نامه وە غەلاتییل 2:4 - کتاب مقدس به زبان کردی جنوبی - گویش کلهوری

⁴ ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

نامه وە غەلاتییل 2:4 Referans Kwoze

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

نامه وە غەلاتییل 5:1

ئەڕا ڕزگاری بی که مەسیح ڕزگارمان کردێه. جا قورس بوسن و خوەدان یەێ جارتر مەوەنه ژێر هویەێ خوڵامی.

نامه وە غەلاتییل 4:3

ئیمەیش هەر و ئیجوره: تا وەختێ که ورد بیمن، خوڵام بیروڕایل سەرەتایی ئی جهانه بیمن.

دویم قورنتییل 11:26

هەمویشه وەناو گەردیان بیم و له هەر لاێگەو تویش خەتەر هاتیام: خەتەر گوزیشتن له چەمیل، خەتەر ڕێگریل؛ خەتەر له لاێ قەومەگەم، خەتەر له لاێ ناجویلەکەیل؛ خەتەر وەناو شار، خەتەر وەناو بیاوان، خەتەر وەناو دەریا؛ خەتەر له لاێ برایل دروەکانی.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

دویم پتروس 2:19

وه ئەوانه وادەێ ڕزگاری دەن، وەحاڵێگەو خوێان خوڵام گە‎نیانن؛ چوینکه هەر چشتێ که وه مل ئایەم زاڵ بود، ئایەم بوده خوڵام هەر ئەو چشته.

دویم تیموتاوس 3:6

ئیانه کەسیلێگن که ڕێ پەێا کردنەسه ناو ماڵ مەردم، ژنيل کەم عەقڵ تویش خوێان تیەرن، ژنیلێگ که له ژێر بار گونایل چەمیانەسەو و هەواوهەوەسیل جوراجور، ئەوانه وه هەر لاێگەو کیشێد،

نامه وە غەلاتییل 5:10

وەناو خوداوەند دڵنیام که باوەڕێگتر قەبوڵ نیەکین. وەلێ ئەوه که پەشێودان کەی، هەر کەسێگ بود، وه سزاێ کارەگەێ رەسێد.

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

دویم قورنتییل 11:13

چوینکه ئیجور کەسیلێ، ڕەسولەیل دروەکانی و کارکەریل فێڵبازن که خوێان وه وێنەێ ڕەسولەیل مەسیح دەر تیەرن.

دویم قورنتییل 3:17

خوداوەند، روحه و هەر کوره روح خوداوەند بود، وه ئەوره ڕزگاری هەس.

کاریل ڕەسولەیل 20:30

تەنانەت وەناو خوەدان کەسیلێگ پەێا بون که ڕاسی چەواشه کەن، تا شاگردیل بکەنه پێرەو خوێان و له ڕێ وه دەر بکەن.

کاریل ڕەسولەیل 15:24

شنەفتیمنه کەسیلێ له ناومان، بی ئەوه که دەستورێگ له ئیمه بیاشتوین، هاتنه و ئیوه وەگەرد قسیەیلیان پەشێو کردنه و سەره لێدان شێواننه.

کاریل ڕەسولەیل 15:1

بڕێگ له ناوچەێ یەهودیەوه هاتنه ئەڕا شار ئەنتاکیه و برایل تالیم دیان و وەتیان: «ئەگەر وه پێ نەریت موسای پەێخەمەر خەتەنه نوین، نیەتویەنین نجات پەێا بکێن.»

یەکم پتروس 2:16

هەر جور ئایەمیل ڕزگار زنەیی بکەن، وەلێ ڕزگاری خوەدان مەکەنه سەرپوشێگ ئەڕا شەڕئاشویی، بەڵکەم هەر جور خوڵامیل خودا زنەیی بکەن.

نامه وە غەلاتییل 4:25

هاجەر کویەێ سیناس، له وڵات عەرەب، ئەوه وەگەرد شار ئورشەلیمی که ئیسه هەس بەرابەره، چوینکه وەگەرد مناڵیلی وه خوڵامی دەێدەێ سەر .

دویم قورنتییل 11:17

قسیەیلی که ئویشم جور قسیەیلی نیه که له دەم خوداوەندەو دەر تێد، بەڵکەم جور قسیەیلێگه که له دەم یە ئایەم گیلگەوج دەر تێد.

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

نامه وە غەلاتییل 1:7

هەڵبەت ئینجیلێگ تر نیه، وەلێ کەسیلێگ هەن که پەشێودان کەن و توان که ئینجیل مەسیح بگویڕنن.

یاقوب 1:25

وەلێ ئەوه که چەو‎ بڕیەسه شەریعەت کامڵ که شەریعەت ڕزگاریه و ئەوه وه جێ تیەرێد، گوشکەر له هویربەریگ نیه بەڵکەم وه جێ هاوەر ئەوەسه، ئەوه وه کردەوەێ خوەێ بمارکه.

لوقا 5:38

شراو نو باێه بکێدێ ناو مەشکەیل نو.