نامه وە غەلاتییل 6:12 - کتاب مقدس به زبان کردی جنوبی - گویش کلهوری

¹² ئەوانه که توان شێوەێ خوێان خاس نیشان بێەن، ناچاردان کەن که خەتەنه بوین، تەنیا وه ئی نیەته که وەبونەێ سەلیب مەسیح عەزاو نوینن.

نامه وە غەلاتییل 6:12 Referans Kwoze

نامه وە غەلاتییل 5:11

ئێ برایل، ئەگەر هێمراێ من خەتەنه بانگەوازی کەم، ئێ دیتر ئەڕا هێمراێ عەزاو دوینم؟ ئەگەر ئەوجورە بویاد دیتر بانگەوازی سەلیب بایس نویاتیاد کەسێگ بڕەنجێد.

نامه وه کولوسییل 2:23

وه ڕاسی وەختێ باس ئی شەریعەت دەسەڵوەسه و سوکەو کردن جەسه و سەختی داین وه جەسه کریەد؛ شێوەێ زانیاری وه خوەێ گرید، وەلێ ئی دەستوریله له ئیه که بتوان نوای هەوا و هەوەسیل جەسه بگرن، کارێگ له دەسێان نیەتێی.

دویم قورنتییل 11:13

چوینکه ئیجور کەسیلێ، ڕەسولەیل دروەکانی و کارکەریل فێڵبازن که خوێان وه وێنەێ ڕەسولەیل مەسیح دەر تیەرن.

کاریل ڕەسولەیل 15:1

بڕێگ له ناوچەێ یەهودیەوه هاتنه ئەڕا شار ئەنتاکیه و برایل تالیم دیان و وەتیان: «ئەگەر وه پێ نەریت موسای پەێخەمەر خەتەنه نوین، نیەتویەنین نجات پەێا بکێن.»

نامه وە غەلاتییل 2:3

وەلێ تەنانەت تیتوس که وەگەردمەو بی، هەرچەن یونانی بی، زوره لێ نەکردن تا خەتەنه بود.

لوقا 16:15

عیسا وەپێان وەت: «ئیوه ئەو کەسیلینه که خوەدان وه مەردم، سالحان نیشان دین، وەلێ خودا وه دڵدان ئاگا و بیناس. هەر چشتێ که وه لاێ مەردمەو قورپ فرەێگ دێرێ، خودا قیزێ له لێ تێ!

نامەێ فیلیپییل 3:18

چوینکه هەر ئەوجورە که چەن جار وه ئیوه وەتمه و ئێرنگەیش ئەسر ڕشنم و ئویشمه پێدان، ڕێ رەوشت قێر فرەێگ هەر جور دشمەنیل سەلیب مەسیحه.

نامەێ فیلیپییل 2:4

هویچکام له ئیوه تەنیا وه فکر قازانج خوەێ نود، بەڵکەم وه فکر قازانج ئەو باقی مەردمیش بود.

نامەێ فیلیپییل 1:15

وه ڕاسی بڕێگ له ڕوی حەسویی و هاوماڵی، مەسیح بانگەوازی کەن، وەلێ بڕێگتر وه نیەت خاسێگ.

نامه وە غەلاتییل 6:13

چوینکه تەنانەت ئەوانه که خەتەنه بون خوێان شەریعەت وه جا نيەتیەرن، بەڵکەم توان ئیوه خەتەنه بوین تا شانازی وه جەسەدان بکەن.

نامه وە غەلاتییل 2:14

وەلێ وەختێ دیم کردەوەێان وه پێ ڕێەگەێ ڕاسەکانی ئینجیل نیه، له نوای گشتێان وه کیفا وەتم: «ئەگەر تو هەرچەن که جویلەکەێ وەلێ جور ناجویلەکەیل زنەیی کەی نه جور جویلەکەیل، چوی تویەنێ ناجویلەکەیل وادار بکێ تا جور جویلەکەیل زنەیی بکەن؟»

دویم قورنتییل 10:12

نه ئیه که ئیمه جرئەت کیم خوەمان وەگەرد کەسیلێ که له خوێان تاریف کەن یەکی بکێم یا خوێان وەگەرد یەکترەکی هەڵسەنگنن. وەلێ وەختێ خوێان وەگەرد یەکترەکی بەراورد کەن، دیاره که چەنێ نەزانن.

کاریل ڕەسولەیل 15:5

وەلێ قێرێ له فرقەێ فەریسیل که ئیمان هاوردوین، هەڵسان وەتن: «ئی ناجویلەکەیله باێه خەتەنه کرد و حوکم بیمنه پێان که شەریعەت موسا بپارێزنن.»

یوحەنا 7:18

ئەوه که له خوێەو بویشی، ها شون جەڵاڵ خوەێ، وەلێ ئەو کەسه که ها شون جەڵاڵ ئەیو که کلی کردێه، ڕاس‎درسه و درودەلسه وەناوێ نیه.

لوقا 20:47

لەلاێگەو ماڵیل بێوه ژنیل چەپاو کەن و لەلاێگتریشەو ئەڕا ئیه که خوێان نیشان بێەن، دوعاێان دریژەو کەن. سزاێ ئیانه چەنێ سەختتر بود.»

ئنجیل مەتا 23:28

ئیوەیش هەر ئیجورینه، وه ڕویەو له لاێ مەردم سالحانین، وەلێ ناودان پڕ له دوڕویی و خراوەکاریه.

ئنجیل مەتا 23:5

گشت کاریلێان وەبونەێ ئیەسه تا مەردم بویننیان، ئایەیل کتاو موقەدەس گن گن بەسنه تەخت تێوڵ و بان باڵێان و داوان بەتیەگانێان شوڕترەو کەن.

ئنجیل مەتا 6:16

وەختێ ڕوژه گرین، جور دوڕوییل دەمچەو تیەڵ نەون، چوینکه ئەوانه دەمچەو خوێان گویڕنن، تا وه لاێ مەردم نیشان بێەن هانه ڕوژه. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 6:2

«جا وەختێ سەدەقه دەێ پف مەکه شەیپورەو، جور دوڕوییل که وەناو کەنیسەیل و خێاوانیل کەن، ئەڕا ئیه که مەردم تاریفه لێان بکەن. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 6:5

«وەختێ دوعا کەی نەبایه جور دوڕوییل بوید، چوینکه ئەوانه خوەشێان تێ بوسن و وەناو کەنیسەیل و گوشەێ خێاوانیل دوعا بکەن تا مەردم بویننیان. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 5:10

خوەش وه حاڵ ئەوانه که وەبونەێ سالح بوین عەزاو دوینن، چوینکه پادشایی ئاسمان هن ئەوانەسه.

ئنجیل مەتا 23:27

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه مینینه قەوریلێگ که سپی کریاس، که له دەیشتەو ڕەنگینه، وەلێ ناوێان پڕ له سقان مردگ و گشت جور ناپاکیه!