نامه وە غەلاتییل 1:21 - کتاب مقدس به زبان کردی جنوبی - گویش کلهوری

²¹ جا وەشون ئەوه، چیمه ئەڕا مەنتەقەیل سوریه و کیلیکیه.

نامه وە غەلاتییل 1:21 Referans Kwoze

کاریل ڕەسولەیل 15:41

پولوس له سەر ڕێ سوریه و کیلیکیه، کلیسایل وه قەوەتەو کردیا.

کاریل ڕەسولەیل 9:30

وەختێ براگان ئیه فامین، بردنێ ئەڕا شار قیسەریه و له ئەوره کلی کردن ئەڕا شار تارسوس.

کاریل ڕەسولەیل 6:9

جا چەن نەفەر له کەنیسەێگ که وەپێ وەتیان ’کەنیسەی ڕزگار کریایێەگان‘، له جویلەکەیل قیرەوان و ئەسکەنەریە و ئەوانەێ که له ناوچەێل کیلیکیه و ئاسیا بین، هەڵسان و وەگەرد ئستیفان بیه دەمقاڵیان.

کاریل ڕەسولەیل 15:23

ئمجا ئیجور نامەێگ نویسان و دانه دەسێان: «له ئیمه ڕەسولەیل و شێخیل، برایل ئیوه، وه برایل ناجویلەکەێ ئەنتاکیه و سوریه و کیلیکیه، سڵام!

کاریل ڕەسولەیل 13:1

وەناو کلیساێ شار ئەنتاکیه چەن گله نەبوەتکەر و ماموستا بین: بەرنابا، شەمعون ماروف وه نیجر، لوکیوس قیرەوانی، مانائن که له ڕەفیقەیل قەدیمی هیرودیس حاکم بی که له مناڵێ وەگەردیەو گەورا بوی وەگەرد شائول.

کاریل ڕەسولەیل 23:34

فەرمانرەوا نامەگه خوەن و له پولوس پرسی له مەردم کام وڵاتی. وەختێ زانست له مەردم کیلیکیەس،

کاریل ڕەسولەیل 22:3

«من پیاێگ جویلەکەم و ناو شار تارسوس کیلیکیه هاتمەسه دنیا. وەلێ وه ئی شاره گەوراوه بیمه. وه لاێ گامالائیل وه خاسێ وه پێ شەریعەت باپیریلمان تالیم گردمه و ئیمڕو جور گشتدان ئەڕا خودا غیرەت دێرم.

کاریل ڕەسولەیل 21:39

پولوس جواو دا: «من جویلەکەم، له مەردم تارسوس کیلیکیه، شار بی ناو و نیشانەیگ نیه. لاڵکیەمه پێدان تا بیلين وەگەرد مەردم قسیه بکەم.»

کاریل ڕەسولەیل 21:3

ئمجا جەزیرەی قپرس له لاێ چەپمان دیمن و ڕەدێ کردیم، چیمن وەرەو وڵات سوریه و له بەندەر سور داوەزیمن، چوینکه وه ئەوره باێه بار کەشتیەگه خاڵی بکردیان.

کاریل ڕەسولەیل 18:18

وەشون ئیه که پولوس ڕوژیل فرەێگ وه قورنتوس مەن، وەگەرد برایل ماڵئاوایی کرد و له ڕێ دەریا چیه ئەڕا سوریه، پریسکیلا و ئاکیلایش وەگەردێەو بین. ئەوه وه شار کنخریه سەر خوەێ تاشی، چوینکه ئیجوره نەزر کردوی.

ئنجیل مەتا 4:24

ئمجا دەنگ و ناو عیسا وه سەرئانسەر سوریه پێچیا، ئەوانیش گشت نەخوەشەگانیان وه هەر لەون ژان و نەخوەشیگەو هاوردیانه ئەڕا لاێ، ئەوانه که خوودار بین و کەفتیانه ڕکه و فەلەج بین، ئەیو شەفاێان دیاد.