نامه وە غەلاتییل 6:10 - کتاب مقدس به زبان کردی جنوبی - گویش کلهوری

¹⁰ جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

نامه وە غەلاتییل 6:10 Referans Kwoze

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

یەکم تسالونیکییل 5:15

هوشدان بود، کەسێگ خراوی وەگەرد خراوی جواو نید، بەڵکەم هەمویشه وەشون خاسێ کردن وه یەکترەکی و وه گشت مەردم بوین.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

ئنجیل مەتا 25:40

ئمجا پادشا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترین برایلم کردین، ئەڕا مه کردین.“

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

ئەفسوسیێل 2:19

جا ئیوه دی بێگانه و غەریو نین، بەڵکەم هاونیشتمان ئیمانداریل وه مەسیح و یەکیگ له ئاڵ ماڵەگەێ خوداین؛

یوحەنا 12:35

جا عیسا وەپێان وەت: «نویر ئەڕا قێرێگ‎تر ها گەرددانەو. تا نویر ها گەرددانەو، ڕێ بکەن نەخواێ تیەریکی ئیوە بگرێده وەر. هەر کەس وەناو تیەریکی ڕێ کێ، نیەزانێ ئەڕا کوره چود.

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

یوحەنا 9:4

تا وەختێ ڕوژه باێه کاریل ئەیو بکێم که کلم کرد؛ شەو تێد و ئەو وەخته کەس نیەتویەنی کارێگ بکێ.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

نامەێ فیلیپییل 4:10

وەناو خوداوەند فره خوەشاڵم که ئێرنگه ئیوه دەس ئاخر ئەو نگرانیه که ئەڕا من دێرین وەناو خوەدان زنەوه کردینه. ئیوه وەڕاسی نگرانم بین، وەلێ دەرفەتێگ ئەڕا نیشان داین ئەوه نیاشتین.

ئنجیل مەتا 12:50

چوینکه هەر کەس خاست باوگم که ها ناو ئاسمان وه جێ بارێ، برا و خویشگ و داڵگ منه.»

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

ئەفسوسیێل 5:16

خاس ئی وەخته وه کار بوەن، چوینکه ڕوژیل خراویگه.

یەکم یوحەنا 5:1

هەر کەسێگ ئیمان وه ئیه دێرێ که عیسا هەر ئەیو مەسیح وادەدریاێەسه، ئەوه له خودا هاتیەسه دنیا. هەر کەسێگ باوگ دوس دێرێ، کەسێگیش که له لێ هاتیەسه دنیا دوس دێرێ.

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

مەرقوس 3:4

ئمجا له ئەوانه پرسی: «وه ڕوژ شەبات خاسێ کردن ڕەواس یا خراوی کردن؟ گیان کەسێ نجات داین یا کوشتنێ؟» وەلێ ئەوانه بیدەنگ مەنن.

ئەفسوسیێل 3:15

هەر بنەماڵەێگ وەناو ئاسمان و له بان زەوی، ناو خوەێ له ئەیو گری،

ئنجیل مەتا 5:43

«شنەفتینه وەناو تەورات وەتریاس: ”هاوساگەد دوس بیاشتو و قینده دشمەند باێ.“

ئنجیل مەتا 10:25

ئەڕا شاگرد ئیه بەسه جور ماموستاگەێ خوەێ بود و خوڵامیش جور ئەرواوەگەێ. ئەگەر وه ساێو ماڵ وەتنه بعەلزبول که هەر ئەو شەیتانەسه، چەنێ فرەتر بنەماڵەگەێ بەێ ناو کەن؟

کاریل ڕەسولەیل 6:7

جا کەڵام خودا پەخشەو بویاد و ژمارەێ شاگردەگان له شار ئورشەلیم فره فرەوه بی و جەم فرەێگ له کاهنيلیش ئیمان هاوردن.

نامه وە غەلاتییل 1:23

ئەوانه تەنیا شنەفتوین، «ئەوه که وەرجه ئیه عەزاومان دیاد، ئێرنگه هەر ئەو ئیمانه بانگەوازی کەید که یەێ وەختێگ پشت ئەڕا له بین بردنێ بەساوید.»

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.

یەکم تسالونیکییل 5:21

بەڵکەم گشت چشتێگ ئەزمون بکێن؛ قورس بلچکێینه ئەو چشته که خاسه.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

سێیەم یوحەنا 1:3

فره دڵخوەشەو بیم وەختێ برایل هاتن و شاێەتی دان که تو وه ڕاسی وەفاداری هەرئەوجوره که تو بی خەڵاف وەناو ڕاسی زنەیی کەی.

سێیەم یوحەنا 1:10

جا ئەگەر بام کاریلێ که کەی ئویشمەو، چوینکه وه قەسی له باوەت ئیمه قسیەێ خراو ئویشێد، وه ئیەیشه رازی نویه، بەڵکەم برایلیش ڕێ نێید و ئەو کەسیلێ که توان ڕێیان بێەن، نوایان گری و له کلیسا دەرێان کەی.

دویم قورنتییل 2:8

جا لاڵکمه پێدان تا مابەت خوەدان له سەر نو نیشانی بێین.