عبرانییل 10:1 - کتاب مقدس به زبان کردی جنوبی - گویش کلهوری

¹ له ئەوره که شەریعەت تەنیا ساێەڕکی چشتیل خاس وەره ڕویه، نه شێوەێ ڕاسەکانی ئەوانه. وه ئی بونه، هەراێهەر نیەتویەنێد وەگەرد قوروانییلێگ که ساڵ وه ساڵ یەێ‌سەر پیشکەش کرێید، ئەوانه که ئەڕا پەرەسش نزیکەو بون، کامڵەو بکێد.

عبرانییل 10:1 Referans Kwoze

عبرانییل 8:5

ئەوانه تەنیا یە نمونه و ساێەڕکی چشتیل ئاسمانی خزمەت کەن. ئەڕا ئیه که وەختێگ موسای پەێخەمەر تواسیا دەوارەگه هەڵ بێید، خودا فەرمان دا پێ و فەرمایش کرد: «ئاگادار به که گشت چشتێگ هەر وه پێ نمونەێگ درس بکێ که وەبان کویه وه پێد نیشان دریاد.»

عبرانییل 9:11

وەلێ وەختێگ مەسیح له جیگەێ کاهن گەوراێ ئەو چشتیل خاسه ئاشکرا بی که ئێرنگه هاتنەسه دی، چیەسه ناو دەوارێگ گەوراتر و کامڵتر که وه دەس ئایەم درس نەکریاس. یانێ هن ئی درسکریایه نیه.

نامه وه کولوسییل 2:17

ئیانه تەنیا ساێەڕکی چشتیلێگن که باێه باێ، وەلێ ڕەسەنەگەێان هن مەسیحه.

عبرانییل 9:23

جا واجو بی ئەو چشتیلی که یەێ نمونه له چشتیل ئاسمانی بوین وەگەرد ئی قوروانیيله پاکەو بون، وەلێ خود چشتیل ئاسمانی وەگەرد قوروانییل خاستر له ئیانه پاکەو بون.

عبرانییل 9:25

ویجوره نوی که خوەێ چەن جار جور قوروانی بێیده تاویل، هەر ئەو جور که کاهن گەورا هەرچێ ساڵه چوده ناو موقەدەسترین شون، ئەوەیشه وەگەرد خوینێگ که خوین خوەێ نیه.

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

عبرانییل 7:11

ئێرنگه ئەگەر کەماڵ له ڕێ کاهنیل جیگەێ لاوی وه دەس باتیاد، چ هەوەجیگ داشت کاهنێگ تر وه جیگەێ ملکیسدق و نه وه جیگەێ هارون باێ؟ چوینکه شەریعەت له دەورەێ خزمەت کاهنیل لاوی دریاده قەوم جویلەکە.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.