عبرانییل 1:14 - کتاب مقدس به زبان کردی جنوبی - گویش کلهوری

¹⁴ مەر ئەوانه گشتێان روحیل خزمەتکار نین که کل کریەن تا وه میراتی خوەریل نجات، خزمەت بکەن؟

عبرانییل 1:14 Referans Kwoze

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

کاریل ڕەسولەیل 27:23

ئەڕا ئیه که دویەشەو یەێ فریشتەێ خوداێگ که هن ئەوەم و پەرەسمێ، وساده لام و

کاریل ڕەسولەیل 5:19

وەلێ شەوەناو فریشتەێ خوداوەند دەریل زندان واز کرد و هاوردیانه دەیشت و

کاریل ڕەسولەیل 12:7

لەناکاوه یەێ فریشتەێ خوداوەند ئاشکرا بی و نویریگ وەناو وتاخەگه درەوشیا. فریشتەگه دا کەلەکەێ پتروس و هەڵێسان و وەت: «زویکه هەڵسەپا!» زویزی زنجیرەگان له دەسیلێ دا کەفت.

لوقا 1:19

فریشتەگه جواوی دا: «من جبرەئیلم که له وەردەم خودا وسم. ئێرنگه کل کریامه تا وەگەرد تو قسیه بکەم و ئی مزگانیه بیەمه پێد.

ئنجیل مەتا 1:20

وەلێ وەختێگ وه ئی چشتیله فکر کردیا، یەێ فریشتەێ خوداوەند له ناو خەو وەپێ ئاشکرا بی و وەت: «ئێ یوسف، کوڕ داود، له ئیه که مریەم بخوازێ زاورد نەچود، چوینکه ئەوه که ها ناو زگێ، له روح‌القودوسه.

لوقا 16:22

ئمجا، ئەو پیاێ کەمدەسه مرد و فریشتەیل بردنێ ئەڕا لاێ ئێبراهیم پەێخەمەر. پیا دەوڵەمەنەگەیش مرد و ئەویش خاک کردن.

کاریل ڕەسولەیل 12:23

هەر ئەو ئانه، یەێ فریشتەێ خوداوەند داده لێ، وه ئی بونه که جەڵاڵ نیاده خوداوەند. ئمجا کرمیل خواردنێ و مرد.

لوقا 2:9

لەناکاوه فریشتەێ خوداوەند وه لێان نازڵ بی و نویر جەڵاڵ خوداوەند وه دەورێانەو هەڵات. شوانەگان وه ترسەو له پڕگ چوین.

لوقا 2:13

لەناکاوه دەسەی فره گەوراێگ له لەشکەریل ئاسمان دیار دان که وەگەرد فریشتەگەوە ستایش خودا کردیان و وەتیان:

ئنجیل مەتا 2:13

وەشون ئیه که هەسارەناسەگان چین، یەێ فریشتەێ خوداوەند له ناو خەو وه یوسف ئاشکراوه بی و وەت: «هەڵس مناڵەگه و داڵگێ هەڵگر و دەر بچو ئەڕا مسر. وه ئەوره بمین تا وەپێد بویشم، چوینکه هیرودیس ها شون مناڵەگه تا له بین بوێدەێ.»

تیتوس 3:7

تا وه فیز ئەیو سالحان وەحساو بایم، وه ڕوی ئمید زنەیی ئەبەدی، بیمنه میراتی خوەریل.

وەحی وه یوحەنا 5:6

له ناوڕاس تەختەگه و ئەو چوار گیانەوەر زنی و له ناوڕاس پیریل، وەرکێگ دیم وساوی، چمانێگ سەری بڕیاوید، هەفت گله شاخ داشت و هەفت گله چەو که هەفت روح خوەدان که کل کریاسه بان گشت زەوی.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

یەهودا 1:14

خەنوخ، که هەفتمین پشت ئایەم بی، له باوەت ئیانه پێشگویی کرد و وەت: «بنوڕن، خوداوەند وەگەرد هەزاریل هەزار له موقەدەسیل خوەێ تێد،

یەکم پتروس 1:4

ئەڕا میراتیێگ که له بین نیەچود و بی لەکەس و نیەسیسێید که ئەڕا ئیوه وەناو ئاسمان نریاسه لا؛

عبرانییل 6:17

هەر ویجوره، خودا وەختێگ تواس ئامانج نەگوڕیای خوەێ وه میراتیخوەریل واده خاس ئاشکرا بکێد، ئەوه وەگەرد قەسەمەو زەمانەت کرد،

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

نامەێ فیلیپییل 2:25

ئیجوره فکر کردمه که واجوه تا ئپافرودیتوس کلەو بکەمه ئەڕا لادان، ئەوه له یەێ لا برا و هاوکار و هاورەزم خوەمه و له لاێگترەو، کل کریاێ و خزمەتکاردانه ئەڕا سەرسامان داین هەوەجیێلم.

