نامه وە غەلاتییل 3:1 - کتاب مقدس به زبان کردی جنوبی - گویش کلهوری

¹ ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

نامه وە غەلاتییل 3:1 Referans Kwoze

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

وەحی وه یوحەنا 2:20

وەلێ ئی هەڵه وه توی دێرم که پاپێ ئەو ژن ئیزابل ناوه نێید که خوەێ وه پەێخەمەرێگ زانید. هەر ئەوه که وەگەرد تالیم خوەێ خوڵامیل مه گول دەێد تا دەس وه خیزی بێەن و له خواردەمەنی پیشکەشی وه بتیل بوخوەن.

نامه وە غەلاتییل 1:6

تاجو کەم چوی ئیوه وه ئی زویه له ئەو کەسه که ئیوه دەنگ کردێەسه ناو فیز مەسیح، هەڵوگەردیاین و وەرەو ئینجیلێگ تر چین.

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

عبرانییل 11:8

وه ئیمان بی که ئێبراهیم پەێخەمەر وەختێ دەنگ کریا، تا بچوده ئەڕا شونێگ که وەشونێ وه میراتی گردیاد، گوش تەکان؛ هەرچەن نیەزانست چوده ئەڕا چ شونێگ وەلێ کەفته ڕێ.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

نامه وە غەلاتییل 4:9

وەلێ ئێرنگه که خودا ناسین، یا خاستر بویشم، خودا ئیوه ناسێد، ئێ چوی تویەنین یەێ جارتر هەڵوگەردینه وەرەو بیروڕایل سەرەتایی بی هاز ئی جهانه که هویچ نیەتیەرزی؟ ئێ یەێ جارتر تواین بوینه خوڵام ئیانه؟

نامه وە غەلاتییل 3:3

ئێ یانێ ئەو‎قره گیلگەوجین؟ وەگەرد روح خودا شرو کردین و ئێرنگه تواین وەگەرد جەسەوه کامڵەو بوین؟

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

ئەفسوسیێل 5:15

جا، فره هوشدان بود که چوی زنەیی کین، نه جور نەزانیل بەڵکەم جور زانایل.

یەکم نامەێ تیموتاوس 6:4

مەس لویتبەرزی بیه و هویچ نیەفامێ. ئیجوره کەسێگ خودپەسەن و نەفامه و خوەشی تێ له سەر کلیمەیل دەمقاڵ و باس و مرافه بکێد، که له لێ حەسویی و دەسەبەنی و دشمین داین و بەێ گومانی هەڵسێده پا

نامه وە غەلاتییل 2:14

وەلێ وەختێ دیم کردەوەێان وه پێ ڕێەگەێ ڕاسەکانی ئینجیل نیه، له نوای گشتێان وه کیفا وەتم: «ئەگەر تو هەرچەن که جویلەکەێ وەلێ جور ناجویلەکەیل زنەیی کەی نه جور جویلەکەیل، چوی تویەنێ ناجویلەکەیل وادار بکێ تا جور جویلەکەیل زنەیی بکەن؟»

یەکم قورنتییل 11:26

ئەڕا ئیه که هەر وەخت ئی نانه بخوەین و ئی جامه بنوشین، مردن خوداوەند جار دین تا وەختێگ که باێدەو.

یەکم قورنتییل 2:2

چوینکه پشت ئەڕاێ بەساویم وەناودان چشتێگ نەزانم بێجگه عیسا مەسیح ئەویش وه سەلیب کیشریاێ.

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

کاریل ڕەسولەیل 6:7

جا کەڵام خودا پەخشەو بویاد و ژمارەێ شاگردەگان له شار ئورشەلیم فره فرەوه بی و جەم فرەێگ له کاهنيلیش ئیمان هاوردن.

وەحی وه یوحەنا 18:3

چوینکه گشت ملەتیل له شراو هەواوهەوەس خیزی ئەوه خواردنه و پادشایل زەوی وەگەردیەو خیزی کردنه و بازرگانیل زەوی له هێز زنەیی رەنگینێ دەوڵەمەنەو بینه.»

دویم تسالونیکییل 1:8

ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

دویم قورنتییل 10:5

ئیمه هەر باسێگ و هەر گومان قوڕات قویگ که وەنواێ ماریفەت خودا وسێد له بین بیمن و هەر فکرێگ ئەڕا گوش تەکانن له مەسیح وه بەن کیشیم و

رومیەگان 10:16

وەلێ ئەوانه گشتێان گوش له ئینجیل نەتەکاننه، چوینکه ئەشعەیاێ ئویشێ: «چ کەسێگ ئێ خوداوەند ئی چشته که له ئیمه شنەفتێه، باوەڕ کردێه؟»

لوقا 24:25

ئمجا وەپێان وەت: «ئێ نەفامیل که دڵ دێرفام ئەڕا باوەڕ کردن قسیەیل پەێخەمەریل دێرین!

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 7:26

هەر کەیش ئی قسیەیلمه بشنەفێد و وه جا نارێ، مینێده پیاێ نە‎زانێگ که ماڵەگەێ وەبان شن درس کرد.

کاریل ڕەسولەیل 16:6

وەختێ پولوس و هاوڕێەگانی له ناوچەێل فریجیه و غەلاتیه گوزیشتیان، روح‌القودوس ئەڕا رەسانن پێخام خودا وه ناوچەێ ئاسیا نوایان گرد.

نامه وە غەلاتییل 1:2

هەر ئیجوره له لاێ گشت براگانێ که هانەگەرد منەو، وه کلیسایل مەنتەقەێ غەلاتیه:

نامه وە غەلاتییل 5:11

ئێ برایل، ئەگەر هێمراێ من خەتەنه بانگەوازی کەم، ئێ دیتر ئەڕا هێمراێ عەزاو دوینم؟ ئەگەر ئەوجورە بویاد دیتر بانگەوازی سەلیب بایس نویاتیاد کەسێگ بڕەنجێد.