ئەفسوسیێل 5:5 - کتاب مقدس به زبان کردی جنوبی - گویش کلهوری

⁵ چوینکه دڵنیا بون که هویچ خێزیگ یا ناپاکێگ یا تەماکارێگ، که تەماکاری بت پەرەسیه، وەناو پادشاێ مەسیح و خودا میراتێگ نێری.

ئەفسوسیێل 5:5 Referans Kwoze

نامه وە غەلاتییل 5:21

بەخویی؛ سەرخوەشی، عەێاشی و ئیجور چشتیلی. هەرئەوجوره که وەرجەوە وەپێدان هەڕەشه کردم، وەدواره هەڕەشه کەمه پێدان کەسیلێگ که ئی کاریله کەن پادشاێ خودا وه میراتی نیەوەن.

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

ئەفسوسیێل 5:3

وەلێ نەخواێ تەنانەت قسیەیگ له خیزی یا هەر جور ناپاکی یا تەماێگ له ناودان باێده دەیشت، چوینکه ئیانه ئەڕا ئیمانداریل وه مەسیح مناسو نیه.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

نامه وە غەلاتییل 5:19

کاریل جەسه ئاشکراس: خیزی، ناپاکی، هەرزەی؛

عبرانییل 13:4

بیلن هاوسەردارێ وەناو گشتیەکی حرمەت بیاشتود و بین ژن و شوی پاک بمینێ، چوینکه خودا خێزیل و داوانپێسیل داوەری کەی.

یەکم نامەێ تیموتاوس 6:10

چوینکه تەما وه پویل ریشەێگه که گشت جور خراوی له لێ تێدە بار و بڕێگ له تاسەێ ماڵ و دارایی، له ئیمان دویرەو کەفتنه، خوێان تویش ژانیل فره زام‎دار کردنه.

یەکم نامەێ تیموتاوس 6:17

وه دەوڵەمەنیل ئی دنیا حوکم بکه که قتقوز نەون وه ماڵ ئی دنیا که بەردەوام نیه پشت نەوەسن. بەڵکەم وه مل خوداێگ پشت بوەسن که گشت چشتێگ وه فراوانی ئەڕا ئیمه گورجەو کەێد تا له ئەوانه لەزەت بویم.

کاریل ڕەسولەیل 8:21

تو وەناو ئی خزمەته هویچ بەش و نسیویگ نێری، چوینکه دڵد لەلاێ خوداوه ڕاس نیه.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

نامه وه کولوسییل 1:13

ئەیو له حوکمرانی تیەریکی ڕزگارمان کردێه و بردیەسەمانه ‎ناو پادشایی کوره عەزیزەگەێ خوەێ،