ئەفسوسیێل 5:8 - کتاب مقدس به زبان کردی جنوبی - گویش کلهوری

⁸ چوینکه یەێ وەختێ ئیوه تیەریکی بین، وەلێ ئیسه وەناو خوداوەند نویرین. جور ڕوڵەیل نویر زنەیی بکێن.

ئەفسوسیێل 5:8 Referans Kwoze

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

نامه وه کولوسییل 1:13

ئەیو له حوکمرانی تیەریکی ڕزگارمان کردێه و بردیەسەمانه ‎ناو پادشایی کوره عەزیزەگەێ خوەێ،

یوحەنا 12:46

مه جور نویریگ هاتمەسه ئی جهانه تا هەر کەس وه مه ئیمان بارێ، وەناو تیەریکی نەمینێ.

ئەفسوسیێل 4:18

فامێان تیەریکەو بیه و وەبونەێ نەزانی که ها ناوێان که دڵڕەقی بیەسه بایسێ، له زنەیی خودا دویرەو کەفتنه.

یوحەنا 12:36

تا وەختێ نویر ها گەرددانەو، وه نویر ئیمان بارن تا بوینه ڕوڵەێ نویر.» وەختێ عیسا ئی قسیەیله کرد، چی و خوەێ له لێان شاردەو.

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

لوقا 16:8

«ئەرواو، وه کاروەدەس فێڵباز ئافەرمێگ وەت، چوینکه له ڕوی فام کار کردوی؛ وەبونەێ ئیه که مناڵیل ئی دەوره زەمانه وه هەڵس بنیش وەگەرد هاودەورەیلێان، وه مناڵیل نویر زاناترن.

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

لوقا 1:79

تا وه کەسیلێگ که هانه ناو تیەریکی و ژێر ساێەڕ مەرگ، نویر خوەێ بدرەوشێدەو، وه گامیلمان وه ڕێ ئاشتی و سڵامەتی ڕێنمایی بکێ.»

دویم قورنتییل 6:14

وەگەرد بی ئیمانیل وه ژێر هویەێ نابەرابەر نەچن، چوینکه چ هاوبەشیێگ ها له بین سالح بوین و شەرئاشویی؟ یا چ دوسیێگ ها له بین نویر و تیەریکی؟

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

رومیەگان 2:19

ئەگەر دڵنیایدن که تو خوەد ڕێنمای کوریلید و نویریگید ئەڕا ئەوانه که هانه ناو تیەریکی و

یوحەنا 1:9

ئەو نویر ڕاسەکانیه که وه گشت کەسێگ نویر دەید، هاتیاده جهان.

ئنجیل مەتا 4:16

ئەو قەومه که وەناو تیەریکی نیشتەجێ بین، نویر گەوراێگ دینه و ئەوانه که نیشتەجێیل میلکان ساێەڕ مەرگ بین، نویر هاتیە‎سه ملێانەو.»

نامه وە غەلاتییل 5:25

ئەگەر وه روح خودا زنەیی کيمن، باین ڕێ رەوشتمانیش وه روح خودا بود.

رومیەگان 1:21

ئەڕا ئیه که هەر چەن ئەوانه خودا ناسین، وەلێ جور خودا حرمەت ئەیو نەگردن و سپاسێ نەکردن، بەڵکەم وەناو فکرێان تویش چشتیل پویچ هاتن و دڵ بێ فامێان تیەریکەو بی.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

ئنجیل مەتا 3:8

جا کاریلێ بکەن که شایسەێ توبه بود.

یوحەنا 12:35

جا عیسا وەپێان وەت: «نویر ئەڕا قێرێگ‎تر ها گەرددانەو. تا نویر ها گەرددانەو، ڕێ بکەن نەخواێ تیەریکی ئیوە بگرێده وەر. هەر کەس وەناو تیەریکی ڕێ کێ، نیەزانێ ئەڕا کوره چود.

رومیەگان 13:12

شەو تەمامە و ڕوژ نزیکه. جا بان کردەوەێ تیەریکی فڕەی بیمن و زرەی نویر بکێمنه وەر.

نامه وه کولوسییل 1:12

باوگ ئاسمانی شوکر بکێن که ئیوه شایسەێ بەشدار بوین وەناو میراتیێگ کردێه، که ئیمانداریل وه مەسیح وەناو نویر دێرن.