ئەفسوسیێل 6:18 - کتاب مقدس به زبان کردی جنوبی - گویش کلهوری

¹⁸ گشت وەختێگ، وه گشت جور دوعا و لاڵکیان، وەناو روح خودا دوعا بکەن. ئەڕا ئیه وه تەمام هوشیاریەو وه خەوەر بون و هەمویشه وه پاوه گەزداین ئەڕا گشت ئیمانداریل وه مەسیح دوعا بکەن.

ئەفسوسیێل 6:18 Referans Kwoze

یەکم تسالونیکییل 5:17

یەێ‌سەر دوعا بکێن؛

نامه وه کولوسییل 4:2

وەناو دوعا کردن پا بینه گەز و بچنه نوا و وەناو دوعا وه شوکرکردن، هوشیار بون.

نامەێ فیلیپییل 4:6

ئەڕا هویچ چشتێگ نگران نوین، بەڵکەم وەناو هەر چشتێگ وەگەرد دوعا و لاڵکیان، وەگەرد شوکرکردن، هەر چی خوەدان تواین وه خودا بویشن.

یەکم نامەێ تیموتاوس 2:1

جا، وەرجه هەر چشتێگ، ئاموژیاری کەم که داواکارییل، دوعایل، ناوجێ کردنیل و شوکر کردنیل ئەڕا گشت مەردم وه جێ باێد،

یەهودا 1:20

وەلێ ئیوه ئێ عەزیزەیل، خوەدان وەناو ئیمان فره موقەدەسدان بنینه سەر پاوه و وەناو روح‌القودوس دوعا بکێن،

مەرقوس 14:38

وەخەوەر بون و دوعا بکەن تا وەناو ئەزمون نەکەفین. روح وه ئەزرەته وەلێ جەسه بی هازه.»

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

ئنجیل مەتا 26:41

وەخەوەر بون و دوعا بکەن تا وەناو ئەزمون نەکەفین. وه ڕاسی روح وه ئەزرەته وەلێ جەسه بی هازه.»

ئەفسوسیێل 1:16

له شوکر کردن ئەڕا ئیوه واز نیەتێەرم و یەێ‌سەر له دوعایل خوەم تیەرمەدانه هویرم

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

مەرقوس 13:33

جا هوشدان بود و وەخەوەر بون، چوینکه نيەزانين ئەو وەخته کەی رەسێ.

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

کاریل ڕەسولەیل 1:14

ئیانه گشتێان وەگەرد ژنيل و هەر ئیجوره مریەم داڵگ عیسا و براگانێ، وه یەێ دڵ وەخت خوێان ناوینه ئەڕا دوعا کردن.

لوقا 22:46

وەپێان وەت: «ئەڕا خەفتینه؟ هەڵسن و دوعا بکەن تا وەناو ئەزمون نەکەفین.»

عبرانییل 5:7

عیسا له ڕوژیل زنەیی خوەێ وه بان زەوی، وەگەرد هاواریل بەرز و ئەسریل وه دەرگاێ خودا که تویەناێ نجات داینێ له مردن داشت، دوعا کرد و لاڵکیاد و وەبونەێ گوش تەکانن تەمامی، دوعاگەی قەبوڵ کریا.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

نامەێ فیلیپییل 1:4

هەمویشه وەناو گشت دوعایلم ئەڕا گشتدان وه خوەشی دوعا کەم،

ئەفسوسیێل 6:19

ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

کاریل ڕەسولەیل 12:5

جا پتروس هیشتنه زندان، وەلێ کلیسا وه قوڕن دڵ له لاێ خوداوه ئەڕاێ دوعا کردیاد.

نامه وه فیلیمون 1:5

ئەڕا ئیه که مابەت و ئیماند وه خوداوەند عیسا و گشت ئیمانداریل مەسیح که دێرێ، شنەفم.

کاریل ڕەسولەیل 10:2

ئەوه و بنەماڵەگەێ پارێزکار و خوداترس بین. کورنلیوس وه فره له کەمدەسیل وه دەس دڵوازای سەدەقه دیاد و یەێ سەر وه دەرگاێ خودا دوعا کردیا.

کاریل ڕەسولەیل 6:4

وەلێ ئیمه خوەمان خەریک دوعا و خزمەت کەڵام کەیمن.»

ئەفسوسیێل 3:18

تا تویەنایی ئەوه بیاشتوین که وەگەرد گشت ئیمانداریل وه مەسیح وه پانا و دریژا و بەرزا و قویلای مابەت مەسیح پێ بوین و

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

ئەفسوسیێل 2:22

ئیوەیش وەناو مەسیح عیسا وه یەکەو نرێینه سەرپاوه تا بوینه خانگێگ که خودا له ڕێ روح خوەێ وەناوێ نیشتەجێ بود.

لوقا 3:37

لەمک کوڕ مەتوشالەح، مەتوشالەح کوڕ خەنوخ، خەنوخ کوڕ یارد، یارد کوڕ مەهەلەلئیل، مەهەلەلئیل کوڕ قینان،

نامه وه کولوسییل 1:4

چوینکه تاریف ئیماندان وه مەسیح عیسا و مابەتێگ که وه گشت ئیمانداریل وه مەسیح دێرین، شنەفتیم.

نامه وە غەلاتییل 4:6

جا ئەڕا ئیه که کوڕیلین، خودا روح کوڕەگەێ خوەێ کل کردێه ناو دڵمان که هاوار کێ: «ئەبا! باوگه!»

لوقا 3:26

نەججەی کوڕ مەعەت، مەعەت کوڕ مەتتاتیا، مەتتاتیا کوڕ سمعین، سمعین کوڕ یەسک، یەسک کوڕ یەهودا،

نامه وه کولوسییل 1:3

ئیمه هەمویشه له وەخت دوعا ئەڕا ئیوه، خودا، باوگ خوداوەندمان عیسا مەسیح شوکر کیم،

ئنجیل مەتا 17:21

وەلێ ئی جنس دێوه بێجگه وه ڕوژه و دوعا دەر نیەکرێید.»