عبرانییل 1:9 - کتاب مقدس به زبان کردی جنوبی - گویش کلهوری

⁹ توی سالح بوین دوس داشتیدە و له شەڕئاشویی قیند هاتیاد؛ وه ئی بونه خودا، خوداێ توی، فرەتر له هاوڕێیلد وه روین شادمانی مەسح و دەسنیشاند کردێه.»

عبرانییل 1:9 Referans Kwoze

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

لوقا 4:18

«روح خوداوەند ها ملمەو، چوینکه من مەسح و دەسنیشان کردێه تا وه دەستەنگیل مزگانی بێەم. کلم کردێه تا ڕزگاری گیرودەیل و بینایی کوریل جار بێەم و ستەم کیشەیلیش ڕزگاریان بکەم و

یەکم یوحەنا 1:3

هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

عبرانییل 7:26

ئەڕا ئیه که وه ڕاسی شایسه بی که ئیمه ئیجور کاهن گەوراێگ بیاشتویم، کاهنێگ قودوس، بێتاوان، بی لەک و پێس، جیا له گوناکاریل و له ئاسمانیل بەرزتر کریا.

نامەێ فیلیپییل 2:9

وەبونەێ ئیه خودا فره فره بەرزیەو کردێه و ئەو ناوه داسه پێ که سەرتر له گشت ناویله،

ئەفسوسیێل 1:3

پڕ بمارکه خودا، باوگ خوداوەند ئیمه عیسا مەسیح، که ئیمه وەناو مەسیح وه هەر بەەرکەت روحانی له شونیل ئاسمانی بەەرکەتدارەو کردێه.

یەکم قورنتییل 1:9

وەفاداره خوداێگ که ئیوه ئەڕا دوسی وەگەرد کوڕەگەێ خوەێ، خوداوەندمان عیسا مەسیح، دەنگ کردێه.

یوحەنا 20:17

عیسا وەپێ وەت: «دەس مەێه قێمەو، چوینکه هێمراێ ئەڕا لاێ باوگ ئاسمانی بەرزەو نویمه. وەلێ بچوه ئەڕا لاێ براگانم و وەپێان بویش مه بەرزەو بومه ئەڕا لاێ باوگ خوەم و باوگ ئیوه، ئەڕا لاێ خوداێ خوەم و خوداێ ئیوه.»

یوحەنا 1:41

ئەوه یەکم جار، براگەێ خوەێ شەمعون پەێا کرد و وەپێ وەت: «ئیمه ماشیەح پەێا کردیمنه.» ماشیەح یانێ مەسیح واده دریاێ.

وەحی وه یوحەنا 2:15

بێجگه ئیه، کەسیلێگیش ديری که کەفتنەسه شون تالیم دار و دەسەی نیکولاییل.

دویم قورنتییل 11:31

خودا، باوگ خوداوەند عیسا، که وه ئەیو تا ئەبەد بەرەکەت بود، زانی که درو نیویشم.

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.

کاریل ڕەسولەیل 4:27

وه ڕاسی هەر وەناو ئی شاره، هیرودیس و پونتیوس پیلاتوس و ناجویلەکەیل و قەوم ئێسرائیل وه زد خزمەتکار موقەدەسد عیسا که مەسح و دەسنیشانێ کردی، دەسەویەکی کردن،

یوحەنا 3:34

چوینکه ئەوه که خودا کلی کردێه، کەڵام خودا وه زوان تیەرێ، چوینکه خودا روح خوەێ بی ئەنازه بەخشێد.

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

یوحەنا 10:17

وه ئی بونه باوگ دوسم دێرێ چوینکه گیان خوەم دەم تا وه دواره بسێنمێەو.

کاریل ڕەسولەیل 4:26

پادشایل زەوی ڕز کیشن و فەرمانرەواییل وه دەور یەکەو گردەو بون، وه زد خوداوەند و وه زد مەسیح ئەیو.“

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.