نامه وە غەلاتییل 4:19 - کتاب مقدس به زبان کردی جنوبی - گویش کلهوری

¹⁹ ڕوڵەیلم، ئەڕادان وەدواره ژان زایێن کیشم تا وەختێ مەسیح وەناودان وێنه بگرێ،

نامه وە غەلاتییل 4:19 Referans Kwoze

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

ئەفسوسیێل 4:13

تا وەختێ که گشتمان وه یەکەو بوین ئیمان دەس پەێا بکێمن و هەر ئیجوره وه یەکەو بوین ناسین کوڕ خودا، تا چەنه ئایەمێگ کامڵ گەورا بویمن، تا چەنه پڕی باڵای مەسیح گەورا بویمن.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

ئەفسوسیێل 4:24

ئایەم تازه بکەنه وەردان که وه سالح بوین ڕاسەکانی و قودوسیەت، وێنەێ خودا درس کریاس.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

نامەێ فیلیپییل 2:5

وەناودان هەر ئەو فکره بود که مەسیح عیسا داشت:

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

نامه وه فیلیمون 1:10

له باوەت ڕوڵەم ئونسیموس که وەناو زندان ئەڕاێ بیمەسه باوگ، داواکاریگ له لێد دێرم.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 2:1

جا توام بزانین که وه بونەێ ئیوه و کەسیلێ که هانه ناو شار لائودیکیه و ئەڕا گشت ئەوانه که ڕوی مه نێنه، چەنێ سەخت تەقالا کەم،

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

نامەێ فیلیپییل 1:8

خودا شاێەتمه که چەنێ وه مابەت مەسیح عیسا، تاسەێ گشتدان دێرم.

یەکم یوحەنا 5:21

ئێ ڕوڵەیل ورد، خوەدان له بتەگان بپارێزنن.

یەکم یوحەنا 2:12

ئێ ڕوڵەیل ورد، ئەڕا ئیوه نویسم، چوینکه وەبونەێ ناو ئەیو گونایلدان بەخشریاس.

یەکم یوحەنا 2:1

ئێ ڕوڵەیل وردم، ئی چشتیله ئەڕادان نویسم تا گونا نەکێن. وەلێ ئەگەر کەسێگ گونا کرد، وه لاێ باوگ ئاسمانی وەکیلێگ دێریم، یانێ عیساێ مەسیح سالحان.

عبرانییل 5:7

عیسا له ڕوژیل زنەیی خوەێ وه بان زەوی، وەگەرد هاواریل بەرز و ئەسریل وه دەرگاێ خودا که تویەناێ نجات داینێ له مردن داشت، دوعا کرد و لاڵکیاد و وەبونەێ گوش تەکانن تەمامی، دوعاگەی قەبوڵ کریا.

تیتوس 1:4

وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.

نامه وه فیلیمون 1:19

مه، پولوس، وه دەس خوەم نویسم که تاوانێ دەم، هەڵبەت هەوەجیگ نێری که بویشم تەنانەت گیان خوەدیش و مه قەردداری.

یەکم نامەێ تیموتاوس 1:2

وه تیموتاوس، ڕوڵەێ ڕاسەکانیم وەناو ئیمان: فیز و رامەت و ئاشتی و سڵامەتی وه لاێ خوداێ باوگ و خوداوەندمان مەسیح عیسا وه ملدەو بود.

لوقا 22:44

جا چوینکه وەناو رەنج فرەێگ بی، وه کوڵ دڵ دوعا کرد و عەرەقێ جور تکەیل خوین چکیاده زەوی.

دویم قورنتییل 12:14

ئێرنگه ئەڕا سێیەم جار گورجم بام ئەڕا لادان، نیومه بار گرانێگ وه سەر کوڵدان. چوینکه نیمه شون داراێیدان، بەڵکەم هامه شون خوەدانەو. ئەڕا ئیه که مناڵیل نین که باێه ئەڕا داڵگ و باوگ خوێان گردەو بکەن، بەڵکەم داڵگ و باوگن که ئەڕا مناڵیل خوێان گردەو کەن.

یەکم تسالونیکییل 2:7

وەلێ هەر جور داڵگێگ که هێوەت مناڵیلی کەی، وەگەرددانەو‎ وه نەرمی رێ رەوشت کردیمنه.

سێیەم یوحەنا 1:4

هویچ چشتێ فرەتر وه ئیه خوەشاڵم نیەکێ که بشنەفم مناڵیلم وەناو ڕاسی زنەیی کەن.