دویم قورنتییل 9:12

ئەڕا ئیه که ئی خزمەته نه تەنیا هەوەجییل ئیمانداریل وه مەسیح پەرچەو کێ، بەڵکەم بایس سپاس قێر فرەێگ له خودا بود.

رومیەگان 15:27

چوینکه ئەوانه خوێان خوەشنود بین ئی کاره بکەن و وه ڕاسییش قەرددار جویلەکەیلن، چوینکه ئەگەر ناجویلەکەیل وەناو بەەرکەتیل روحانی جویلەکەیل بەشدارەو بوینه، ها ملێانەو که جویلەکەیل وەناو بەەرکەتیل پویلی خزمەت بکەن.

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 13:6

وه ئی بونەێشه باج دین، چوینکه دەسڵاتداریل، خزمەتکاریل خودان و خوێان نانەسه ئەڕا هەر ئی کاره.

کاریل ڕەسولەیل 13:2

وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

کاریل ڕەسولەیل 11:22

ئی خەوەره ڕەسیه گوش کلیساێ ئورشەلیم، جا بەرنابا کل کردنه ئەڕا ئەنتاکیه.

لوقا 1:23

زەکەریا وەشون ئیه که نوەی خزمەتی تەمام بی، چیه ئەڕا ماڵ.

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

ئنجیل مەتا 13:41

کوڕ ئنسانیش فریشتەگانێ کل کەی و ئەوانه هەر چشتێگ که بوده بایس گونا و گشت کەسیلێگ که یاسایل خودا نەنه ژێر پا له پادشاێ خودا گردە‎و کەن و

یەکم پتروس 3:7

هەر وه ئیجور، ئیوەیش ئێ شوییل، وەناو زنەیی وەگەرد هاوسەریلدان دەرکێان بکێن و حرمەتیان بگرن جورێگ که چماێ ئەوانه دەفریل نازکیگن، ئەڕا ئیه که وەناو فیز ژیان وەگەرددانەو هاومیراتین، تا نوای دوعایلدان نەگرید.

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

عبرانییل 10:11

هەر کاهنێگ، هەر چی ڕوژه ئەڕا خزمەتەگەی وسێده پاوه و هەر ئەو قروانیيله که هەراێهەر نیەتویەنن گونایل له بین بوەن، یەسەر پیشکەش کەن.

عبرانییل 8:6

وەلێ خزمەتێگ که مەسیح پەێا کردێه، فره بانتر له خزمەت جارانه، ئەڕا ئیه که ئەیو وەسلەێ پەێمانێگ خاستره، پەێمانێگ که وەبان وادەیل خاستر نریاسه سەرپاوه.

عبرانییل 6:12

تا لەمتی نوین، بەڵکەم له کەسیلێگ نمونه بگرن که له ڕێ ئیمان و سەور بونه میراتیخوەر وادەگان.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

نامه وە غەلاتییل 3:29

ئەگەر ئیوه هن مەسیحین، جا نەتەوەێ ئێبراهیمین و له ڕوی واده، میراتیخوەریش هەین.

نامه وە غەلاتییل 3:9

جا کەسیلێ که پشت بەسانەسه ئیمان وەگەرد ئێبراهیم، ئەو پیاێ ئیمانه، بەەرکەتدارەو بون.

نامه وە غەلاتییل 3:7

جا ئیه بزانن کوڕیل ئێبراهیم ئەوانن که ئیمان دێرن.

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

کاریل ڕەسولەیل 16:26

لەناکاوه زەویه لەرزەێگ فره گەورا ڕوی دا، ئەوجورە که بنەواێ زندانەگه کەفته لەرزه. جا زویزی گشت دەرەگان واز بین و زنجیرەگان گشتێان کەفتنه زەوی.

ئنجیل مەتا 4:11

ئمجا ئبلیس، عیسا هیشتەجێ و فریشتەیل هاتن خزمەتی کردن.

مەرقوس 10:17

وەختێ عیسا کەفته ڕێ، پیاێگ وه دەودەوان هات، وه نوای زرانی دا زەوی و پرسی: «ماموستا خاسەگه، چه بکەم تا بومه میراتی خوەر زنەیی ئەبەدی؟»

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.