نامه وە غەلاتییل 3:21 - کتاب مقدس به زبان کردی جنوبی - گویش کلهوری

²¹ جا ئێ شەریعەت ها له ڕوی وه ڕوی وادەیل خودا؟ هەراێهەر! چوینکه ئەگەر شەریعەتێگ دریاوی که بتوانستیا زنەیی بوەخشێ، ئمجا وەڕاسی سالح بوین له ڕێ شەریعەتەو هاتیاده دی.

نامه وە غەلاتییل 3:21 Referans Kwoze

نامه وە غەلاتییل 2:21

فیز خودا وه هویچ حساو نیەکەم، چوینکه ئەگەر سالح بوین له ڕێ شەریعەتەو وه دەس باتیاد، ئێ دی مەسیح وه هویچ پەتی مرد.

رومیەگان 9:31

وەلێ قەوم ئێسرائیل که کەفتوینه شون شەریعەتێگ که ئەوانه وەرەو سالح بوین بید، ئەو شەریعەته وه دەس ناوردن.

نامه وە غەلاتییل 2:19

چوینکه مه له ڕێ شەریعەت، وەپاوداین وه شەریعەت مردم تا ئەڕا خودا زنەیی بکەم.

نامه وە غەلاتییل 2:17

وەلێ ئەگەر هەر ئەوجورە که وەشون سالحان وه حساو هاتن وه وەسلەێ مەسیحیم، مالوم بود که ئیمیش گوناکاریم، ئی ئیه وه ئەو ماناسه که مەسیح خزمەتکار گوناس؟ هەڵبەت نەخیر!

رومیەگان 3:31

جا ئێ ئیمه شەریعەت وەگەرد ئی ئیمانه خاپور کیم؟ هەراێهەر! وەچەواشه ئیمه شەریعەت بەردەوامەو کیم.

رومیەگان 3:4

بێ گومان نه! تەنانەت ئەگەر گشت ئایەمیلیش دروزن بون، خودا ڕاس ئویشێد! هەر ئەوجورە که وەناو کتاو زەبور نویسریاس: «تا توی وەناو کەڵام خوەد وه حەق بوید و وەختێ داوەری کریەید، بێدەو.»

رومیەگان 3:6

بێ گومان نه. ئەگەر نه خودا چوی تویەنسیا ئی جهانه داوەری بکێ؟

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

لوقا 20:16

ئەوه تێد و باخەوانەگان نابود کەی، باخەگەیش سپارێده کەسیلێ تر.» وەختێ ئیه شنەفتن، وەتن: «خودا نەکێ!»

دویم قورنتییل 3:7

ئێرنگه، ئەگەر خزمەتێگ که بویاده بایس مردن و وه کەلیمەیل هەڵکەنریاێ وه سەر کوچگ بەردەوامه، وه جەڵاڵەو ئاشکرا بوی، وه لەونی که قەوم ئێسرائیل وەبونەێ جەڵاڵ دەمچەو موسای پەێخەمەر نیەتویەنسیان بنوڕنه پێەو، هەر چەن ئەو جەڵاڵه وەرەو نابودی چیاد،

نامه وە غەلاتییل 6:14

وەلێ دویر له گیانم که مه وه چشتێ شانازی بکەم بێجگه وه سەلیب خوداوەندمان عیسا مەسیح، که وه وەسلەێ ئەوه، جهان ئەڕا مه وه سەلیب کیشریا و مه ئەڕاێ جهان.

عبرانییل 7:18

ئەڕا ئیه که له یەێ لا حوکم جاران نریاده لا، ئەڕا ئیه که بی هاز و وه دەرد نەخوەر بی،

عبرانییل 7:19

چوینکه شەریعەت هویچ چشتێگ کامڵەو نەکرد؛ وەلێ له یەێ لاتریش ئمید خاسترێگ دریاده پێمان که له ڕێ ئەوه وه خودا نزیکەو بویمن.