عبرانییل 1:3 - کتاب مقدس به زبان کردی جنوبی - گویش کلهوری

³ ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 1:3 Referans Kwoze

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

یوحەنا 1:4

وەناو ئەیو ژیان بی و ئەو ژیانه نویر ئایەمیل بی.

عبرانییل 10:12

وەلێ مەسیح وەشون ئیه که ئەڕا هەمویشه یەێ قوروانی وەبونەێ گونایل پیشکەش کرد، دانیشته دەس ڕاس خودا.

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.

عبرانییل 9:26

ئەڕا ئیه که ئەگەر ئیجوره بویاد، مەسیح باێه له وەخت دامەزراندن جهان، چەن جار رەنج کیشاوی. وەلێ هەر ئەوجورە که هەس ئەیو یەێ جار ئەڕا هەمویشه وه ئاخر گشت دەورەیل ئاشکرا بیه تا وەگەرد قوروانی کردن خوەێ، گونا له بین بوێد.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

عبرانییل 4:14

جا چوینکه کاهن گەوراێ پایەبەرزێگ دێریم که له ئاسمانیل گوزیشتێه، یانێ عیسا کوڕ خودا، باین تاگه ئێقرارەگەێ خوەمان قورس بپارێزنیم.

یەکم یوحەنا 3:5

ئیوه زانین که ئەیو ئاشکرا بی تا گونایل لا بوی. وەناو ئەیو هویچ گوناێگ نیه.

دویم پتروس 1:16

چوینکه ئەو وەخته که هێز و هاتن خوداوەندمان عیسا مەسیح وه پێدان جار دیایم، وه شون مەسلەتیلێگ که وە زیرکیەو درس کریانه نەچویمن، بەڵکەم گەورایی ئەیو وه چەو دویمن.

یەکم پتروس 3:22

هەر ئەو عیسا مەسیحه که چیەسه ئاسمان و ئێرنگه ها له دەس ڕاس خودا و فریشتەیل و دەسڵاتداریل و هێزيل هانه ژێر فەرمانێ.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

عبرانییل 8:1

ئێرنگه گیان کەڵام وەناو ئەو چشته که ئویشیم، ئیەسه که ئیمه ئیجور کاهن گەوراێگ دێریم که وه لاێ ڕاس تەخت خوداێ گەورا وەناو ئاسمان دانيشتێه و

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.

عبرانییل 7:27

جور ئەو باقی کاهنيل گەورا، هەوەجی نێرید هەر چی ڕوژه، یەکم جار ئەڕا گونایل خوەێ و لەشونی ئەڕا گونایل قەوم، قوروانی پیشکەش بکێ. ئەڕا ئیه که یەێ جار ئەڕا هەمویشه ئی کاره کرد، وەختێ که خوەێ قوروانی کرد.

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.

یوحەنا 1:29

ئی ڕوژەگەێ، یەحیا عیسا دی که تێ وەرەو لاێ، یەحیا وەت: «بنوڕن، ئیەسه وەرک خودا که گوناێ جهان هەڵگرێ بید!

نامه وه کولوسییل 3:1

جا ئەگەر وەگەرد مەسیح زنیەو بینه، وەشون ئەو چشتیله بون که هانه بان، ئەوره که مەسیح هەس و وه دەس ڕاس خودا نيشتیه.

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

کاریل ڕەسولەیل 7:56

جا وەت: «ئێرنگه دوینم ئاسمان وازه و کوڕ ئنسان وه دەس ڕاس خودا وساس.»

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

عبرانییل 9:16

ئەڕا ئیه که وەختێ بود وەسیەتێگ وەجێ باری که مالوم بود وەسیەتکەرەگه مردگه،

ئنجیل مەتا 22:24

وەتن: «ماموستا، موسای پەێخەمەر وەپێمان فەرمایش کردێه ئەگەر پیاێگ بی مناڵ بمرێ، براگەێ باێه بێوه ژن براگەێ بخوازێ تا ئەڕا براگەێ نەتەوەێ وه جێ بیلێ.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

عبرانییل 1:13

خودا تا ئێرنگه وه کام یەکی له فریشتەیل فەرمایش کردێه: «دانیشه دەس ڕاس مه تا ئەو وەخته که دشمەنیلد بکەمه کورسی ژێر پاد.»

دویم پتروس 1:17

چوینکه وەختێ که ئەیو له خوداێ باوگ، حرمەت و جەڵاڵ گرد و دەنگێگ له جەڵاڵ گەورایی رەسیه ئەیو که، «ئیەسه کوڕه عەزیزەگەم که له لێ فره خوەشنودم.»