نامه وە غەلاتییل 4:17 - کتاب مقدس به زبان کردی جنوبی - گویش کلهوری

¹⁷ ئەو ئایەمیله ئەڕا ئیوه غیرەت دێرن، وەلێ نه وه نیەت خاس. ئەوانه توان ئیوه له ئیمه جیاوه بکەن تا ئەڕاێان غیرەت بیاشتوین.

نامه وە غەلاتییل 4:17 Referans Kwoze

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

یەکم قورنتییل 4:8

ئێرنگه ئیوه وه هەر چی تواسینه، ڕەسینه! ئێرنگه دەوڵەمەنەو بینه! بی ئیمه بینەسه پادشا! خوەزگه وە ڕاسی پادشایی بکردیاين تا ئیمه وەناو ئی پادشاییه وەگەرددان بەشدارەو بویایمن!

رومیەگان 10:2

چوینکه شاێەتی ئەڕاێان دەم که ئەڕا خودا غیرەت دێرن، وەلێ ئی غیرەته له ڕوی ماریفەت نیه.

ئنجیل مەتا 23:15

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەریا و وشکی گەردین تا یەکی بکێنه شاگرد خوەدان، وەختێ بیه شاگرددان، ئەوسا دو ئەوقره بەتر وه خوەدان سزاوار جەهەنمی کین.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

نامەێ فیلیپییل 2:21

ئەڕا ئیه که ئەوانه گشتێان هانه شون نەف خوێان، نه نەف عیسا مەسیح.

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

یەکم قورنتییل 11:2

ئێرنگه تاریفه لێدان کەم ئەڕا ئیه که وەناو گشت چشتێگ مه تیەرێنه هویر و نەریتیل، هەر ئەوجورە که وەپێدان سپاردم، پارێزنێن.

یەکم قورنتییل 4:18

بڕێگ لویتبەرزەو بوینه، وه ئی گومانه که مه دی نیەتیمه ئەڕا لادان.

نامه وە غەلاتییل 4:16

ئێ ئێرنگه چوینکه ڕاسەگەی وەپێدان ئویشم، بیمەسه دشمەندان؟

نامه وە غەلاتییل 4:18

غیرەت داشتن خاسه، وه ئەو مەرجه که وه نیەت خاسێگ بود و هەمویشه بود نه تەنیا وەختێ که هامه گەرددانەو.