نامه وە غەلاتییل 4:9 - کتاب مقدس به زبان کردی جنوبی - گویش کلهوری

⁹ وەلێ ئێرنگه که خودا ناسین، یا خاستر بویشم، خودا ئیوه ناسێد، ئێ چوی تویەنین یەێ جارتر هەڵوگەردینه وەرەو بیروڕایل سەرەتایی بی هاز ئی جهانه که هویچ نیەتیەرزی؟ ئێ یەێ جارتر تواین بوینه خوڵام ئیانه؟

نامه وە غەلاتییل 4:9 Referans Kwoze

یەکم قورنتییل 8:3

وەلێ ئەوه که خودا دوس دێرێ، له لاێ خودا ناسیاس.

نامه وە غەلاتییل 3:3

ئێ یانێ ئەو‎قره گیلگەوجین؟ وەگەرد روح خودا شرو کردین و ئێرنگه تواین وەگەرد جەسەوه کامڵەو بوین؟

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

دویم پتروس 2:20

چوینکه ئەوانه که وەگەرد ناسین خوداوەند و نجات دەر ئیمه عیسا مەسیح، له ناپاکییل جهان دەرچینه، ئەگەر وه دواره تویش ئەو چشتیله با‎ن و ئەوانه وه سەر ئی ئایەمیله زاڵ بون، ئاخرێان خراوتر له سەرەتاێانه.

عبرانییل 7:18

ئەڕا ئیه که له یەێ لا حوکم جاران نریاده لا، ئەڕا ئیه که بی هاز و وه دەرد نەخوەر بی،

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

یەکم قورنتییل 13:12

ئەو چشته که ئێرنگه دوینیم هەر جور وێنەێ نادیاریگه وەناو جامەک؛ وەلێ دەورانێ رەسد که ڕوی وه ڕوی دوینیمن. ئێرنگه قرتکیگ زانم؛ وەلێ دەورانێ رەسێ که وه تەمامی زانم، جوری که وه تەمامیش ناسیامه.

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 10:27

پەسەگانم دەنگم شنەفن و منیش ناسمێان و وەشونمەو تیەن.

یوحەنا 10:14

مه شوان خاسەگەم. مه پەسەگان خوەم ناسم و پەسەگانمیش مه ناسن،

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

نامه وە غەلاتییل 4:3

ئیمەیش هەر و ئیجوره: تا وەختێ که ورد بیمن، خوڵام بیروڕایل سەرەتایی ئی جهانه بیمن.

لوقا 5:38

شراو نو باێه بکێدێ ناو مەشکەیل نو.