عبرانییل 11:7 - کتاب مقدس به زبان کردی جنوبی - گویش کلهوری

⁷ وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

عبرانییل 11:7 Referans Kwoze

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

رومیەگان 4:13

چوینکه ئەو واده که وه ئێبراهیم و نەتەوەێ دریاوی که بونه میراتیخوەر جهان، له ڕێ شەریعەت نوی، بەڵکەم له ڕێ ئەو سالح بوینه بوی که وه مل ئیمان بنیاد نریاس.

لوقا 17:26

ڕوژەیل کوڕ ئنسان هەر بوده جور ڕوژگار نوح.

نامەێ فیلیپییل 3:9

وەناو ئەیو پەێا بوم، نه وەگەرد سالح بوین خوەم که له شەریعەته، بەڵکەم وەگەرد ئەو سالح بوینه که له ڕێ ئیمان وه مەسیح وه دەس تێد، ئەو سالح بوینه که له خوداس و وه ڕوی ئیمانه.

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

عبرانییل 5:7

عیسا له ڕوژیل زنەیی خوەێ وه بان زەوی، وەگەرد هاواریل بەرز و ئەسریل وه دەرگاێ خودا که تویەناێ نجات داینێ له مردن داشت، دوعا کرد و لاڵکیاد و وەبونەێ گوش تەکانن تەمامی، دوعاگەی قەبوڵ کریا.

رومیەگان 3:22

ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

رومیەگان 1:17

چوینکه وەناو ئینجیل، ئەو سالح بوینه که له خوداس ئاشکراوه بود، که له سەرەتا تا وه ئاخر ها مل ئیمان. هەر ئەوجورە که وەناو کتاو حەبەقوق پەێخەمەر نویسریاس: «سالحان وه ئیمان زنەیی کەی.»

ئنجیل مەتا 3:7

وەلێ وەختێگ یەحیا دی که قێر فرەێگ له زانایل فرقەیل فەریسی و سەدوقی ئەڕا خوسڵ تەعمید تیەنه ئەڕا لاێ، وەپێان وەت: «ئێ هەفی زادەیل کی هەڕەشه لێدان کرد تا له خەزەو وەرەڕوی دەر بچین؟

دویم پتروس 3:6

وه وەسلەێ هەر ئی ئاوه، دنیاێگ که ئەو ڕوژگاره بی وەناو ئاو خنکیا و له بین چی.

دویم پتروس 2:5

و ئەگەر بەزەیی خودا ناته جهان جارانیشەو، بەڵکەم وەختێ که وه جهان خودانەناسیل واهێڵان هەنارد، تەنیا نوح که بانگەوازیکەر سالح بوینه، وەگەرد هەفت نەفەر تر پارێزان؛

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

عبرانییل 11:1

ئیمان، دڵنیایی وه ئەو چشتیلەسه که ئمیدەپێ بەسایمنه و خاترجەم بوین وه چشتیلێگه که نیەوینریەن.

رومیەگان 10:6

وەلێ سالح بوینی که وه پێ ئیمانه، ئویشێد: «وەناو دڵ خوەد نویش ”کیه که بەرزەو بوده ئاسمان؟“» یانێ تا مەسیح بارێده خوار

رومیەگان 4:11

ئێبراهیم نیشانەێ خەتەنه گردەوەر تا مورێگ بود وه ئەو سالح بوینه که وەرجه خەتەنه کردن له ڕێ ئیمان داشت. ئامانج ئیه بی تا خودا ئەوه بکێده باوگ گشت کەسیلێ که جیا له خەتەنه ئیمان تیەرن که ئیجوره ئەوانیش سالحان وه حساو بان و

ئنجیل مەتا 24:38

چوینکه وه ئەو ڕوژەیل وەرجه لافاوەگه، مەردم خواردیان و نوشیان و ژن خوازیان و شوی کردیان، تا ئەو ڕوژه که نوح چیه ناو کەشتیەگه و

ئنجیل مەتا 24:25

بنوڕن، وه نواوه گشتێ چشتێ وەپێدان وەتمه.

رومیەگان 9:30

جا چه بویشیم؟ ناجویلەکەیلێگ که وەشون سالح بوین نوین، ئەوه وه دەس هاوردنه، یانێ ئەو سالح بوینه که له ڕێ ئیمان وه دەس تێی؛

ئنجیل مەتا 24:15

«جا وەختێ دوینین ئەو ’پێس کاولکەره‘ که دانیاڵ پەێخەمەر باسێ کردێه، وەشون موقەدەس وساسه پاوه - با خوینەر بزانێ -

ئنجیل مەتا 2:12

چوینکه وەناو خەو هەڕەشه کریاوین که نەچنەو ئەڕا لاێ هیرودیس، ئەوانیش له ڕێیگتر چینەو ئەڕا مەمڵەکەتەگەێ خوێان.

عبرانییل 8:5

ئەوانه تەنیا یە نمونه و ساێەڕکی چشتیل ئاسمانی خزمەت کەن. ئەڕا ئیه که وەختێگ موسای پەێخەمەر تواسیا دەوارەگه هەڵ بێید، خودا فەرمان دا پێ و فەرمایش کرد: «ئاگادار به که گشت چشتێگ هەر وه پێ نمونەێگ درس بکێ که وەبان کویه وه پێد نیشان دریاد.»

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.