نامه وە غەلاتییل 2:8 - کتاب مقدس به زبان کردی جنوبی - گویش کلهوری

⁸ چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

نامه وە غەلاتییل 2:8 Referans Kwoze

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 21:19

پولوس وەشون حاڵ حەواڵ کردن، ئەڕاێان وەت که خودا له ڕێ خزمەت ئەوه چ کاریل فرەێگ وەناو ناجویلەکەیل کردێه.

کاریل ڕەسولەیل 15:12

ئمجا گشت جەماێەتەگه بیدەنگ بین و گوش دانه بەرنابا و پولوس که وەتیان خودا وه دەس ئەوانه وەناو ناجویلەکەیل چ نیشانەیل و موجزەیلێ ئاشکرا کردوی.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 9:2

ئەگەر ئەڕا ئەو باقی مەردم ڕەسول نیم، بێ گومان ئەڕا ئیوه هەم؛ چوینکه ئیوه ئەو مورینه که نیشان دەێ من وەناو خوداوەند ڕەسولم.

کاریل ڕەسولەیل 8:17

جا پتروس و یوحەنا دەس نانه سەریان و روح‌القودوس گردنەوەر.

کاریل ڕەسولەیل 4:4

وەلێ قێر فرەێگ لەلێان که پێخامەگه شنەفتوین، ئیمان هاوردن و ژمارەێ پیاگان ڕەسیه نزیک پەنج هەزار نەفەر.

کاریل ڕەسولەیل 1:25

تا ئەو خزمەت و ڕسالەته بگرێده مل، خزمەتی که یەهودا ڕوی له لێ هەڵوگەردان، تا بچوده سەر شونێ که باێه بچیاد.»

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

نامه وە غەلاتییل 3:5

ئێ خوداێ که روح قودوسێ بەخشێده پێدان و موجزەیل وەناودان کەی، ئی کاریله وەبونەێ ئیه‎ کەی که کردەوەێ شەریعەت وه جێ تیەرێن، یا وەبونەێ ئیه که ئیمان وه ئەو چشته هاوردین که شنەفتین؟

کاریل ڕەسولەیل 19:26

ئەوجورە که دوینین و شنەفین، ئی پولوسه نه تەنیا وەناو ئەفسوس، بەڵکەم هەڵاێه وه سەرئانسەر ئاسیا، فرەێگ له مەردم قانێ کردێه و له ڕێ دەریان کردێه. ئەوه ئویشێ خودایل درس کریاێ وه دەس بەشەر، خودا نین.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.