نامه وە غەلاتییل 2:2 - کتاب مقدس به زبان کردی جنوبی - گویش کلهوری

² مه وەبونەێ وەحیێگ که گردوێم، چیم و ئەو ئینجیله که وەناو ناجویلەکەیل جار دەم، وەتمه پێان تا دڵنیا بوم که وه هویچ پەتی نەدەویام یا نەدەویمه هەر چەن که ئيه وه تەنیایی، وەتمه ئەوانه که چماێ ئایەمیل بەناوبانگێگ بین.

نامه وە غەلاتییل 2:2 Referans Kwoze

نامه وە غەلاتییل 2:6

وەلێ ئەو ئایەمیله که چماێ بەناوبانگن - ئەوانه هەر کەسێگ بین ئەڕام فەرقێگ نیەکێ، خودا دوچەوەکی نیەکەید - بەڵێ، وه پێدان ئویشم ئەو ئایەمیل بەناوبانگه چشتێگ وه مه فرەترەو نەکردن،

نامەێ فیلیپییل 2:16

هەر ئەوجورە که قورس لچکیاینەسه کەڵام زنەیی؛ تا ئیجوره وەناو ڕوژ هاتنەوەێ مەسیح شانازی بکەم که وه هویچ پەتی نەدەویم یا وه هویچ پەتی مینەت نەکیشامه.

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

نامه وە غەلاتییل 2:9

جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.

یەکم قورنتییل 9:26

جا مه بی ئامانج دەو نیەکەم، مه جور کەسێگ که مشت کوتێدە هەوا، مشت نیەکوتم؛

یەکم قورنتییل 1:23

وەلێ ئیمه مەسیح وه سەلیب کیشریای بانگەوازی کەیمن که ئەڕا جویلەکەیل کوچگیگه که بوده بایس کەفتنێان و ئەڕا ناجویلەکەیل گیلگەوجیه،

یەکم قورنتییل 9:24

ئێ نيەزانين وەناو مەێدان موسابقه، گشتیەکی دەون، وەلێ تەنیا یەکیگێان خەڵاتەگه بێدەو؟ جا جوری بدەون تا خەڵاتەگه وه دەس بارین.

یەکم قورنتییل 2:2

چوینکه پشت ئەڕاێ بەساویم وەناودان چشتێگ نەزانم بێجگه عیسا مەسیح ئەویش وه سەلیب کیشریاێ.

کاریل ڕەسولەیل 15:12

ئمجا گشت جەماێەتەگه بیدەنگ بین و گوش دانه بەرنابا و پولوس که وەتیان خودا وه دەس ئەوانه وەناو ناجویلەکەیل چ نیشانەیل و موجزەیلێ ئاشکرا کردوی.

کاریل ڕەسولەیل 15:4

وەختێ ڕەسینه ئورشەلیم، کلیسا و ڕەسولەگان و شێخیل چینه پیریانەو. پولوس و بەرنابا هەر چی که خودا له ڕێ ئەوانه کردوی، وەپێان وەتنەو.

نامەێ فیلیپییل 2:29

جا وەناو خوداوەند، ئەوه وه خوەشی تەمام قەبوڵێ بکێن و حرمەت ئیجور کەسیلێگیش بیاشتوین،

نامه وە غەلاتییل 1:16

خوەشنود بی که کوڕەگەێ خوەێ وه مه ئاشکرا بکێ تا ئەیو له ناو ناجویلەکەیل بانگەوازی بکەم، له ئەو وەخته مه وەگە‎رد کەسێگ هاوفکری نەکردم و

کاریل ڕەسولەیل 23:11

هەر ئەو شەوه، خوداوەند له لاێ پولوس وساد و فەرمایش کرد: «دڵد قورس بو! هەر ئەوجورە که وەناو شار ئورشەلیم وه مه شاێەتی داید، وەناو رومیش باێه شاێەتی بێی.»

کاریل ڕەسولەیل 18:9

یەێ شەو خوداوەند له رویا وه پولوس وەت: «زاورد نەچود! قسیه بکه و بێدەنگ مەو!

کاریل ڕەسولەیل 5:34

وەلێ پیاێگ له فرقەێ فەریسی وه ناو گامالائیل که ماموستاێ تەورات بی و گشت حرمەتی گردیان، وەناو شورا هەڵساد و دەستور دا ڕەسولەگان ئەڕا ماوەێ کەمێگ بوەنه دەیشت.

ئنجیل مەتا 10:16

«بنوڕن مه ئیوه جور پەسیل کلدان کەمه ناو گورگێل. جا جور مار هوشیار بون و جور کەموتەر بیتاوان.

کاریل ڕەسولەیل 15:2

جا وەشون ئەوه که پولوس و بەرنابا له نوایان وسان و باس و دەمقاڵ سەختێگ کردن، وه ئیه ڕەسین که پولوس و بەرنابا و چەن نەفەرتر لەليان بچنه ئەڕا شار ئورشەلیم ئەڕا لاێ ڕەسولەگان و شێخیل له ئەو باوەتەو پرسیارەلێان بکەن.

رومیەگان 9:16

جا وه خاست یا تەقالا کردن ئایەم نیه، بەڵکەم وه خوداێگه که بەزەیی کێ.

دویم قورنتییل 12:1

باێه شانازی بکەم؛ هەرچەن وەناو ئی شانازیه نەفێگ ئەڕام نیه، رویاییل و وەحیێلێ که له خوداوەند داشتمه، ئویشم.

نامه وە غەلاتییل 1:6

تاجو کەم چوی ئیوه وه ئی زویه له ئەو کەسه که ئیوه دەنگ کردێەسه ناو فیز مەسیح، هەڵوگەردیاین و وەرەو ئینجیلێگ تر چین.

نامه وە غەلاتییل 1:12

چوینکه مه له ئایەمێگ نەگردمەسێ و کەسێگیش وەپێم یاێ نیا؛ بەڵکەم عیساێ مەسیح له ڕێ وەحی وەپێم ئاشکراێ کرد.

نامه وە غەلاتییل 5:7

خاس دەویاین. کی نوای ڕێەگەدان گرد تا له ڕاسی گوش نەتەکنین؟

دویم تیموتاوس 4:7

جەنگ خاسەگە جەنگیمه، موسابقەگه رەسانمەسه ئاخر و ئیمانم بی خڵت خەوش پارێزانمه.

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.