نامه وە غەلاتییل 4:5 - کتاب مقدس به زبان کردی جنوبی - گویش کلهوری

⁵ تا ڕزگاری ئەوانەێ که له ژێر شەریعەت بین بسنێدەو، تا ئیمه جیگەێ زڕکوڕی وه دەس باریم.

نامه وە غەلاتییل 4:5 Referans Kwoze

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

ئەفسوسیێل 1:5

وه پێ ئامانج خاست خوەێ، له جارانەو دیاریمان کرد تا له ڕێ عیسا مەسیح، بویمنه زڕکوڕیلی؛

ئەفسوسیێل 1:7

وەناو مەسیح، ئیمه وه وەسلەێ خوین ئەیو ڕزگاری پەێا کردیمنه، که ئیه هەر ئەو بەخشیان خەتایلمانەسه، که وه پێ دەوڵەمەنی فیز خوەێ،

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

عبرانییل 9:12

ئەیو یەێ جار ئەڕا هەمویشه چیەسه ناو موقەدەسترین شون، نه وەگەرد خوین بزنیل و گوریل، بەڵکەم وه خوین خوەێ، ویجوره ڕزگاری ئەبەدی وه دی هاورد.

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

رومیەگان 8:23

جا نه تەنیا درسکریایل خودا، بەڵکەم خوەمانیش که نەوبەر روح خودا دێریم، له ناخمانەو ئاخ هەڵکیشیم، هەر ئەو جوره که وه تاسەوه چەوەڕێ زڕکوڕی، یانێ ڕزگاری جەسەیلمانیم.

نامه وە غەلاتییل 4:7

وه ئیجوره دی خوڵام نید، بەڵکەم کوڕی؛ ئەگەر کوڕی، جا خودا تو کردێەسه میراتیخوەر.

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

رومیەگان 9:4

ئەوانه ئێسرائیلین و وه ڕوڵه قەبوڵ بین هن ئەوانەسه، جەڵاڵ و پەێمانیل هن ئەوانەسه، شەریعەت دریاسه ئەوانه، پەرەسش و وادەیل هن ئەوانەسه؛

یوحەنا 1:12

وەلێ وه گشت کەسیلێ که قەبوڵێ کردن یانێ وه هەر کەسێگ که وه ناو ئەیو ئیمان هاورد ئی حەقه داس که بونه ڕوڵەیل خودا؛

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

نامه وە غەلاتییل 4:21

ئیوه که تواین له ژێر شەریعەتا بوین، وەپێم بویشن، ئێ گوش نیەتەکنین وه ئەو چشته که شەریعەت ئویشێ؟

لوقا 1:68

«پڕ بمارکه خوداوەند، خوداێ ئێسرائیل، چوینکه هاتیەسه مەیەت قەوم خوەێ و ڕزگاریان کردێه.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

وەحی وه یوحەنا 14:3

جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.

رومیەگان 8:14

چوینکه گشت ئەوانه که له ڕێ روح خودا ڕێنمای بون، کوڕيل خودان.

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

رومیەگان 10:4

چوینکه مەسیح بن شەریعەته تا هەر کەس ئیمان بارێ، سالحان وه حساو باێ.