نامه وە غەلاتییل 3:2 - کتاب مقدس به زبان کردی جنوبی - گویش کلهوری

² بیلێن تەنیا ئیه لەلێدان بپرسم: ئێ وەگەرد وەجێ هاوردن کردەوەێ شەریعەته که روح خودا وه دەس هاوردین یا وه ئیمان وه ئەو چشته که شنەفتین؟

نامه وە غەلاتییل 3:2 Referans Kwoze

نامه وە غەلاتییل 3:14

ئەیو ئیجوره کرد تا بەەرکەت ئێبراهیم وەناو مەسیح عیسا نسیو ناجویلەکەیل بود، تا روح خودا که وه ئیمه وادەێ دریاوی، له ڕێ ئیمان بێرێیده پێمان.

کاریل ڕەسولەیل 15:8

خوداێگ که زانی چه ها ناو دڵ گشتیەکی، شاێەتی ئەڕاێان دا و روح‌القودوس بەخشیه پێان، هەر ئەوجورەکە وه ئیمەیش بەخشی.

نامه وە غەلاتییل 3:5

ئێ خوداێ که روح قودوسێ بەخشێده پێدان و موجزەیل وەناودان کەی، ئی کاریله وەبونەێ ئیه‎ کەی که کردەوەێ شەریعەت وه جێ تیەرێن، یا وەبونەێ ئیه که ئیمان وه ئەو چشته هاوردین که شنەفتین؟

عبرانییل 2:4

وه حاڵێگەو خودایش وه ئەوه شاێەتی دا، وەگەرد نیشانەیل و چشتیل ئەڵاجوی و موجزەیل جورواجور و خەڵاتییل روح‌القودوس، که ئەوانه وه پێ خاست خوەێ بەشەو کردیاد.

کاریل ڕەسولەیل 8:15

وەختێ ئەو دوانه هاتنه سامره، ئەڕا ئیمانداریل وه مەسیح دوعا کردن تا روح‌القودوس بگرنەوەر،

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

عبرانییل 6:4

چوینکه ئەوانەێ که یەێ جار وه نویر خودایی نویرانیەو بینه و تام ئەو خەڵاتی ئاسمانیه کردنه و وەناو روح‌القودوس بەشدارەو بینه

رومیەگان 1:17

چوینکه وەناو ئینجیل، ئەو سالح بوینه که له خوداس ئاشکراوه بود، که له سەرەتا تا وه ئاخر ها مل ئیمان. هەر ئەوجورە که وەناو کتاو حەبەقوق پەێخەمەر نویسریاس: «سالحان وه ئیمان زنەیی کەی.»

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

دویم قورنتییل 11:4

چوینکه ئەگەر کەسێگ باێ ئەڕا لادان و عیساێ تر بێجگه ئەوه که ئیمه بانگەوازی کردیمنه پێدان، بانگەوازی بکێ، یا ئەگەر روحێگ جیا له ئەو روحه که گردینەسەوەر یا ئینجیلێگ تر له ئەو ئینجیله که شنەفتینه بویشێده پێدان، وه ئاسانی تاموڵی کین.

یەکم قورنتییل 9:21

له لاێ ناجویلەکەیل که شەریعەت موسای پەێخەمەر نێرن بیمەسه جور ئەوانه، هەر چەن جیا له شەریعەت خودا نویم، بەڵکەم هامه ژێر شەریعەت مەسیح، تا بتوانم ئەوانه که وه ژێر شەریعەت نین وه ئیمان بارم.

نامه وە غەلاتییل 3:3

ئێ یانێ ئەو‎قره گیلگەوجین؟ وەگەرد روح خودا شرو کردین و ئێرنگه تواین وەگەرد جەسەوه کامڵەو بوین؟

عبرانییل 4:2

چوینکه وه ئیمەیش هەر جور ئەوانه مزگانی دریاد. وەلێ پێخامێگ که شنەفتن، نەفیگ ئەڕاێان نیاشت، چوینکه وەگە‎رد ئەوانه که گوش کردن وه وەسلەێ ئیمان یەکی نوین.