نامه وە غەلاتییل 6:8 - کتاب مقدس به زبان کردی جنوبی - گویش کلهوری

⁸ کەسێگ که ئەڕا جەسەێ خوەێ بکاڵێد، له جەسەوه گەنیان درەو کەی؛ وەلێ کەسێگ که ئەڕا روح خودا بکاڵێ، له روح خودا زنەیی ئەبەدی درەو کەی.

نامه وە غەلاتییل 6:8 Referans Kwoze

رومیەگان 8:13

چوینکه ئەگەر وه پێ جەسه زنەیی بکێن، مرین؛ وەلێ ئەگەر له ڕێ روح خودا، کردەوەێ جەسه بکوشین، زنەیی کین.

یاقوب 3:18

سالح بوین، خەڵەێگه که وەناو ئاشتی و سڵامەتی و وه دەس ئاشتیخوازیل کاڵێید.

دویم پتروس 2:19

وه ئەوانه وادەێ ڕزگاری دەن، وەحاڵێگەو خوێان خوڵام گە‎نیانن؛ چوینکه هەر چشتێ که وه مل ئایەم زاڵ بود، ئایەم بوده خوڵام هەر ئەو چشته.

نامه وە غەلاتییل 6:7

فریو نەخوەین: نیود وه خودا تویلەکی بکێن. چوینکه ئایەم هەر چی بکاڵێ، هەر ئەوەیشه درەو کەی.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

وەحی وه یوحەنا 22:11

بیل تا ئایەم بەێ کاره، هەرئیجوره بەێ کارێ بکێ و ئایەم گەنیاێ هەرئیجوره گەنیان وه بار بارێ؛ ئایەم سالحان هەرئیجوره کار خاس بکێ و ئایەم موقەدەس، هەرئیجوره وه موقەدەسی خوەێ بەردەوام بمینێ.»

یوحەنا 4:36

ئێرنگه درەوکەر حەقدەس خوەێ سێنێ و خەرمان ئەڕاێ زنەیی ئەبەدی گردەو کەێ، تا تویەم وەشن و درەوکەر وەگەرد یەکەو شادمانەو بون.

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

ئنجیل مەتا 19:29

هەر کەیش وەبونەێ ناو مه ماڵ یا برا یا خویشک یا داڵگ یا باوگ یا مناڵ یا ماڵ موڵک خوەێ بیلیده جێ، سەد ئەوقره پەێا کەی و زنەیی ئەبەدی وه میراتی بی.

تیتوس 3:7

تا وه فیز ئەیو سالحان وەحساو بایم، وه ڕوی ئمید زنەیی ئەبەدی، بیمنه میراتی خوەریل.

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

لوقا 18:30

وەناو هەر ئی دەورانه چەن ئەوقره وه دەس نارێد و وەناو دەورەێ وەرەڕویش، وه زنەیی ئەبەدی بی نسیو بمینێ.»

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

یەکم نامەێ تیموتاوس 1:16

وه ئی بونه، بەزەیی وەپێم کریا تا مەسیح عیسا سەور بێ پاێان خوەێ ئەڕا مه که گەوراترین گوناکاریل بیم، نیشان بێید، تا نمونەێگ بوم ئەڕا گشت ئەوانه که له ئیەولا وه ئەیو ئیمان هاوردنه و زنەیی ئەبەدی پەێا کەن.

ئنجیل مەتا 25:46

جا ئەوانه چنه ئەڕا ناو سزاێ ئەبەدی، وەلێ سالحان ئەڕا زنەیی ئەبەدی.»

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 8:6

دەرئەنجام دڵبەساین وه چشتیل جەسەێ، مەرگه، وەلێ دەرئەنجام وەشون کەفتن له چشتیل روحانی، ژیان و ئاشتی و سڵامەتیه.

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

یەکم قورنتییل 15:42

زنیەو بوین مردگیلیش ئیجورەسه. هەرچێ کالیەد، له بین چود؛ ئەو چشته که زنیەو بود، نەمره.