عبرانییل 1:6 - کتاب مقدس به زبان کردی جنوبی - گویش کلهوری

⁶ وه دواره وەختێ که یەکم زگەگه تیەرێده ناو دنیا، فەرمایش کەید: «گشت فریشتەیل خودا ئەیو بپەرەسن.»

عبرانییل 1:6 Referans Kwoze

نامه وه کولوسییل 1:18

ئەیو ئەڕا جەسه، یانێ کلیسا، سەره. ئەیو سەرەتا و یەکم زگ لەناو مردگیله، تا وه هەر چشتێگ ئەیو سەر بود.

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،

یەکم پتروس 3:22

هەر ئەو عیسا مەسیحه که چیەسه ئاسمان و ئێرنگه ها له دەس ڕاس خودا و فریشتەیل و دەسڵاتداریل و هێزيل هانه ژێر فەرمانێ.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

یەکم یوحەنا 4:9

وه ئیجوره مابەت خودا وەناومان ئاشکرا بی که خودا تەنیا کوڕەگەێ خوەێ کل کرده جهان تا له ڕێ ئەیو زنەیی بکێمن.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

عبرانییل 10:5

وه ئی بونه، وەختێ که مەسیح هاته ناو ئی جهانه، فەرمایش کرد: «وه قوروانییل و پیشکەشییل مەیلیگ نیاشتی، وەلێ جەسەێگ ئەڕا مه گورجەو کردی؛

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

عبرانییل 1:5

چوینکه خودا تا ئێرنگه وه کام یەکی له فریشتەیل فەرمایش کرد: «توی کوڕ منید؛ ئیمڕو مه بیمەسه باوگد»؟ و یا وه دواره: «مه ئەڕا ئەیو بومه باوگ، ئەیویش ئەڕا مه بوده کوڕ»؟

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.