نامه وە غەلاتییل 6:1 - کتاب مقدس به زبان کردی جنوبی - گویش کلهوری

¹ ئێ برایل، ئەگەر کەسێگ تویش خەتاێگ هات، ئیوه که ئایەمیل روحانیگین باێه ئەوه وه یەێ روح ئارامێگەو وه ڕێ ڕاس هەڵوگەردنین. هوشدانه خوەدانەو بود نەخواێ ئیوەیش بخەلەتێین.

نامه وە غەلاتییل 6:1 Referans Kwoze

رومیەگان 15:1

ئیمه که وه هێزیم، ها ملمانا که بی هازییل ئایەمیل زەیف تاموڵ بکێم و وەشون خوەشنودی خوەمان نویمن.

دویم تسالونیکییل 3:15

ئەوه دشمەن وه حساو نارن، بەڵکەم هەر جور براێگ هەڕەشه بکەنه لێ.

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

یەکم یوحەنا 5:16

ئەگەر کەسێگ بوینی براگەێ گوناێگ کەێد که بایس مردن نیود، دوعا بکێ و خودا ژیان بەخشیده پێ، ئیه له باوەت کەسیلێگ ئویشم که گونایلێگ کەن که بایس مردن نیود، گوناێگ هەس که بوده بایس مردن. له باوەت ئیجور گوناێگ نیویشم که باێه دوعا کرد.

دویم قورنتییل 2:7

ئێرنگه دی باێه بوەخشینێ و دڵی بێینەو، نەخواێ خەم فره له پا بخیدێ.

عبرانییل 12:13

ئەڕا پایلدان ڕێیل ڕاسەو بکەن، تا پاێ شەل له قولتخ دەر ناید، بەڵکەم شەفا پەێا بکێد.

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

رومیەگان 14:1

کەسێگ که ئیمانێ بی هازه، ڕێی بێەنه ناو خودان، بی ئەوه که وه سەر باوەڕیل مرافه بکێن.

یەکم قورنتییل 10:12

ئمجا ئەوه که گومان کێ ها سەرپاوه، هوشێ بود که نەکەفێ!

یەکم قورنتییل 4:21

کامێان پەسەندانه؟ وه کوتەک بامه ئەڕا لادان یا وه مابەت و روحێگ دڵنەرم؟

یاقوب 3:2

چوینکه گشتمان وەناو چشتیل فرەێگ خەتا کیم. ئەگەر کەسێگ له قسیه کردن خەتا نەکێ، ئنسان کامڵێگه و تویەنێ هەوسار گشت جەسەێ خویشێ بگرێه دەس.

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

ئنجیل مەتا 9:13

بچن و ماناێ ئی کەڵامه بفامن که ”مه بەزەیی توام نه قوروانی.“ ئەڕا ئیه که مه ناتمه تا سالحان، بەڵکەم تا گوناکاریل دەنگ بکەم.»

یەکم قورنتییل 14:37

ئەگەر کەسێگ خوەێ وه نەبوەتکەر یا ئایەم روحانیگ زانێ، قەبوڵ بکێ که ئەو چشته که ئەڕا ئیوه نویسم فەرمانێگه که لەلاێ خوداوەند هاتێه.

یەکم قورنتییل 7:5

جا یەکترەکی له حەق ژن شویی بی‎بەش مەکەن، مەر وه رزایەت یەکترەکی و ئەڕا ماوەێ کەمێگ، تا خوەدان خەریک دوعا بکێن. ئمجا وەدواره وەگەرد یەکترەکی جفت بوین، نەخواێ شەیتان وەبونەێ ئیه که وەسەرخوەدان زاڵ نیەوین، بخەڵەتنێدەدان.

یەکم قورنتییل 2:15

وەلێ ئایەم روحانی له باوەت گشت چشتێگ داوەری کێ، وەلێ هویچکەس تویەنایی داوەری له باوەت ئەوه نێرید.

رومیەگان 8:6

دەرئەنجام دڵبەساین وه چشتیل جەسەێ، مەرگه، وەلێ دەرئەنجام وەشون کەفتن له چشتیل روحانی، ژیان و ئاشتی و سڵامەتیه.

ئنجیل مەتا 11:29

هویەێ مه بخەنه ملدانەو له مه تالیم بگرن، چوینکه مه ئارام و دڵنەرمم و ئیوه وەناو گیان خوەدان ئاشاسێگ پەێا کەین،

یاقوب 3:13

وەناو ئیوه کامدان زانیاره و فام دێرێ؟ بیلێن تا ئەوه وەگەرد ڕێ رەوشت خاس خوەێ، نیشان بێید، وەگەرد کاریل هامیته وه بێ فیسی که له زانیاری سەرچاوه گری.

عبرانییل 13:3

ئەوانه که هانه ناو زندان بارنه هویردان، ئەوجورەکە چماێ خوەدانیش وەگەرد ئەوانه هاینه ناو زندان؛ هەر ئیجوره کەسیلێ وه هویردان بون که وەگەردێان وه خراوی ڕێ رەوشت کەن، ئەوجورەکە چماێ خوەدانیش وەناو جەسه رەنج کیشین.

نامه وە غەلاتییل 5:23

بێ فیسی و وەسەرخویەو زاڵ بوینه. هویچ شەریعەتێگ وه زد ئی چشتیله نیه.

یەکم قورنتییل 3:1

وەلێ من، ئێ برایل، نیەتویەنسم وەگەرد ئیوه جور مەردم روحانی قسیه بکەم، بەڵکەم جور مەردم جەسەێ و جور مناڵه کوڕپه وەناو مەسیح.

ئنجیل مەتا 26:75

ئمجا پتروس قسیەیل عیسا کەفته هویرێ که وەپێ وەتوی: «وەرجه ئەوەکه کەڵەشیر بقویلنێ، سێ جار مه حاشا کەی». جا پتروس چیه دەیشت و تێر پڕ دەس نا گیره.

ئنجیل مەتا 26:69

وه ئەو وەخته پتروس وه دەیشت، له حسار دانیشتوی. کەنیزێگ هاته لاێ و وەت: «تنیش وەگەرد عیساێ جەلیلی بید!»

نامه وە غەلاتییل 6:18

ئێ برایل، فیز خوداوەندمان عیسا مەسیح وەگەرد روح ئیوه بود! ئامین!

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

دویم قورنتییل 2:8

جا لاڵکمه پێدان تا مابەت خوەدان له سەر نو نیشانی بێین.