عبرانییل 11:16 - کتاب مقدس به زبان کردی جنوبی - گویش کلهوری

¹⁶ وەلێ هەرئەوجوره که دوینیم تاسەێ نیشتمانیگ خاستر داشتن، یانێ نیشتمانیگ ئاسمانی. وه ئی بونه، خودا عارێ نیەتێی خوداێ ئەوانه بخوەنرێید، چوینکه شارێگ ئەڕاێان گورجەو کردێه.

عبرانییل 11:16 Referans Kwoze

عبرانییل 13:14

چوینکه وه ئێره شارێگ که هەر بمینێد، نێریم بەڵکەم هایمنه شون ئەو شاره که باێه باێ.

عبرانییل 11:10

چوینکه چەوەڕێ شارێگ بی که بنیادێ بەردەوامه و مێمار و درسکەرەگەی خوداس.

نامەێ فیلیپییل 3:20

وەلێ نیشتمان ئیمه ئاسمانه و وه تاسەێ تەمام چەوەڕێم که نجات دەر، یانێ خوداوەند عیسا مەسیح، له ئەورە ئاشکرا بود.

یوحەنا 14:2

وەناو ماڵ باوگ ئاسمانیم وتاخ فرەس. ئەگەر ئیجوره نویاد مەر وەپێدان وەتیام چم تا شونێگ ئەڕادان گورجەو کەم؟

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،

عبرانییل 11:14

چوینکه ئەوانه که ئیجوره قسیه کەن، ئاشکرا نیشان دەن مینەێ نیشتمانیگ ئەڕا خوێان کەن.

دویم تیموتاوس 4:18

خوداوەند مه له هەر کار شەڕئاشوێگ ڕزگار کەێد و ئەڕا پادشایی ئاسمانی خوەێ ڕزگار کەید. تا ئەبەد و تا ئەبەد جەڵاڵ وه ئەیو بود. ئامین!

مەرقوس 8:38

چوینکه هەر کەس وەناو ئی نەتەوەێ داوانپێس و گوناکاره له من و قسیەیلم عارێ باێ، کوڕ ئنسانیش وەختێ که وه جەڵاڵ باوگ خوەێ وەگەرد فریشتەیل موقەدەس باێ له لێ عارێ تێی.»

کاریل ڕەسولەیل 7:32

”منم خوداێ باوگیلد، خوداێ ئێبراهیم و ئەسحاق و یاقوب.“ ڕکه کەفته گیان موسا و جرئەت نیەکردیا بنوڕده پێەو.

لوقا 12:32

«ئێ ریەن بویچگ، زاوردان نەچود، چوینکه خوەشنودی باوگ ئیوه ئیەسه که ئی پادشایه بێیده پێدان.

مەرقوس 12:26

وەلێ له باوەت زنیەو بین مردگیل، مەر وەناو کتاو موسا نەخوەنینه له هەڵکەفت بنجگ دارەگه، چوی خودا وەپێ وەت: ”منم خوداێ ئێبراهیم و خوداێ ئەسحاق و خوداێ یاقوب“.

لوقا 20:37

وەلێ له باوەت زنیەو بین مردگیل، تەنانەت موسایش وه هەڵکەفت بنجگ دار گڕان ئاشکراێ کەی، وه ئەوره که خوداوەند، وه خوداێ ئێبراهیم و خوداێ ئەسحاق و خوداێ یاقوب ناو برد.

عبرانییل 10:34

وەگەرد ئەوانه که وەناو زندان بوین، هاودەردی کردیاين و وەختێ ماڵ ئەموالدان تاڵان کردیان وه خوەشیەو قەبوڵ کردیاین، چوینکه زانستیاین که خوەدان دارایی خاسترێگ دێرین که مینێد.

عبرانییل 11:40

چوینکه خودا چشت خاسترێگ ئەڕا ئیمه گورجەو کردوی تا ئەوانه جیا له ئیمه کامڵ نەون.

وەحی وه یوحەنا 21:2

جا شار موقەدەس یانێ ئورشەلیم تازه دیم که له ئاسمان له لاێ خوداوه هاتیاده خوار، گورجەو کریاێگ هەرجور وەویگ که ئەڕا شویەگەێ خوەێ ڕەژیایدەو.