ فەریسیەیل و ماموستایل تەورات وەگەرد خوێانا فکر کردیان: «ئیه کیه کفر کەی؟ کی بێجگه خودا تویەنێ گونایل بوەخشێ؟»

لوقا 2:34

ئمجا شەمعون بەەرکەتێان داد و وه مریەم، داڵگ عیسا وەت: «بنوڕ، ئی مناڵه بوده بایس کەفتن و هەڵساین فرەێگ له قەوم ئێسرائیل، هەر ئیجوره بوده نیشانەێگ که وه نوای وسن،

ئنجیل مەتا 22:15

ئمجا زانایل فرقەێ فەریسی چین نەخشه کیشان تا چوی عیسا وەگەرد قسیەیل خوەێ تویشی بارن.

ئنجیل مەتا 21:46

جا چینه ئەڕاێ تا بگرنەێ، وەلێ زاورێانه جەماێەتەگه چیاد چوینکه ئەوانه عیسا وه پەێخەمەر زانستیان.

ئنجیل مەتا 21:23

وەختێ عیسا چیه ناو مابەد و خەریک تالیم مەردم بوی سەران کاهنیل و شێخیل قەوم هاتنه ئەڕا لاێ وەتن: «وه چ دەسڵاتی ئی کاريله کەی؟ کی ئی دەسڵاته داسه پێد؟»

ئنجیل مەتا 15:2

«ئەڕا شاگردەگاند نەریت شێخیل نەنه ژێر پا؟ چوینکه ئەوانه وەرجه نان خواردن دەسێان نیەشورن!»

ئنجیل مەتا 12:24

وەلێ وەختێ فەریسیەیل ئیه شنەفتن، وەتن: «ئی پیا تەنیا وه مەیەت بعەلزبول، سەروک دێویل، دێوەگان کەێده دەیشت.»

ئنجیل مەتا 11:19

کوڕ ئنسان هات، خوێد و نوشید؛ ئویشن، ”بنوڕنه ‎پێەو پیاێگه نوسن و شراو خوەر، دوس باجگریل و گوناکاریل.“ وەلێ ڕاسی و درسی زانیاری، وه کردەوەیلێەو کەفێده دەیشت.»

یوحەنا 9:40

بڕێگ وه فەریسیەیل که لەلاێ بین وەختێ ئی چشتیله شنەفتن، له لێ پرسین: ئێ ئیمەیش کوریم؟»

یوحەنا 10:20

قێر فرەێگ له لێان وەتن: «ئەیو خوودار و شێته؛ ئەڕا چه گوش دینه لێ؟»

یەکم پتروس 2:23

وەختێ خراو دانه پێ، خراوەگه نێادەوپێان و ئەو وەخته که رەنج کیشا، هەڕەشه نەکرد، بەڵکەم هەر ئەوجورە خوەێ سپارده دەس خوداێگ که وه دادپەروەری حوکم کێ.