نامه وە غەلاتییل 5:22 - کتاب مقدس به زبان کردی جنوبی - گویش کلهوری

²² وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 5:22 Referans Kwoze

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 15:2

هەر پەلێگ له منا که بەر نارێ، ئەیو بڕیدێ و هەر پەلێگیش که بەر بارێ، ئەیو هەرەسێ کەێ تا فرەتر بەر بێی.

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

رومیەگان 7:4

هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

ئنجیل مەتا 12:33

«ئەگەر میوەێ خاس تواین، دارەگدان باێه خاس بود، چوینکه دار خراو میوەێ خراو دەێده دەس. دار له میوەگەێ بود بناسێ.

یەکم قورنتییل 13:13

جا ئێرنگه، ئی سێ چشته مینێدەو: ئیمان، ئمید و مابەت. وەلێ گەوراترەگەێان مابەته.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وە غەلاتییل 5:13

ئێ برایل، ئیوه ئەڕا ڕزگاری دەنگ کریاینه، وەلێ ڕزگاری خوەدان مەکەنه دەرفەتێگ ئەڕا ئاوەختیێل جەسه، بەڵکەم وه پێ مابەت، یەکترەکی خزمەت بکێن.

ئەفسوسیێل 4:23

باێه وەناو روح فکریلدان تازەوه بوین و

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

یەکم پتروس 1:8

ئیوه هەرچەن نێنەسێ، وەلێ دوسێ دێرین و هەرچەن ئێرنگه نيوینینێ وەلێ ئیمانه پێ دێرین و له خوەشیگ که نیود شێوێ کرد و پڕ له جەڵاڵه، نیقەڵتوزەو بینه و

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

رومیەگان 15:3

چوینکه مەسیح وەشون خوەشنودی خوەێ نوی، بەڵکەم هەر ئەوجورە که وەناو کتاو زەبور نویسریاس: «سەرزەنشتیل ئەوانه که سەرزەنشتد کردن ڕشیا ملما.»

یەکم پتروس 5:12

وه وەسلەێ سیلاس که ئەوه هەر جور براێ ئەمینێگ زانم، ئی چەن خەته کوڵ و کوڵبڕ ئەڕا ئیوه نویسامه تا هاندان بێەم و شاێەتی بێەم که هەر ئیەسه فیز ڕاسەکانی خودا. وەناو ئی فیزه قورس بوسن.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

لوقا 13:9

ئەگەر ساڵی تر میوه هاورد خو خاس؛ ئەگەر ناورد ئەو وەخته بوڕێ.“»

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

دویم تسالونیکییل 3:2

تا له چنگ ئایەمیل شەڕئاشو خراو دەربچیم، چوینکه گشتیەکی خو ئیمان نێرن.

رومیەگان 8:5

چوینکه ئەوانه که وه پێ جەسه زنەیی کەن، فکریلێان نەنه بان چشتیل جەسەێ، وەلێ ئەوانه که وه پێ روح خودا زنەیی کەن، فکریلێان نەنه بان چشتیلی که له روح خوداس.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

رومیەگان 15:30

ئێ برایل، وەبونەێ خوداوەندمان عیسا مەسیح و مابەت روح خودا، داوا له لێدان کەم که ئەڕا من وه دەرگاێ خوداوه دوعا بکێن و وەگەرد ئی کاره وەگەردمەو تەقالا بکەن