نامه وە غەلاتییل 5:1 - کتاب مقدس به زبان کردی جنوبی - گویش کلهوری

¹ ئەڕا ڕزگاری بی که مەسیح ڕزگارمان کردێه. جا قورس بوسن و خوەدان یەێ جارتر مەوەنه ژێر هویەێ خوڵامی.

نامه وە غەلاتییل 5:1 Referans Kwoze

دویم قورنتییل 3:17

خوداوەند، روحه و هەر کوره روح خوداوەند بود، وه ئەوره ڕزگاری هەس.

نامه وە غەلاتییل 5:13

ئێ برایل، ئیوه ئەڕا ڕزگاری دەنگ کریاینه، وەلێ ڕزگاری خوەدان مەکەنه دەرفەتێگ ئەڕا ئاوەختیێل جەسه، بەڵکەم وه پێ مابەت، یەکترەکی خزمەت بکێن.

یەکم پتروس 2:16

هەر جور ئایەمیل ڕزگار زنەیی بکەن، وەلێ ڕزگاری خوەدان مەکەنه سەرپوشێگ ئەڕا شەڕئاشویی، بەڵکەم هەر جور خوڵامیل خودا زنەیی بکەن.

رومیەگان 6:14

چوینکه گونا وه سەردان حوکمرانی نیەکێ، ئەڕا ئیه که له ژێر شەریعەت نین، بەڵکەم هاینه ژێر فیز.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

نامه وە غەلاتییل 4:9

وەلێ ئێرنگه که خودا ناسین، یا خاستر بویشم، خودا ئیوه ناسێد، ئێ چوی تویەنین یەێ جارتر هەڵوگەردینه وەرەو بیروڕایل سەرەتایی بی هاز ئی جهانه که هویچ نیەتیەرزی؟ ئێ یەێ جارتر تواین بوینه خوڵام ئیانه؟

عبرانییل 10:23

باین تا بی ئەوه که شک بکێم، قورس بلچکیێمنه ئمیدێگ که ئێقراره پێ کیم، چوینکه وادەدەرەگه ئەمینە.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

نامه وە غەلاتییل 4:31

جا ئێ برایل، ئیمه ڕوڵەیل کەنیز نیمن، بەڵکەم له ژن ڕزگاریمن.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.

دویم پتروس 2:19

وه ئەوانه وادەێ ڕزگاری دەن، وەحاڵێگەو خوێان خوڵام گە‎نیانن؛ چوینکه هەر چشتێ که وه مل ئایەم زاڵ بود، ئایەم بوده خوڵام هەر ئەو چشته.

یەکم قورنتییل 16:13

هوشدان بود؛ وەناو ئیمان قورس بمینێن؛ پیاوەتێدار و وەهێز بون.

رومیەگان 7:6

وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 6:18

ئیوه وەگەرد ڕزگار بوین له گونا، بینەسه خوڵامیل سالح بوین.

کاریل ڕەسولەیل 15:10

جا ئیسه ئەڕا چه خودا ئەزمون کين و هویەێگ خینه مل شاگردیل که نه باپیریلمان و نه خوەمان تویەنسیم هەڵێ بگریمن؟

یەکم قورنتییل 7:22

چوینکه ئەوه که خوڵام بوی وەختێ خوداوەند دەنگێ کردێه، بوده ڕزگار کریاێ خوداوەند؛ هەر ئیجوره ئەوه که ڕزگار بی و دەنگ کریاس بیەسه خوڵام مەسیح.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

ئەفسوسیێل 6:14

جا بوسنه پاوه، هەر ئەوجورە که قەێوەن ڕاسی بەساینه ناوقەیدان و زرەپوش سالح بوین کردینەسه وەردان و

وەحی وه یوحەنا 2:25

تەنیا ئەو چشته که دێرین قورس بگرن تا وەختێگ مه بام.

عبرانییل 4:14

جا چوینکه کاهن گەوراێ پایەبەرزێگ دێریم که له ئاسمانیل گوزیشتێه، یانێ عیسا کوڕ خودا، باین تاگه ئێقرارەگەێ خوەمان قورس بپارێزنیم.

عبرانییل 3:14

ئەڕا ئیه که ئیمه وەناو مەسیح بەشدارەو بویمنه، ئەگەر وه ڕاسی ئەو دڵنیاییه که له سەرەتایی داشتیم تا وه ئاخر قورس بپارێزنیم.

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

دویم تسالونیکییل 2:15

جا، ئێ برایل، بەردەوام بوین و قورس بلچکێینه نەریتیلێگ که چ وه قسیەیلمان و چ وه نامەمان له لێمان یاێ گردین.

یەکم تسالونیکییل 3:8

چوینکه ئێرنگه ئەگەر ئیوه وەناو خوداوەند بەردەوام بمینێن ئەو وەختەسه که ئیمه زنەیی کەیمن.

نامه وە غەلاتییل 4:26

وەلێ ئورشەلیم بان ڕزگاره، که داڵگ گشتمانه.

نامه وە غەلاتییل 3:25

وەلێ ئێرنگه که ئیمان هاتێه، دی وه ژێر دەس یەێ دایه نیمن.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

ئنجیل مەتا 23:4

باریل قورس و گران هەڵپیچنن و خەنه سەر شان مەردم، باریلێگ که کیشاینێ سەخته، وەلێ خوێان نیەتوان تەنانەت کلکێگ ئەڕا وه ڕێ خستنی تەکان بێەن.

رومیەگان 7:3

جا ئەگەر ژن، وەختێ که شویەگەێ زنیه، وەگەرد پیاێگ تر زنەیی بکێ، وه داوانپێس ناوێ بەن. وەلێ ئەگەر شویەگەێ بمرێ، له ئەو شەریعەته ڕزگاره و ئەگەر شوی بکەێه پیاێگ تر، داوانپێس نیه.

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

لوقا 5:38

شراو نو باێه بکێدێ ناو مەشکەیل نو.