نامه وە غەلاتییل 6:3 - کتاب مقدس به زبان کردی جنوبی - گویش کلهوری

³ چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

نامه وە غەلاتییل 6:3 Referans Kwoze

یەکم قورنتییل 3:18

هویچ کەسێگ خوەێ فریو نەێەێ. ئەگەر کەسێگ له لێدان خوەێ وەگەرد پەێمانەیل ئی زەمانه زانا بزانێ، ئەڕا ئیه که بوده زانا باێه نەزان بود.

یەکم قورنتییل 8:2

ئەو کەسه که گومان کێ چشتێگ زانی، هێمراێ ئەوجورە که باێه بزانێ، نیەزانێ.

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

دویم قورنتییل 3:5

نه ئیەک خوەمان لیاقەت بیاشتویمن تا چشتێگ بنیمنه حساو خوەمان، بەڵکەم لیاقەتمان له خوداس.

یەکم قورنتییل 13:2

ئەگەر هێز نەبوەت بیاشتوم و گشت رازیل خودا و ماریفەت بزانم و ئەوجورە ئیمان تەمامێگ بیاشتوم که بتویەنم کویەیل جاوەجا بکەم، وەلێ مابەت نیاشتویم، هویچ نیم.

یەکم یوحەنا 1:8

ئەگەر بویشیم گوناێگ نێریم، خوەمان گول دیمن و ڕاسی وه ناومان نیه.

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

لوقا 18:11

فەریسیەگه هەڵساده سەر پاوه و ئیجوره دوعا کرد: ”خودایا، سپاسد کەم که جور باقی مەردمیل بەێکاره و دز و خیز، یا تەنانەت جور ئی باجگره نیم.

یاقوب 1:22

وەلێ وه جێ هاوریل کەڵام خودا بون، نه تەنیا گوشکەریلێ که خویان گول دەن!

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

دویم قورنتییل 12:11

گیلگەوج بیمه! ئیوه ناچارم کردین. باێه تاریفم بکردیاین، ئەڕا ئیه که هەر چەن مه هویچم، وەلێ له ئەوانه که خوێان وه ’گەورا ڕەسولەیل‘ خوەنن چشتێ کەم نێرم.

نامه وە غەلاتییل 2:6

وەلێ ئەو ئایەمیله که چماێ بەناوبانگن - ئەوانه هەر کەسێگ بین ئەڕام فەرقێگ نیەکێ، خودا دوچەوەکی نیەکەید - بەڵێ، وه پێدان ئویشم ئەو ئایەمیل بەناوبانگه چشتێگ وه مه فرەترەو نەکردن،

کاریل ڕەسولەیل 5:36

چەن وەخت پێش، پیاێگ تئوداس ناو هەڵساد که خوەێ وه کەسێگ زانستیا، نزیک چوارسەد نەفەریش وه دەور خوەێ گردەو کرد. وەلێ ئەوه کوشریا و ئەوانه که کەفتوینه شونێ گشتێان تەفرتوینا بین.

نامه وە غەلاتییل 2:9

جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.