عبرانییل 1:1 - کتاب مقدس به زبان کردی جنوبی - گویش کلهوری

¹ وه جارانەو، خودا فره جار و له ڕێیل فرەێگ، وه وەسلەێ پەێخەمەریل وەگەرد باپیریلمان قسیه کرد،

عبرانییل 1:1 Referans Kwoze

لوقا 24:27

ئمجا له تەورات موسا و گشت پەێخەمەریل شرو کرد و هەر چی که وەناو گشت کتاو موقەدەس له باوەتێ قسیه کریاس، ئەڕاێان وەت.

کاریل ڕەسولەیل 2:30

ئەویش که پەێخەمەر بی زانستیا خودا ئەڕاێ قەسەم خواردێه که له نەتەوەێ ئەوه یەێ نەفەر له سەر تەخت پادشایی دانیشنێ.

لوقا 1:55

هەر ئەو جوره که وه باپیریلمان ئێبراهیم و نەتەوەێ واده داوی که تا ئەبەد ئیجوره بکێ.»

کاریل ڕەسولەیل 13:32

ئێرنگه ئیمه وەپێدان مزگانی دیمن که خودا ئەو چشته که وه باپیریلمان واده داوید،

عبرانییل 2:2

چوینکه ئەگەر ئەو پێخامه که له ڕێ فریشتەیل جار دریاد و مور بی که بود دڵنیایی وەپێ بکرێ و هەر خەتا یا ملەجەرێگ سزاێ دادپەروەرانەێ گرد،

لوقا 1:72

تا ئەو بەزەیێه که وه باپیریلمان واده داوی وه جێ بارێ و پەێمان موقەدەس خوەێ بارێده هویر؛

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

یوحەنا 9:29

ئیمه زانیم خودا وەگەرد موسا قسیه کردێه. وەلێ ئی پیا نيەزانیم له کوره هاتێه.»

یوحەنا 7:22

موسا حوکم خەتەنه داسه پێدان - هەر چەن ئیه نه له موسا بەڵکەم له باپیریل قەوم بی - ئیوەیش وه ڕوی ئی حوکمه له ڕوژ شەبات که هەر ئەو شەمەێ موقەدەس جویلەکەیلەسه کوڕيلدان خەتەنه کین.

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

یوحەنا 16:13

وەختێ که روح ڕاسی تێد، وه تەمام ڕاسی ڕێنمایدان کێ؛ چوینکه وه خوێەو هویچ نیویشی، بەڵکەم هەر چی بشنەفێ ئویشێ وه ئەو چشتیله که باێه ڕوی بێید وه پێدان جار دەید.

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

عبرانییل 3:5

ئێرنگه موسا له جیگەێ خزمەتکار، وەناو گشت ماڵ خودا ئەمین بی تا وه ئەو چشتیله که باێه وەشونەو بویشرێید، شاێەتی بێید.

عبرانییل 4:8

چوینکه ئەگەر یوشەع پەێخەمەر وەپێان ئاشاسێگ ‎بەخشیاوید، وەشون ماوەێگ، خودا له ڕوژێگ تر قسیه نەکردیاد.

عبرانییل 5:5

مەسیحیش خوەێ بەرزەو نەکرد تا بوده کاهن گەورا، بەڵکەم له لاێ کەسێگ دیاری کریا که وەپێ وەت: «توی کوڕ منید؛ ئیمڕو، مه بیمەسه باوگد.»

عبرانییل 9:19

چوینکه ئەو وەخته که موسای پەێخەمەر هەر کام له حوکمیل شەریعەت وه گشت قەومەگە جار دا، خوین گوریل و بزنیل گرد و وەگەرد ئاو و خوری سویەر و پەلیل دار زوفا، هەم وەبان خود تومار و هەم وەبان گشت قەومەگه پاشی

عبرانییل 11:2

چوینکه وه سەوەو ئیمان بی که له باوەت مەردم جاران تاریف کریاس.

عبرانییل 11:18

هەر ئەوه که له باوەتێەو وەتریاوی: «نەتەوەێ تو ناو خوەێ له ئەسحاق گری.»

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.