نامه وە غەلاتییل 2:9 - کتاب مقدس به زبان کردی جنوبی - گویش کلهوری

⁹ جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.

نامه وە غەلاتییل 2:9 Referans Kwoze

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

وەحی وه یوحەنا 3:12

هەر کەسێگ بوێدەو، ئەوه کەمه کوڵەکەیگ له ناو مابەد خوداێ خوەم. ئەوه هەراێهەر ئەوره نێلیده جێ. وه ملێەو ناو خوداێ خوەم و ناو شار خوداێ خوەم، یانێ ئورشەلیم تازه که له لاێ خودا خوەم له ئاسمان تێدە خوار، نویسم و ناو تازه خوەم نویسم.

نامه وە غەلاتییل 2:2

مه وەبونەێ وەحیێگ که گردوێم، چیم و ئەو ئینجیله که وەناو ناجویلەکەیل جار دەم، وەتمه پێان تا دڵنیا بوم که وه هویچ پەتی نەدەویام یا نەدەویمه هەر چەن که ئيه وه تەنیایی، وەتمه ئەوانه که چماێ ئایەمیل بەناوبانگێگ بین.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

یەکم یوحەنا 1:3

هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

یەکم نامەێ تیموتاوس 3:15

تا ئەگەر ماتەڵی پیش هات، بزانێ که له ناو ماڵ خودا که کلیساێ خوداێ زنیه و کوڵەکه‎ و بنیان ڕاسیه، رێ رەوشتمان باێه چوی بود.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

ئەفسوسیێل 2:20

ئیوه له سەر بنەواێگ نریاینەسه پاوه که ڕەسولەیل و نەبوەتکەریل داێنانه، که مەسیح عیسا خوەێ گرنگترین کوچگ ئەو بەناسه.

دویم قورنتییل 8:4

فره پاملمان بین و لاڵکینه پێمان که وەناو ئی خزمەته وه ئیمانداریل وه مەسیح بەشدارەو بون.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

رومیەگان 15:15

وەلێ له باوەت چشتیلێگ، وه ئازای فرەێگەو ئەڕادان نویسامه، تا ئەوانه بخەمه هویردان، وه بونەێ ئەو فیزه که خودا بەخشا پێم

کاریل ڕەسولەیل 15:13

وەختێ قسیەيلیان تەمام بی، یاقوب وەت: «ئێ برایل، گوش بێەنه مه!

کاریل ڕەسولەیل 15:7

وەشون ئیه که باس فرەێگ کردن، دەس ئاخر پتروس هەڵساد و وەپێان وەت: «ئێ برایل، ئیوه زانین که ماوەێگ پێش، خودا مه وەناودان هەڵوژارد تا ناجویلەکەیل له زوان من پێخام ئینجیل بشنەفن و ئیمان بارن.

کاریل ڕەسولەیل 4:36

یوسفیش که له هوز لاوی له مەردم قپرس بی و ڕەسولەیل وەتیانه پێ بەرنابا که وه ماناێ ’کوڕ هاندەر‘ بی،

ئنجیل مەتا 16:18

منیش وەپێد ئویشم که تو پتروسی که وه ماناێ تاش کەمەره، وه مل ئی تاش کەمەره، کلیساێ خوەم درس کەم. دەروازەیل جهان مردگیل وه ملێ زاڵ نیەون.

لوقا 22:8

عیسا، پتروس و یوحەنا کل کرد، وەت: «بچن نان ئێواره پسەخ ئەڕامان گورجەو بکەن تا بخوەیمن.»

یوحەنا 1:42

ئاندریاس براگەێ خوەێ برده ئەڕا لاێ عیسا. عیسا تماشاێ کرد و وەت: «تو شەمعون کوڕ یوحەناێ، وەپێد ئویشن ’کیفا‘.» وه کیفا له زوان یونانی ئویشن پتروس که وه ماناێ تاش کەمەره.

کاریل ڕەسولەیل 12:17

پتروس وه دەس ئێشاره کرد، بی دەنگ بون، جا ئەڕاێان وەت که چوی خوداوەند له زندان دەرێ هاوردێه. ئمجا وەت: «یاقوب و برایل تر وه ئی کاره ئاگادار بکەن.» ئمجا چیه ئەڕا شونێگ تر.

دویم قورنتییل 11:5

وەلێ گومان نیەکەم مه له ئەوانه که خوێان وه ’گەورا ڕەسولەیل‘ خوەنن چشتێگ کەمتر بیاشتوم.

دویم قورنتییل 12:11

گیلگەوج بیمه! ئیوه ناچارم کردین. باێه تاریفم بکردیاین، ئەڕا ئیه که هەر چەن مه هویچم، وەلێ له ئەوانه که خوێان وه ’گەورا ڕەسولەیل‘ خوەنن چشتێ کەم نێرم.

نامه وە غەلاتییل 1:16

خوەشنود بی که کوڕەگەێ خوەێ وه مه ئاشکرا بکێ تا ئەیو له ناو ناجویلەکەیل بانگەوازی بکەم، له ئەو وەخته مه وەگە‎رد کەسێگ هاوفکری نەکردم و

نامه وە غەلاتییل 1:18

ئمجا وەشون سێ ساڵ، چیمه ئەڕا ئورشەلیم تا کیفا بوینم و پانزه ڕوژ له لاێ مەنم.

نامه وە غەلاتییل 2:1

جا وەشون چوارده ساڵ، وەگەرد بەرنابا یەێ جارتر چیمه ئەڕا شار ئورشەلیم و تیتوسیش وەگەرد خوەمەو بردم.

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.